Lucas 18:12 - Nuevo Testamento Toba Sombrero Negro

¹² Jen dojolqa ñoqouaqatela't ga'me semana, nataq'aen nale diez da'me yoĝonaĝanaĝac qama'le jecolaĝatetegue ga'me onolec jo'ne am janem.»

Nuevo Testamento Toba Sur

¹² Aÿim dos da shi'iguelaxalec da ñoqouaqchijla't naua siete na'axa'te, qataq aÿim seÿotauga añi 'oonole nam diez mayi ñauectacpi da 'am sanot.”

La'aqtaqa Ñim Lo'onatac 'Enauacna 2013

¹² Aỹem dos da she'eguelaxalec da ñeqouaqcheela't naua siete na'axa'te, qataq aỹem seỹotauga ana ñediezmo maye ỹaueque da 'Am sanot.›

Lucas 18:12 Referans Kwoze

Lucas 11:42

“Qama'le ¡degueja qom'te da'me adachoĝodequi, ami fariseopi! Qa'a aueyochiya'a jaga'me onola nana jo'ne menta qaedi auañem joñe'me Dios nale auañiyalo gaa'me diez, nach'e ena'am jaga'me ruda nataq'aen ena'uaque gaa'me yodapecache nanapi laqaya'. Qalaĝaja ¡ja auoqochiya da'me auauoyi da'me chimaqachiñe nataq'aen ja adoqopichiya joñe'me Dios! ¡Nach'eda dojo' 'noota qom auauoyi, qama'le ena'te ta'le ja auauoyi' gaa'me laqaya'!

Mateo 9:14

Joga'me lapaĝaguenataqa ñe'me Juan 'me chilaĝanataĝanaĝaic yec'adeta ñe'me Jesús qama'le yachimaĝadeta, enaac: —Da'me qo'mi nataq'aen joga'me fariseopi jalcote da'me ñoqouaqataĝala't, qama'te naa'me adapaĝaguenataqa ¿toqoch'e ja noqouaqatela'ajalo?

Lucas 17:10

Qama'le nach'e naq'aeta da'me ami, qom joote auomachi da'me oqui'teguelo yema ga'me jo'ne Dios ami yamaĝalo'te, 'noota ta'le aueñiyaac: «Qo'mi onataĝanaĝayaqa jo'ne qolanaqayaqa; qa'a nach'edata da'me je'etaq ga'me jo'ne qo'mi qoyamaĝalo'te.»”

1 Timoteo 4:8

Qa'a jayatenaq qom jiyaĝaua nach'e eta't da'me ni'yetac male yataqata 'noota da'me nejiyaĝauayaĝac, qalaĝaja da'me Dios loqopich'i yema uauelo jogaa'me p'iida'a, male yataqata jouaqaue joda'me 'noyaĝac jo'ne yataqata onaĝaic, naa'me naajo' noloqo'ote chayovida'a qom jovitaĝague joñe'me.

Mateo 6:1

“Ena'te ch'e aualoĝoñiyalo gaa'me at'onataqadi' jo'ne 'noote' ga'me jiyaĝadipi, qom nach'edata da'me jetaque ami qoyauanalo. Qom naq'aeta da'me auauoyi, ñe'me Adet'ai jo'ne na'ague di'me piyem ja ami 'te yanema ga'me anejetenaguequi.

Efesios 2:9

Da'me nec'alaĝa jo'ne ami uetauelo ja chiyaqayi joga'me a'vichetac; ja naq'aeta, chane'eja ena'te ta'le yataqata ani'yoĝodeñila't.

Gálatas 1:14

Jeque'tegue da'me lepe'e' jogaa'me judiopi, jo'ne ñapacalo'te gaa'me yaqaya' 'me jena'ama yataqachiñe jalemaqa'teguet da'me jeque'teguelo jodaa'me namaĝajoĝonaĝaco jo'ne chiyoĝogueta dia'me qadet'al.

1 Corintios 1:29

Naq'aeta da'me ya'uo ñe'me Dios qaedi qaya'te ni'yoĝodela't nale dajoya'aguet joñe'me.

Romanos 3:27

Qama'le ¿jach'e ga'me ua'ague da'me ni'yoĝodenot ñe'me Dios ga'me jiyaĝaua? ¡Yataqachiñe qoyeguem! ¿Jach'e ga'me chiyaqayi? Ja jouaĝat da'me que'teguelo daa'me namaĝajoĝonaĝaco, dite da'me yajouaĝat da'me p'iya'alo.

Mateo 6:16

“Qom anoqouaqachela't, qama'le ena'te lichiguilo naa'me adai'lidi', qaedi ja aueñiya'ama gaa'me ja yataĝalo'te jo'ne enetapela'ajalo totelo'te nale qaedi ga'me jiyaĝadipi yauanalo queda'me noqouaqatela'ajalo jogaa'me. Ami jayatenaĝaneque queda'me joote 'uo ga'me lajo'vi'y.

Mateo 6:5

“Qom anetameñi, ena'te aueñiya'ama gaa'me jo'ne ja yataĝalo'te, jogaa'me jo'ne noqopideta da'me nechatetedañe nale netame'n da'me uetauelo gaa'me nemaĝaiqui' nataq'aen nale ue'talo gaa'me netaetedeuo ga'me laeñi ga'me noic, qaedi ga'me jiyaĝadipi yauanalo. Ami jayatenaĝaneque queda'me joote qoya'uo ga'me lajo'vi'y.

Mateo 5:20

“Qalaĝaja ami ja'aĝatema queda'me qom ja anapaquiyalo'te ga'me judiopi napaĝaguenoqo'tpi nataq'aen joga'me fariseopi, ta'le auauoyi ga'me chimaqachiñe 'me Dios yiyamaĝaden, qama'le ja auaqanachichi ta'le ayoue da'me lejaliaĝa ñe'me Dios 'me ne'tague di'me piyem.