Lucas 18:22 - Nuevo Testamento Toba Sombrero Negro

²² Ca'li domachiya dojo', Jesús 'yateguet: —Maliaĝa 'uo da'me ja aua'uo: auemen yema ga'me jo'ne adeuoyaĝac qama'le auanouelo jogaa'me choĝodayaqolqa. Nach'eda naq'aeta da'me male 'uo da'me adeuoyaĝac di'me piyem. Yem qama'le auanaequena, nataq'aen jayem oquegue.

Nuevo Testamento Toba Sur

²² Nachi co'ollaq hua'aqchigui de'eda so Jesús, nachi 'eeta': –Huo'o da 'oonolec ña daqaptauec, 'eeta': 'Aumen qome 'enauac na 'am hueto'ot, ime, qaq 'ai'anoigui nam choxodaqpi, yaqto' huo'o ca 'adsallaxa hua'ague da piguem. Qaq qom ime, nachi 'auanac, aÿim 'auca'ategue.

La'aqtaqa Ñim Lo'onatac 'Enauacna 2013

²² Nache co'ollaq hua'aqchigui de'era So Jesús, nache 'eeta': –Huo'o da 'oonolec ña deqaptauec, 'eeta': 'Aumen qome 'enauac na 'am hueto'ot, ime, qaq 'aỹa'anoigui nam choxoraqpi, yaqto' huo'o ca 'arsallaxa hua'ague da piguem. Qaq qom ime, nache 'auanac da Aỹem 'auca'ategue.

Lucas 18:22 Referans Kwoze

Lucas 12:33

Auemeñi ga'me jo'ne auañiya, nataq'aen auañema gaa'me 'uo da'me louenaĝanaĝa'j; 'noota qom auauoyi da'me dojo' qa'a ena'am ta'le a'vichiyeque gaa'me adoĝoiqui'idi' ta'le ja yedalo'te da'me toye's, qama'le naq'aeta da'me 'uo da'me adeuoyaĝaqui 'me ua'ague di'me piyem, 'me qaya'te loiquiaqa'. Nach'edi di'me qaya'te yaqanatet ta'le decachi, nataq'aen qaya'te 'uo ga'me potoĝolo ta'le 'naĝat da'me en dec'oyi.

Mateo 19:21

Jesús 'yateguet ñe'me: —Qom jetaque adachimaĝategue, nayi oc qama'le aueme'n yema gaa'me adeuoyaĝaco, yem qama'le auanema jaga'me laicaua jogaa'me piyoĝoyaqa. Qama'le naq'aeta da'me 'uo da'me adeuoyaĝac ue'tague di'me piyem. Yem qama'le auanaequena qaedi jayem oquegue.

Lucas 16:9

“Chane'eja nayi ami ja'aĝatema queda'me 'noota ta'le a'uonataĝañiya ga'me neuoyaĝaco jo'ne ja chimadichiñe jena'me aleua da'me anaviquila'ajalo gaa'me anaigaĝa'udi', qaedi qom loiquiaqa' da'me neuoyaĝaco qama'le ñe'me jo'ne ladipa gaa'me 'nachaqa'te jo'ne ja 'naidena'alo nach'e ena'am ami yaconegueta.

Lucas 10:42

qalaĝaja jalgata ga'me 'uo jo'ne yataqachiñe qoyouen. María yelotelegue da'me lae jo'ne yataqata p'ajaye, qama'le qaya'te gamachaqaega ta'le deuodaĝanec.

2 Pedro 3:8

Nataq'aen da'me laqaya, ami yaqaya'olqa, eet'oi: ena'te auapalaĝache'ta da'me ee'tec ñe'me Qadejaliaĝanec, ga'me onolec nolo' en ena'am ga'me mil na'me 'uoidi, qama'le ga'me mil na'me 'uoidi ena'am ga'me onolec nolo'.

Filipenses 3:13

Ami yaqaya'olqa, ja jeetapega ta'le joote jacona joga'me ñomataĝanaqate, qalaĝaja ja jenate'ta jogaa'me joote jauo'oe, dite da'me yataqata jenate'ta joga'me maliaĝa ja jomat da'me je'et.

Lucas 9:23

Yem da'me dojo' qama'le t'aqataĝanema ena'uaque ga'me jiyaĝadipi: —Qom 'uo gamachaqaega jo'ne jetaque jayem ue'tajop qaedi yapaĝaguenatac, qama'le 'noota qom ja yitaĝa nenatetala't, nataq'aen 'noota qom nach'e eta't yachitac jaga'me sodoso qama'le jayem equegue.

Lucas 18:21

Joñe'me jiyaĝaua 'yateguet: —Ena'uaque naa'me naajo' joote jiyamaĝate'tape chiyoqo'teguet ca'li jayem nejoq.

Lucas 18:23

Qalaĝaja ñe'me jiyaĝaua ca'li domachiya da'me dojo' qama'le totelegue, qa'a ñe'me yataqachiñe neuoyaq.