Lucas 17:25 - Nuevo Testamento Toba Sombrero Negro

²⁵ Qalaĝaja, 'uaeñe qomle da'me jalcote da'me qoyen yachoĝodec nataq'aen jayem 'yotatedac ga'me jiyaĝadipi jo'ne maliaĝa uo'oe nayi.

Nuevo Testamento Toba Sur

²⁵ Qalaxayi namayi hua'auñi qome da taigui na qalota nque'ejnaxaguesat, qataq sa ishit qome da qaÿaconguet, sa ÿaconguet nam shiÿaxauapi mayi huetaigui nagui.

La'aqtaqa Ñim Lo'onatac 'Enauacna 2013

²⁵ Qalaxaye hua'auñi qome da saigui na qalota ñeque'eenaxaguesat, qataq saishet qome da Aỹem qaỹaconeguet, saishet da Aỹem ỹaconeguet nam shiỹaxauapi maye huetaigui nagui ne'ena na'a'q.

Lucas 17:25 Referans Kwoze

Mateo 16:21

Chane'eja chiyoqochiñe joca'li ñe'me Jesús 'naĝatetapela't queda'me youetaque da'me yec'ata di'me Jerusalén, nataq'aen queda'me nautetedapega qomle ga'me 'yaĝaicachidipi, choqogaa'me lejaliaĝanaqa ga'me tamenaĝaiqui lo'olpi nataq'aen joga'me judiopi napaĝaguenoqo'tpi, qaedi jalcote da'me lachoĝodec jo'ne yauote qomle, nataq'aen da'me yala't. Qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Lucas 9:22

Qama'le t'aqataĝanema: —Jayem jo'ne yataqachiñe Jiyaĝaua Lec'oĝot jalcote da'me yachoĝodec qomle, nataq'aen ja jayem 'te yacoteguet ga'me 'yaĝaicachidipi, jogaa'me lejaliaĝanaqa gaa'me tamenaĝaiqui lo'olpi choqoga'me judiopi napaĝaguenoqo'tpi. Jayem qoyalat qomle, qalaĝaja yenoĝodegue tres gaa'me noloqo'ote qama'le 'ñiyelaĝajeguem.

Marcos 8:31

Chiyoqotelegue da'me dapaĝaguenataĝatapec ñe'me Jesús jo'ne nach'eñe yataqachiñe Jiyaĝaua Lec'oĝot, queda'me jalcote da'me lachoĝodec qomle, nataq'aen ja yacoteguet ga'me 'yaĝaicachidipi, nataq'aen jogaa'me lejaliaĝanaqa gaa'me tamenaĝaiqui lo'olpi, nataq'aen joga'me judiopi napaĝaguenoqo'tpi. 'Yaĝatema da'me qoyalat qomle, qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Juan 1:11

Qama'le da'me male nec'ata jena'me mach'e 'naleua, jogaa'me mach'e 'lachaqa' laje'pi ja yacoteguet joñe'me.

Lucas 18:33

Jayem ye'uaĝa'n qomle nataq'aen jayem yala't; qalaĝaja gaa'me tres noloqo'ote qama'le 'ñiyelaĝajeguem.”

Marcos 12:10

Anetoviñetac ga'me jo'ne joote qoyediñe joca'li jo'ne enaac: «Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec.

Mateo 21:42

Chane'eja Jesús enaac: —¿Qo'li ja auec'achiñe' daa'me nedii's jo'ne 'laqataqa ñe'me Dios? 'Uo na'me eet'oi: «Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec. Dojo' ya'uo ñe'me Jaliaĝanec qama'le yataqachiñe qadoqoch'em.»

Juan 12:38

Chane'eja male yepaquichigui da'me 'laqataĝanaĝac ñe'me Isaías jo'ne Dios 'laqataĝanaĝanec joca'li, eetac: “Jaliaĝanec, ¿jach'e jogamaĝa 'yamaqaten da'me mach'e qat'aqataĝanaĝac? Nataq'aen ¿Jach'e jogamaĝa yaqanatet ta'le en di'yoq da'me lañoqotaĝanaĝac joñe'me Jaliaĝanec?”

Lucas 24:46

qama'le yanema da'me 'laqatac: —Joote qoyediñe ca'li ñe'me Dios Liquiyac qoyen ladiquiyaĝac da'me qoyalat nataq'aen yenoĝodegue tres noloqo'ote qama'le 'niyelaĝajeguem.

Lucas 18:31

Jesús yiyota'alo da'me yiyaĝanalo gaa'me lapaĝaguenataqa jo'ne doce, qama'le enaac: “Nayi jajoĝogue di'me Jerusalén, ua'a da'me male yepaque'teguelo yema gaa'me yedidiñe joca'li dia'me Dios 'laqataĝanaĝanaqa jo'ne jayem 'yaĝatetedac, mach'e jayem Jiyaĝaua Lec'oĝot.

Marcos 10:33

enaac: —Da'me jo'ne joote auañiya nataq'aen auayachiñe nayi, queda'me jajoĝogue di'me Jerusalén, ua'a da'me jayem jo'ne yataqachiñe Jiyaĝaua Lec'oĝot jayem qoyanouelo jogaa'me tamenaĝaiqui lo'olpi lejaliaĝanaqa, nataq'aen joga'me judiopi napaĝaguenoqo'tpi, qama'le jayem qoyepoleguelegue da'me qaedi jayem qoyalat, nataq'aen queda'me jayem qoyanouelo jogaa'me Roma laje'.

Marcos 9:31

qa'a uetauelo gaa'me lapaĝaguenataqa qaedi cha'li yapaĝague'n. Nale enaac: —Jayem jo'ne yataqachiñe Jiyaĝaua Lec'oĝot male ja'ta da'me jayem qoyanouelo joga'me jiyaĝadipi qaedi jayem qoyalat. Qalaĝaja yenoĝodegue tres gaa'me noloqo'ote qama'le 'ñiyelaĝajeguem.