Lucas 17:33 - Nuevo Testamento Toba Sombrero Negro

³³ Gamachaqaega jo'ne jetaque nec'alaĝategue da'me mach'e 'loyaĝac qamqa'me ja yaqanatet ta'le nec'alaĝatela't qomle; qalaĝaja gamachaqaega jo'ne ja yauotec da'me mach'e 'loyaĝac, qamqa'me nec'alegue qomle.

Nuevo Testamento Toba Sur

³³ Ca nshitaique da nachi 'eetai' da nca'altauec, qaq nachica ca daqat da nachaalataxac; qaq cam daqat naq'en da nachaalataxac, qaq nachica cam nca'aleec.

La'aqtaqa Ñim Lo'onatac 'Enauacna 2013

³³ Cha'aye ca nshetaique da maiche nca'alaxatec da nachaalataxac, nache camaye deqat. Qalaxaye cam iqataqchet da nachaalataxac souaxat Aỹem, nache camaye qanca'alaxatec.

Lucas 17:33 Referans Kwoze

Juan 12:25

Ga'me jo'ne ch'e yauotec da'me mach'e nejiyaĝauayaĝac, yejomaĝanac; qalaĝaja ga'me jo'ne ja yema'a da'me netela da'me mach'e nejiyaĝauayaĝac nayi, da'me maliaĝa uetalegue jena'me jenjo' aleua, nach'ega yiyamaĝateta't qaedi 'uo da'me 'loyaĝac jo'ne ja 'naidena'a.

Mateo 10:39

Ñe'me jo'ne jetaque nec'alaĝategue da'me mach'e 'loyaĝac, qama'le qodoĝotaĝanec qomle, qalaĝaja ñe'me jo'ne jayem uajouem da'me 'loyaĝac, nach'eñe qamqa'me nec'alaĝategue qomle.

Mateo 16:25

Qa'a ga'me jo'ne jetaque nec'alaĝategue ñe'me lepaqal qaedi ja yeleu, yataqachiñe ja yaqanatet, dite da'me yema qodoĝotaĝanec. Qalaĝaja qom 'uo ga'me jetaque nemela't ñe'me lepaqal qa'a uajoilegue da'me jayem, nach'ega jo'ne qonec'alaĝategue qomle.

Apocalipsis 2:10

Ena'te at'oiya ga'me jo'ne qoyen adachoĝodequi qomle, queda'me nac qomle joñe'me payac da'me yanauelo jaga'me coñetaĝanaĝaiqui jogaa'me qayoĝode' da'me ami, qaedi ena'uac da'me ami qoyapiye'n, qama'le nach'e ena'am da'me qoye'n adachoĝodequi chayovida'a da'me yenoĝodegue gaa'me diez noloqo'ote. Chane'eja 'noota qom nach'e aueñeta't da'me oquitalegue da'me adepi'i jo'ne yataqatelegue chayovida'a qom adeleviyalegue, qama'le da'me jayem male ami janema da'me adec'alaĝaqui jo'ne adomataĝanaĝachi.

Lucas 17:34

“Ami ja'aĝatema ga'me pi'yaq qom'te, gaa'me dojolqa jo'ne uetedalegue ga'me nela', onolec ga'me qoyachi qomle qama'le ga'me laqaya qoyepotan.