Lucas 18:7 - Nuevo Testamento Toba Sombrero Negro

⁷ Chane'eja naq'aeta joñe'me Dios: nach'e ena'am de'uolo'te gaa'me liquiyaqa queda'me noloqo'ote nataq'aen pi'yaĝadi da'me yiyaĝadetapecot joñe'me. Qama'le ¿jeele yedaĝachelo da'me leuataqataĝanaĝa'j gaa'me?

Nuevo Testamento Toba Sur

⁷ Qaq ñi Dios ¿peta'a saq 'eeteco' nataq'en de'eda, da iuejlec cam lca'aguishic mayi nachoxodeetacot ñimayi naua na'axa'tesa'chi qataq naua pe'? Qaq ¿peta'a huo'o ca ÿictega? 'A'i.

La'aqtaqa Ñim Lo'onatac 'Enauacna 2013

⁷ Qaq Ñim Lo'onatac 'Enauacna ¿peta'a saq 'eeteco' nataqa'en de'era, da iueelec cam lca'aguishec maye nachoxoreetacot Ñimaye naua na'axa'tesa'ache qataq naua pe'? Qaq ¿peta'a huo'o ca ỹectega? 'A'i saishet.

Lucas 18:7 Referans Kwoze

2 Pedro 3:9

Uo'oe gaa'me jo'ne eetedapega ja eja da'me 'niyelaĝaquena ñe'me Qadejaliaĝanec, qalaĝaja ja naq'aeta, dite da'me cha'li uayaloĝoden da'me en yepaquichigui da'me jo'ne joote 'yaĝatetac, qa'a yajouaĝat da'me ami neualaĝae'to, queda'me ja 'yamaqaten ta'le 'uo ga'me yeleu, dite da'me yeuate'ta ena'uac da'me 'niyeloqot joñe'me.

Lucas 11:13

Chane'eja, qom ami, jo'ne qaleuaĝayaqa, auayachiñe da'me auañema gaa'me uo'oe jo'ne onaĝayaqa naa'me ac'oqo'chedi', qama'le ¡yataqachiñe p'ajaye ñe'me Qadet'a jo'ne na'ague di'me piyem yanema jaĝa'te ñe'me Lepaqal jo'ne ja 'nalegue ena'uaque jogaa'me jo'ne yiyaĝadaque!”

1 Timoteo 5:5

Jaga'me yataqata p'ai jo'ne onola, joote yanem da'me leuataqataĝanaĝac ñe'me Dios, qama'le ja yaĝañi da'me nachoĝodenaĝac, chayovida'a lajelaĝanaĝac yemeda naa'me noloqo'ote, nataq'aen pi'yaĝadi.

Apocalipsis 6:10

Qama'le nete'n da'me yauote da'me 'laqata'j: “Am Qadejaliaĝanec jo'ne am ja 'nalegue nataq'aen am jo'ne am yataqatelegue, ¿jach'e ga'me quejetelegue da'me yovita ga'me laloqo' da'me auec'ate'n ga'me jiyaĝadipi jo'ne uetedalegue jena'me aleua qaedi qo'mi 'viyelaĝaque da'me qadeleuaĝa?”

2 Ts 1:6

Jena'me jenjo' yataqata 'noota ta'le joñe'me Qadet'a ya'uo lachoĝodec joga'me ami yalate'tape nayi.

Lucas 2:37

qama'le male p'ai chayovida'a ochenta y cuatro gaa'me ne'uoidi. Nach'e eta't yec'ata ga'me tamenaĝaiqui, noloqo'ote, pi'yaĝadi, yema'a ñe'me Jaliaĝanec, choqoda'me noqouaqatetapela't nataq'aen gaa'me netamenaĝaco jo'ne yauo'oe.

Mateo 7:11

Chane'eja qom ami jo'ne qaleuaĝayaqa auayachiñe da'me auañema gaa'me uo'oe jo'ne onaĝayaqa naa'me ac'oqo'chedi', qama'le ¡yataqachiñe p'ajaye ñe'me Adet'ai jo'ne na'ague di'me piyem yanema jaĝa'te gaa'me uo'oe jo'ne onaĝayaqa ena'uaque jogaa'me jo'ne yiyaĝadaque!

Apocalipsis 18:20

“Male am matac nayi, am piyem, Qa'a yajouaĝat da'me ne'uaĝanaguec jena'me jenjo' noic, nataq'aen male ami made'tape, ami Dios lec'oqo'tepi jo'ne ami ja 'nalo'te, da'me ami Dios lamaĝa's nataq'aen da'me ami 'laqataĝanaĝanaqa joñe'me, qa'a nach'eñe ñe'me Dios jo'ne ye'uaĝan di'me noic let'adaic, qaedi ya'uo da'me en adajo'viyaĝaqui.

1 Ts 3:10

Pi'yaĝadi choqoga'me noloqo'ote 'uo joga'me qanachoĝodenaĝac janemaĝam joñe'me Qadet'a Dios qaedi qo'mi yaje'tema da'me yitaĝa ami jauanaĝalo qomle, nataq'aen da'me male ami yecochaĝalo qaedi yataqata nalochiñe da'me adepi'iyaĝaqui.

Colosenses 3:12

Dios ami noqopitalo, nataq'aen ami yatetelo'te qaedi ovitauelo joga'me c'oqo'tepi joñe'me. Chane'eja anaviquila't da'me qaedi ami choĝodenataĝanaĝayaqa, nataq'aen ami qopitaĝanaqataqayaqa nataq'aen ami pogaĝadenaĝayaqa. Ena'te ami 'yoĝodenaĝayaqa, uotaĝa ta'le ami co'yaqayaqa.

Romanos 8:33

¿Jach'e ga'me yaqanatet da'me yepoleguelo'te jogaa'me Dios liquiyaqapi queda'me Dios nach'eñe e'n yataqatelo'te jogaa'me?

Apocalipsis 7:15

Chane'eja nayi male dajotedo'ot jañe'me neje'onaĝaiqui joñe'me Dios queda'me t'onataĝa'tape, t'onataĝadoue joga'me jo'ne mach'e netamenaĝaiqui. Qama'le joñe'me jo'ne netañgui jañe'me je'onaĝaiqui male nach'e eta't da'me uetauelo qaedi de'uolo'te.

Tito 1:1

Jayem Pablo, jo'ne lalemaĝajet ñe'me Dios, nataq'aen jayem Jesucristo lamaĝajec qaedi jeda'alo da'me 'laqataĝanaĝac jogaa'me jo'ne joote yiyota'alo ñe'me Dios, qaedi p'iida'a joñe'me, nataq'aen qaedi yateto'n da'me yataqatelegue. Nach'eda jo'ne yapaĝagueneque jogaa'me da'me qaedi ye't ga'me jo'ne yepaquetapega joñe'me Dios,

2 Timoteo 1:3

Ñetamenaĝaco nale jauo'oe gaa'me noloqo'ote nataq'aen gaa'me pi'yaĝadi yataqata ja am 'te japalaĝate'ta, mac da'me yamaic janem ñe'me Dios jo'ne naqaeñe jo'onataĝatape'uo, qama'le qaya'te yelnataĝac laqaya mac da'me yataqata jen yoqovichigui jena'me yeuel, qa'a naq'aeta da'me 'lonataĝanaĝa'j dia'me yet'al joca'li.

Mateo 24:22

Qalaĝaja qom ñe'me Jaliaĝanec ja yip'iaĝataye da'me dojo' qama'le qaya'te yaqanatet ta'le nec'alegue. Qalaĝaja, yip'iaĝataye qom'te, jouaĝat da'me yataqata yichoĝode'n jogaa'me lec'oqo'tolqa jo'ne mach'e liquiyaqa.

Mateo 24:24

Qa'a novi't qom'te gaa'me pecayaqa jo'ne eetapela'ajalo Dios liquiyaqa, nataq'aen gaa'me qovinaĝanaĝayaqa jo'ne eetapela'ajalo Dios 'laqataĝanaĝanaqa; qama'le nach'egaua yauo'oe gaa'me 'lanaqa nataq'aen gaa'me lañoqotaĝanaĝaco jo'ne p'ajodaye qaedi doqovinaĝa'n, da'me jetaque yañoĝo't chayovida'alo gaa'me Dios lec'oqo'tolqa jo'ne mach'e liquiyaqa.

Lucas 21:28

Qom yepacalegue da'me di'yo'quena naa'me naajo' uo'oe, qama'le 'noota qom auacoñiyeguet da'me at'añaĝaqui, qa'a nach'ega laloqo' da'me ami qonec'alaĝatedegue.”

2 Timoteo 2:10

qama'le jalcote qoye'n yachoĝodeco, qaedi gaa'me dalaĝayaqa Dios lec'oqo'tepi male nec'alaĝatedegue nataq'aen yacoteguet ga'me 'noyaĝac jo'ne ja 'naidena'a, nach'ena jenjo' yanegue joñe'me Cristo Jesús.

1 Pedro 1:1

Jayem Pedro, da'me jayem lamaĝajec joñe'me Jesucristo, male ami jamaĝalo da'me yep'iyenataĝanaĝac, da'me ami jo'ne lagaĝaiquipi 'me oñita'ña ga'me jo'ne p'aye joga'me te'me at'achaqadi', gaa'me ale'u lael jo'ne lenaqa'te da'me Ponto, Galacia, Capadocia, Asia nataq'aen di'me Bitinia.