Lucas 16:31 - Nuevo Testamento Toba Sombrero Negro

³¹ Qalaĝaja Abraham enaac: «Qom ja jetaque yoqochideta di'me Moisés nataq'aen Dios 'laqataĝanaĝanaqa, qama'le ¿teua'atoqo' 'yamaqaten qom 'uo gamachaqaega yeleu jo'ne 'niyelaĝajeguem?»”

Nuevo Testamento Toba Sur

³¹ Qalaxayi so Abraham 'enapeco': “Da sa ishit da ÿalaxaguet so Moisés qataq som l'aqtaxanaxanecpi ñi Dios, qaq ¡huá'aguectoxo' da ishit da da'amqajnataxan, nai'ctaxa da huo'o ca qaltaq nca'aleec!”

La'aqtaqa Ñim Lo'onatac 'Enauacna 2013

³¹ Qalaxaye so Abraham 'enapeco': «Da saishet da ỹalaxaguet so Moisés qataq som la'aqtaxanaxanecpi Ñim Lo'onatac 'Enauacna, qaq ¡hua'aguectoxo' da ishet da ỹalaxaguet da huo'o ca qaltaq nca'aleeguesop na leuaxaicpi!

Lucas 16:31 Referans Kwoze

2 Corintios 4:3

Gaa'me jo'ne ja yaqanate't ta'le yayate'n da'me onaĝaic 'naqataĝanaĝac jo'ne ja'aĝataqatac, nach'egaua jo'ne ja nec'aledegue.

2 Corintios 5:11

Qa'a joote jayatenaq queda'me 'noota ta'le joqochaĝa joñe'me Dios nataq'aen da'me 'ñonaĝataĝaye. Qo'che' ja'aedenaqatac da'me ñauegaĝala'ajalo jo' gaa'me jiyaĝa'u laqaya' qaedi nach'e ena'am p'iida'a joñe'me. Ñe'me Dios yataqachiñe qo'mi yateto'n, qama'le jepaquetapega ta'le nach'e ena'am da'me ami yataqachiñe qo'mi auatetoñi'.

Hechos 28:23

Chane'eja yauote laloqo't, ua'a ca'li jalcote ga'me jiyaĝadipi yec'adeta ga'me ue'ta ñe'me Pablo. Chiyoqo'teguet ga'me ne'teta chayovida'a nale javit, Pablo 'yaĝatetapema joda'me lejaliaĝa ñe'me Dios yayaĝa'talo jogaa'me ñe'me Jesús, chiyoĝotetelo'te jogaa'me namaĝajoĝonaĝaco 'me chiyoqodo'ot ñe'me Moisés nataq'aen gaa'me ledii's dia'me Dios 'laqataĝanaĝanaqa.

Hechos 26:28

Qama'le ñe'me Agripa 'yateguet: —¿Qo'li aueetapega paja'a auen jayem p'etaqadaic?

Hechos 19:8

Nalo'taguet tres gaa'me auoĝoyaqa, Pablo yec'atapega ga'me nemaĝaiqui, ua'a nale 'yaĝatetac da'me 'naqataĝanaĝac, qaya'te gamachaqaega loqolanaĝa, qama'le t'aqataĝatac nataq'aen jetaque 'ñemaĝachidiñe ga'me jiyaĝadipi da'me lejaliaĝa ñe'me Dios.

Lucas 16:30

Qama'le ñe'me neuoyaq 'yateguet: «Eja, Abraham, qalaĝaja qom 'uo ga'me yeleu jo'ne 'niyelaĝajeguem nataq'aen naloĝonegueta, qama'le jogaa'me 'niyelaĝadetot qom'te joñe'me Dios.»

Lucas 17:1

Jesús 'yaĝatema dojo' jogaa'me lapaĝaguenataqa: “Nach'e eta't 'uo ga'me ami nepoda'tape qaedi auauoyi ga'me adoequi; qalaĝaja, ¡degueja qomle da'me lachoĝodec ga'me jiyaĝaua jo'ne ami yauegouelo da'me adoequi!

Juan 5:47

Qalaĝaja, da'me ja auep'iiya'a da'me jo'ne yediñe, ¿teua'atoqo' auep'iiya'a da'me jo'ne ja'aĝatetac?”