Lucas 17:30 - Nuevo Testamento Toba Sombrero Negro

³⁰ Nach'e naq'aeta qom'te ga'me nolo' jo'ne jayem di'yo'quena, mach'e jayem Jiyaĝaua Lec'oĝot.

Nuevo Testamento Toba Sur

³⁰ Qaq 'eda qome da 'eetec ne'ena shiÿaxaua llalec qom ivita que'eca na'a'q da nachaxan.

La'aqtaqa Ñim Lo'onatac 'Enauacna 2013

³⁰ Qaq 'era qome da sheetec Aỹem Shiỹaxaua Llalec, qom ivita que'eca na'a'q da ñachaxan.

Lucas 17:30 Referans Kwoze

Apocalipsis 1:7

¡A'vicheta't! ¡Cristo na'taquena qomle da'me nalegue ga'me piyem lo'oc! Qama'le yema ga'me jiyaĝadipi male yauata, Chayovida'alo jogaa'me nalatoqo't nach'e ena'am da'me yauata joñe'me; Qama'le yema joga'me jiyaĝadipi jo'ne uedalegue jena'me aleua male 'uo da'me lachoĝode'j yajouaĝat joñe'me. Chane'eja naq'aeta da'me dojo'. Jaja'a, nach'e naq'aeta da'me dojo'.

2 Ts 1:7

Qama'le ami yichoĝode'n qomle, da'me ami jo'ne 'uo da'me adachoĝodequi nayi, qaedi qadalo'ta't da'me qo'mi yichoĝode'n, qom yovita ga'me nolo' da'me yitaĝa 'niyelaq joñe'me Qadejaliaĝanec Jesús chiyaqa'ague jodi'me piyem, da'me naquetaue joga'me ena'am ta'le dole' lauaq, nataq'aen naequetedapegue' jogaa'me piyem laje' jo'ne yataqata p'ajodaye.

1 Corintios 1:7

qo'che' ja auoviñetaque ga'me anemii 'me chiyoqo'ot ñe'me Dios nayi queda'me cha'li auachitaque ga'me nolo' qom di'yo'quena ñe'me Qadejaliaĝanec Jesucristo.

1 Pedro 1:13

Chane'eja 'noota qom aneloyitaye nataq'aen aniyamaĝacheta't qaedi auauoyi gaa'me at'onataqadi' jo'ne onaĝayaqa, qama'le auachiyaue yema da'me mach'e adeuataqataĝanaĝaqui da'me lichoĝodenataĝanaĝac joñe'me Dios jo'ne ami qoyanema qom yovita ga'me nolo' p'ategue qom yataqata di'yo'quena joñe'me Jesucristo.

1 Pedro 1:7

Qa'a da'me adepi'iyaĝaqui ena'am jaga'me oro, da'me youen da'me qoyapiyenec ga'me lauaq ga'me dole', qaedi qoyayaten da'me yataqata yoqovita, qaya'te lale'gue. Qa'a ga'me nepe'e jo'ne ja yaqanatet da'me napiyenaguec, napacalegue da'me lajo'viyaĝac jaga'me oro jo'ne 'uo ga'me loiquiaqa'. Qama'le naq'aeta da'me adepi'i da'me ami, qom ja yaqanatet da'me napiyenaguec, qama'le 'uo qomle da'me aniyamaĝadenataguequi choqoda'me adi'yoĝodiqui nataq'aen da'me at'onaĝaqui, qom yovita ga'me nolo' p'ategue qom yataqata di'yo'quena joñe'me Jesucristo.

Lucas 21:27

Qom yem da'me dojo' qama'le jayem jo'ne yataqachiñe Jiyaĝaua Lec'oĝot jayem qoyela'aguet da'me japetalegue ga'me piyem lo'oc da'me ñovi', nataq'aen yataqata t'adaic da'me yañoqotaĝanaĝac choqoda'me 'yonaĝac.

Mateo 24:3

Yem qama'le yec'adeta di'me qajoĝonaĝa 'me Olivo Lichidijat. Jesús ñiyiñe ca'li yejamache' gaa'me lapaĝaguenataqa qama'le yachimaĝadeta joñe'me: —Jetaque qo'mi a'uaĝatema jach'e ga'me ua'a qom yepacalegue da'me dojo'. ¿Jach'e jogamaĝa at'anec qomle da'me at'iyelaĝajoĝoc nataq'aen da'me loiquiaqa'yaĝac jena'me aleua?

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

1 Pedro 4:13

Nach'edata da'me ami made'tape, yajouaĝat da'me nach'e ena'am ami ua'ajopa daa'me lachoĝodeco joñe'me Cristo, qaedi nach'e ena'am najaĝaye da'me adamaiqui qom yataqachiñe di'yoq da'me 'lonaĝa joñe'me da'me yitaĝa novitequena jo' qomle.

Marcos 13:26

Qom yem da'me dojo', qama'le jayem jo'ne yataqachiñe Jiyaĝaua Lec'oĝot jayem qoyela'aguet da'me japetalo'te gaa'me piyem loje' da'me ñovi', choqoda'me yañoqotaĝanaĝac nataq'aen da'me 'yonaĝac.

Mateo 26:64

Jesús 'yateguet: —Naq'aeta da'me mach'e anenaĝategue. Nataq'aen nach'e ena'am ami ja'aĝatema queda'me jayem auañiya qomle jayem jo'ne yataqachiñe Jiyaĝaua Lec'oĝot da'me joneta'ña na'me yayaten ñe'me jo'ne napacalegue ena'uac, nataq'aen japetalo'te gaa'me piyem loje' qom 'ñiyelaq.

Mateo 24:39

Nataq'aen ja maqachaĝa nometeguet ga'me lai'li chayovida'a joca'li novi' ga'me uotep let'adaic, qama'le ena'uaque yayoĝo'n jogaa'me. Nach'eda naq'aeta qomle da'me 'yiyelaĝajoĝoc, da'me jayem mach'e Jiyaĝaua Lec'oĝot.

Mateo 24:37

“Qa'a ena'am gaa'me noloqo'ote ca'li 'uo di'me Noé, naq'aeta qomle da'me 'yiyelaĝajoĝoc, jayem mach'e Jiyaĝaua Lec'oĝot.

Lucas 21:22

Qa'a mach'e noloqo'ote jo'ne qoyen tachiguilo da'me male 'uo da'me Dios le'uaĝanaĝanaĝac qomle, nach'eda male yepaquichiguilo ena'uaque ga'me jo'ne 'yaĝatetac daa'me nedii's joca'li.

Lucas 17:24

Qa'a ena'am ga'me laqaselegaĝa di'me piyem, mane'e da'me edañgui yicoyadelo'te naa'me lael di'me piyem, nach'e naq'aeta qomle jayem jo'ne Jiyaĝaua Lec'oĝot ga'me nolo' da'me 'ñiyelaĝaquena.

Lucas 17:29

qalaĝaja, ca'li Lot yenoĝonegue ga'me noic jo'ne Sodoma, nauaĝañe ga'me dole'alo, qama'le ena'uaque yele'u.

1 Corintios 1:8

Nach'eñe ami 'yañaqate't chayovida'a ga'me p'ategue nolo', qaedi qaya'te ja no'en adejamaĝataĝaqui qom yovita ga'me nolo' da'me 'niyelaq joñe'me.

Colosenses 3:4

Nach'eñeta ñe'me Cristo jo'ne chiyaqayi da'me at'oyaĝaqui, qama'le qom yitaĝa di'yo'quena ñe'me, qama'le nach'e ena'am ami di'yoĝoma da'me male najaqachiguilo joda'me at'onaĝaqui.

1 Juan 2:28

Nayi, ami yalaqapi, 'noota qom nach'e aueñeta't auoqochi'taguet joñe'me Cristo, qaedi yataqachiñe 'uo da'me qadepe'e qom'che di'yo'quena joñe'me, nataq'aen qaedi qo'mi ja qadepocoq qom jajoyaqa'aguet joñe'me da'me lovidaĝac.

1 Juan 3:2

Ami yaqaya'olqa, joote qo'mi Dios lec'oqo'tolqa, temaqaedi maliaĝa ja jayatenaq da'me qo'mi di'yoĝoma q'ae'n ga'me qo'mi 'yeteque qom'che. Qalaĝaja, jayatenaq qom di'yo'quena joñe'me Cristo qama'le jenaqa'am joñe'me, qa'a jauanaĝa da'me 'loyaĝac qama'le jatetonaq.