Lucas 16:26 - Nuevo Testamento Toba Sombrero Negro

²⁶ Choqoda'me uoja'eda, 'uo di'me uañe laeñi da'me qo'mi nataq'aen jo'ne yataqata qaya'ñgui; qama'le qo'mi da'me jouaqa'ta jenjo' qaya'te yaqanatet ta'le dajoyi na'me naja', nataq'aen ami da'me ovi'ta na'me naja' qaya'te yaqanatet ta'le najoequena.»

Nuevo Testamento Toba Sur

²⁶ Qaq saqdata 'enauac de'eda, cha'ayi huo'o nam ÿataqta saqaÿoqchiguiñi tocot lta'adaic mayi npaxatta'agueta qami' nataq'en qomi'. Qaq ÿoqo'oyi sa ishit da huo'o ca chigoqchiine'ena da tañicna, qataq sa ishit da huo'o ca chigaqañicna da nashiguema ne'ena souaqta'a.”

La'aqtaqa Ñim Lo'onatac 'Enauacna 2013

²⁶ Qaq saishet da nachaqrata de'era, cha'aye huo'o nam ỹataqta sa qaỹoqchiguiñi tocot lta'araic maye npaxatta'agueta qami' nataqa'en qomi'. Qaq ỹoqo'oye saishet da huo'o ca chegoqchegueena'a da tañecna, qataq saishet da huo'o ca chegaqañecna da nasheguema ne'ena souaqta'a.»

Lucas 16:26 Referans Kwoze

Juan 3:36

Joga'me jo'ne p'iya'a ñe'me Lec'oĝot yauana da'me 'loyaĝac jo'ne ja 'naidena'a; qalaĝaja joga'me jo'ne ja yoqo'cha ñe'me Lec'oĝot ja yauana da'me lec'alaĝa, dite da'me taue da'me ne'uaĝanaguec 'me chiyaqayi joñe'me Dios.

Apocalipsis 20:10

Yem da'me dojo' qama'le joñe'me payac jo'ne yoqovi'n ena'uac joga'me jiyaĝadipi male nach'e ena'am da'me qoyajaĝañgui jaga'me limaĝañi jo'ne uetañgui joga'me dole' let'adaic, di'me jo'ne nach'e ena'am ua'ña da'me qoyajaĝa'ña joca'li joñe'me jiyac polio' choqoñe'me jiyaĝaua jo'ne ja eja da'me lapaĝaguenataĝanaĝac. Qama'le ua'ña da'me 'uo da'me lachoĝode'j yemeda naa'me pi'yaĝadi choqonaa'me noloqo'ote, qaya'te loiquiaqa'.

Mateo 25:46

Da'me ami, auec'achiya ga'me ane'uaĝanaguequi 'me ja 'naidena'a, qalaĝaja gaa'me joĝodayaqa lai'li qamqa'me yec'adeta da'me 'noyaĝac jo'ne ja 'naidena'a.»”

Lucas 12:59

Am ja'aĝatem queda'me ja yitaĝa auenoĝonegue chayovida'a qom yema auejeten da'me adaviyaĝajet.”

Apocalipsis 22:11

Auomachi'ta ga'me jo'ne qaleuaĝaic da'me quetapegue'to gaa'me mach'e laqaleuaĝaco, nach'e ena'am ga'me jo'ne paĝachigui, auomachi'ta da'me quetapegue' da'me lejepaĝanaĝac, qalaĝaja ga'me jo'ne onaĝaicaloec, 'noota qom quetalegue da'me ya'uo da'me onaĝaic, nataq'aen ga'me jo'ne ja 'nalegue, 'noota qom quetalegue da'me uetaue da'me jo'ne ja 'nalegue.”

Lucas 16:25

Qalaĝaja Abraham 'yateguet: «Am yalec, anetouetac queda'me ca'li cha'li ouetaue da'me anejiyaĝauayaĝac qama'le 'uo da'me adiyamaĝac 'me adamaic, qalaĝaja Lázaro 'uo da'me lachoĝodec da'me 'loyaĝac. Qama'te nayi ñe'me yaconeguet da'me nichoĝodenataguec jena'me jenjo', am qamqa'me auaconeguet da'me adachoĝodec.

Lucas 16:27

“Ñe'me neuoyaq enaac: «Chane'eja am ñachoĝodenot, Abraham, qaedi auamaĝague ñe'me Lázaro ga'me 'lachaqa' ga'me taĝadena',