Lucas 18:16 - Nuevo Testamento Toba Sombrero Negro

¹⁶ Chane'eja Jesús yiyaĝanalo gaa'me, qama'le enapegalo: —Auomachiyi'yalo gaa'me ñoqolqa da'me jayem nec'adeta, nataq'aen ena'te a'uoitapegueta, qa'a gaa'me jo'ne tadoue da'me lejaliaĝa ñe'me Dios nach'egaua ena'ama naajo' ñoqolqa.

Nuevo Testamento Toba Sur

¹⁶ Qalaxayi so Jesús damaxasoxoneuga somayipi, nachi 'enapego' so nallippi, 'eeta': –Ña qauaqaÿa'a qome na ñaqpiolec ñaq aÿim nau'a, sa ishit da qananaxachiitac, cha'ayi ca huetaigui da l'onataxanaxac ñi Dios da ilo'ogue 'enauacna, camayi 'eeta'am ca 'oonolec namayipi.

La'aqtaqa Ñim Lo'onatac 'Enauacna 2013

¹⁶ Qalaxaye So Jesús damaxasoxoneuga so ñaqpiolec, qataq 'enapegalo soua lapaxaguenataqa, 'eeta': –Ña qauaqaỹa'a qome na ñaqpiolec da Aỹem naua'a, saishet da sa qanashiñiiguet, cha'aye ca 'eeta'am ca 'oonolec namayepi, nache ishet da inoxoneua'a da lo'onataxanaxac Ñim Lo'onatac 'Enauacna.

Lucas 18:16 Referans Kwoze

1 Corintios 14:20

Ami yaqaya'olqa, ena'te auadenaĝachi' daa'me lelnataĝaco jogaa'me ñoqolqa. Yataqachiñe 'noota ta'le aueñiya'ama jogaa'me 'najodolqa jo'ne ja yauote ga'me ja no'en, qalaĝaja 'noota ta'le gaa'me adelnataĝacodi' joote 'yaĝayaqa.

1 Corintios 7:14

Qa'a ga'me jiyaĝaua jo'ne ja p'etaqadaic yovida'ya da'me liyamaĝadenataĝanaĝac ñe'me Dios qa'a yajouaĝat da'me uaĝayet jaga'me yauo jo'ne p'etaqadai; nach'e naq'aeta jaga'me yauo jo'ne ja p'etaqadai yovida'ya da'me liyamaĝadenataĝanaĝac ñe'me Dios qa'a yajouaĝat da'me necoñeteguet joga'me p'etaqadaic. Qom ja naq'aeta, qama'le gaa'me ac'oqo'chedi' ena'am ta'le qaya'te niyamaĝadenatague'j, qalaĝaja yataqata Dios e'n ja 'nalo'te jogaa'me.

1 Pedro 2:2

Ena'am ga'me notolec jo'ne yemta niyiñe netaque da'me lamaic jaga'me lochi', qama'le nach'e ena'am da'me ami, 'noota qom anechiyaque da'me lamaic da'me 'laqatac ñe'me Dios, qaedi ga'me jo'ne chiyaqayi en anichiquitajeguem nataq'aen da'me 'uo da'me adec'alaĝaqui,

Hechos 2:39

Qa'a dojo' 'yaĝatetac ca'li ñe'me Dios, queda'me mach'e adoĝochi nataq'aen gaa'me ac'oqo'chedi', choqoga'me jiyaĝadipi jo'ne qaya'aguelo; dojo' mach'e yelo'teguet qaedi ua'ajopa ena'uaque jogaa'me jo'ne jetaque yiyaĝanalo ñe'me Qadejaliaĝanec Dios.

Mateo 19:14

Chane'eja Jesús enaac: —Auomachiyi'yalo gaa'me ñoqolqa da'me jayem nec'adeta, nataq'aen ena'te a'uoitapegueta, qa'a gaa'me jo'ne tadoue da'me lejaliaĝa ñe'me Dios nach'egaua ena'ama naajo' ñoqolqa.

Lucas 18:15

Nach'e ena'am qoyaue'ualo ñe'me Jesús gaa'me ñoqolqapi qaedi yachalo'te naa'me loua'; qalaĝaja ca'li gaa'me lapaĝaguenataqa yauata da'me dojo', qama'le paja'a nelaĝalo jogaa'me jo'ne yauede'uo gaa'me ñoqolqa.

Lucas 18:17

Eja da'me ami ja'aĝatema queda'me ga'me jo'ne ja yaconeguet da'me Dios lejaliaĝa ena'am da'me yacoteguet nat'olqa ñoqolqa, qama'le ja yaqanatet ta'le taue joda'me.