Lucas 18:32 - Nuevo Testamento Toba Sombrero Negro

³² Qa'a jayem qoyanouelo qomle gaa'me Roma laje', qama'le jayem qoye'uetac, nataq'aen qoyejouetac nataq'aen qonatoĝolegue.

Nuevo Testamento Toba Sur

³² Qaq namayi qome qoÿanoigui nam chigaqauec shiÿaxauapi, da yaqto' i'enai', ishiueetac, qataq nqaigoqot.

La'aqtaqa Ñim Lo'onatac 'Enauacna 2013

³² Qataq Aỹem qoỹanoigui qome nam chegaqauec shiỹaxauapi, da yaqto' Aỹem ỹe'enai', qataq Aỹem isheueetac, qataq Aỹem nqaigoqto'ot.

Lucas 18:32 Referans Kwoze

Lucas 23:11

Chane'eja Herodes choqogaa'me coico laje' 'yetedec da'me 'yotatedac ca'li nataq'aen ye'uetedac joñe'me; qoyen yaiñe ga'me napoto jo'ne 'yoĝodac, ena'am ga'me jaliaĝanec jo'ne qodajoyapelegue. Yem qama'le Herodes yitaĝa 'yiyelaĝata ñe'me Pilato.

Hechos 3:13

“Ñe'me Nedios di'me Abraham, di'me Isaac, di'me Jacob, ñe'me Nedios dia'me jachiyojoĝogueta 'me qadet'al, nach'eñe yanem da'me yataqachiñe p'ajaye li'yoĝodic ñe'me lalemaĝajet Jesús. Nach'eñe jo'ne auemiñeyouelo gaa'me jaliaĝanaqa nataq'aen nach'eñe jo'ne a'uotañetac nataq'aen anemañetapec ca'li jetaque yejoye ñe'me Pilato.

Marcos 14:65

Uo'oe gaa'me paja'a natoĝodelegue ca'li, nataq'aen qoyapadiñgui na'me latajoĝoc da'me qoye'uaĝan, enapega'ajalo: —¿Jach'e jogamaĝa am ye'uaĝan? Nataq'aen jogaa'me vitaĝayaqa ga'me tamenaĝaiqui ye'uaĝa'n joñe'me.

Mateo 26:67

Chane'eja natoĝodelegue ga'me latajoĝoc, nataq'aen ye'uaĝa'n. Laqaya' ye'uaĝadoue jena'me latajoĝoc,

Mateo 16:21

Chane'eja chiyoqochiñe joca'li ñe'me Jesús 'naĝatetapela't queda'me youetaque da'me yec'ata di'me Jerusalén, nataq'aen queda'me nautetedapega qomle ga'me 'yaĝaicachidipi, choqogaa'me lejaliaĝanaqa ga'me tamenaĝaiqui lo'olpi nataq'aen joga'me judiopi napaĝaguenoqo'tpi, qaedi jalcote da'me lachoĝodec jo'ne yauote qomle, nataq'aen da'me yala't. Qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Hechos 2:23

Qama'le Jesús, jo'ne qoyaneuo ca'li queda'me nach'eda joote yaqataĝañi ñe'me Dios jo'ne ya'uo da'me 'lonataĝanaĝac, ami aualachi, auep'eñiyajeguem auaviquelo'te gaa'me jiyaĝa'u jo'ne ja 'noe'n.

Juan 18:35

'Yateguet joñe'me Pilato: —¿Qo'li aueetapega da'me jayem judío le'ec? Gaa'me jo'ne mach'e at'achaqa' laje' nataq'aen jogaa'me lajoĝola'te gaa'me tamenaĝaiqui lo'ol, nach'egaua jo'ne am yadegue qaedi jayem am yamaĝadelegue. ¿Jach'e ga'me aua'uo jo'ne am yajouaĝat?

Juan 18:30

Qama'le jogaa'me 'yadeteguet: —Ta'le ja naqaeda jo'ne 'uo da'me laviyaĝajet qama'le ja am 'te jamaĝajoĝolegue.

Juan 18:22

Mane'e ca'li Jesús 'yaĝatetac da'me dojo', qama'le 'uo ga'me neteloqo't joga'me tamenaĝaiqui ye'uaĝanoue ga'me latajoĝoc joñe'me Jesús, qama'le eetac da'me enapega: —¿Qo'li naq'aeta da'me a'uateguet joñe'me lajoĝola't gaa'me tamenaĝaiqui lo'ol?

Lucas 23:35

Nach'e ena'am ue'tedi ga'me jiyaĝadipi yec'atetedac; nataq'aen chayovida'alo gaa'me jaliaĝanaqa ye'uetedac joñe'me, enapega't: —Yaqanatet da'me nec'alaĝatedegue gaa'me laqaya'; 'noota da'me mach'e nec'alaĝatela't nayi, qom eja naqaeñe Liquiyac ñe'me Dios.

Lucas 23:1

Ena'uaque jogaa'me ñidijeguem, qama'le yaue'j ñe'me Jesús qaedi qoyajoĝona'aguet ñe'me Pilato.

Mateo 27:2

Qoyecoñe' da'me qoyauec, qama'le qoyajoĝona'aguet ñe'me Pilato, jaliaĝanec jo'ne Roma le'ec.

Juan 18:28

Joñe'me Jesús male qoyauega ga'me 'lachaqa' ñe'me Caifás qama'le yauedeta ga'me 'lachaqa' ñe'me jaliaĝanec jo'ne Roma le'ec. Queda'me yamta'le nete', jogaa'me judiopi lajoĝola'te ja yenoĝodoue ga'me emec jo'ne lejaliaĝaiqui ñe'me Roma le'ec, queda'me t'oida'aguet da'me qom naq'aeta qama'le 'uo ga'me lepatenaĝanaĝa'j jo'ne e'n paĝachiguilo naa'me lai'li jogaa'me, da'me qom naq'aeta qama'le ja yaqanate't ta'le yali'j ga'me niqui'yaĝanataĝanaĝac ga'me nolo' jo'ne Pascua.

Marcos 15:1

Mane'e ca'li 'yoĝojañi, jogaa'me tamenaĝaiqui lo'olpi lejaliaĝanaqa, joga'me 'yaĝaicachidipi choqoga'me judiopi napaĝaguenoqo'tpi yema'a't, gaa'me jiyaĝa'u jo'ne yataqachiñe p'ajodaye. Qama'le qoyanetayelo ga'me lequet ñe'me Jesús da'me yaue'j, qaedi qoyajoĝona'aguet joñe'me Pilato.

Mateo 20:19

Chane'eja jayem qoyanouelo qomle jogaa'me ja 'lachaqa'tena, qaedi jayem qoye'uetac, jayem qoye'uaĝan chayovida'a jayem qoyep'enajeguem; qalaĝaja qom yenoĝodegue gaa'me tres noloqo'ote qama'le yitaĝa 'ñiyelaĝajeguem.

Mateo 22:6

nataq'aen jogaa'me laqaya' yecoñe't gaa'me lalemaĝaje'te ñe'me jaliaĝanec qama'le ja no'en da'me qo'yeteque chayovida'a qoyala't.

Lucas 18:33

Jayem ye'uaĝa'n qomle nataq'aen jayem yala't; qalaĝaja gaa'me tres noloqo'ote qama'le 'ñiyelaĝajeguem.”

Juan 18:32

Chane'eja yepaquichigui da'me 'laqatac joñe'me Jesús joca'li da'me joote 'yaĝatetac da'me eeta qomle da'me leleuaĝa.