Lucas 17:29 - Nuevo Testamento Toba Sombrero Negro

²⁹ qalaĝaja, ca'li Lot yenoĝonegue ga'me noic jo'ne Sodoma, nauaĝañe ga'me dole'alo, qama'le ena'uaque yele'u.

Nuevo Testamento Toba Sur

²⁹ Qalaxayi co'ollaq ca'ai so Lot so la ciudad Sodoma, nachi qananacot so nodec qataq so 'ico' quiquiaxadaic, chigoqo'ot na piguem, nachi ÿalauat 'enauac somayipi.

La'aqtaqa Ñim Lo'onatac 'Enauacna 2013

²⁹ Qalaxaye co'ollaq ca'ai so Lot ye Sodoma, nache anac so norec qataq so quiquiaxaraic chegoqo'ot na piguem, nache ỹalauat 'enauac somayepi.

Lucas 17:29 Referans Kwoze

Apocalipsis 11:8

Chane'eja jogaa'me lapa'che dia'me joote yele'u nelagaĝachichidiñe, ueteda'ña ga'me naq'aeuo joga'me noic let'adaic, di'me jo'ne ua'ña joca'li ñe'me mach'e Qadejaliaĝanec da'me qoyep'enajeguem, di'me noic jo'ne lenaĝat qoyen Sodoma qama'le nach'e ena'am da'me lenaĝat laqaya qoyen Egipto.

Judas 1:7

Nataq'aen anetoviñetac di'me noic jo'ne Sodoma nataq'aen di'me Gomorra choqogaa'me noyaqa laqaya' jo'ne leje'gue joca'li. Ena'ama jaajo' piyem laje', nach'egaua gaa'me noyaqa male qoye'n naloqotenaĝanaĝaiqui, yajouaĝat da'me nemedoue da'me nequejeguetaĝa, queda'me najetedoue daa'me namaĝanaĝaco jo'ne ja yauaqa'aguet da'me jo'ne mach'e 'loyaĝa'j qoyen. Chane'eja ñe'me Dios ye'uaĝa'n jogaa'me, qama'le male uetedoue da'me lachoĝode'j jo'ne dole' 'me qaya'te loiquiaqa'.

2 Pedro 2:6

Ñe'me Dios nach'e ena'am ya'uo da'me en lachoĝode'j ga'me laje'pi gaa'me noyaqa jo'ne Sodoma choqodi'me Gomorra, qama'le yolaĝachiguilo, yigouelo chayovida'a en yejamaq ga'me jalo, qaedi nach'ega 'me qoyen naloqotenaĝanaĝaiqui jo'ne di'yoĝoma qoyen jogaa'me loeco lo'ol, qaedi yayate'n jach'e ga'me eeta ga'me mach'e ne'uaĝanague'j jo' qomle.

Lucas 17:28

Yepaque'tegue da'me ena'ama gaa'me noloqo'ote ca'li 'uo di'me Lot: ga'me jiyaĝadipi deque'tape nataq'aen niyoma'tape, neuode'tape nataq'aen demenaĝa'tape, danaĝa'tape nataq'aen t'oĝonaĝa'tape ga'me 'lachaqa'te;

Lucas 17:30

Nach'e naq'aeta qom'te ga'me nolo' jo'ne jayem di'yo'quena, mach'e jayem Jiyaĝaua Lec'oĝot.

Apocalipsis 14:10

nach'ega jo'ne niyomigui qoyen ga'me lataĝa jo'ne lalemataic ñe'me Dios. Ena'am ta'le qaya'te lale'gue da'me le'uaĝanaĝanaĝac joñe'me, qama'le qoyen da'me layaliaĝac ga'me jiyaĝaua da'me yaviyeque ga'me dole', nataq'aen ga'me azufre jo'ne yataqata edetañgui, nataq'aen da'me dajo'tagueta ñaa'me piyem laje' jo'ne ja 'nalo'te choqoñe'me 'Naĝanaĝate Lec'oĝot.

Apocalipsis 19:20

Qama'le ñe'me jiyac polio' male paja'a da'me qoyecoñe' choqoñe'me jo'ne ja eja da'me lapaĝaguenataĝanaĝac, ñe'me jo'ne nach'eñe 'me yachiyoĝotayi da'me yauo'oe naa'me 'nanaqa jo'ne chiyaqayi q'aen da'me uo'oe gaa'me yoqovi'n jo'ne yaje'tema da'me yanayelo joga'me mach'e lenaĝat ñe'me jiyac polio', chayovida'a da'me qoyi'yoĝode'n ca'li joga'me jiyac polio' lequi'i. Qama'le ñe'me jiyac polio' choqoñe'me jo'ne ja eja da'me lapaĝaguenataĝanaĝac male qoyajaĝadiñgui jaga'me limaĝañi jo'ne uetañgui ga'me dole' let'adaic.