Lucas 16:25 - Nuevo Testamento Toba Sombrero Negro

²⁵ Qalaĝaja Abraham 'yateguet: «Am yalec, anetouetac queda'me ca'li cha'li ouetaue da'me anejiyaĝauayaĝac qama'le 'uo da'me adiyamaĝac 'me adamaic, qalaĝaja Lázaro 'uo da'me lachoĝodec da'me 'loyaĝac. Qama'te nayi ñe'me yaconeguet da'me nichoĝodenataguec jena'me jenjo', am qamqa'me auaconeguet da'me adachoĝodec.

Nuevo Testamento Toba Sur

²⁵ Qalaxayi so Abraham 'enapego' somayi, 'eeta': “'Am ÿalec, 'auennate co'ollaq 'auaconguet da 'auaÿamaqchiguiñi, saqca ca da da 'anachaalataxac, qaq ñi Lázaro qalaq qauem da lliquiaxac. Qaq ñimayi nagui huo'o da ntaunaguec ne'ena hueta'a, qaq 'am machaq huo'o da 'anque'ejnaxac.

La'aqtaqa Ñim Lo'onatac 'Enauacna 2013

²⁵ Qalaxaye so Abraham ỹasategueto' somaye, 'eeta': «'Am ỹalec, 'auennate co'ollaq ña qanca'alliitauec, qaq 'am 'auaỹamaqchiguiñi, qaq ñi Lázaro qalaq qauem da llecỹaxac. Qaq ñimaye nagui hueta'a ne'ena qalaq huo'o da lamaicỹaxac, qaq 'am qalaq 'anmeneguet da huo'o da 'anque'eenaxac.

Lucas 16:25 Referans Kwoze

Lucas 6:24

“Qalaĝaja, ¡degueja qomle da'me lachoĝode'j gaa'me neuoyaĝadi, qa'a joote yauata da'me lamai'j jo'ne yem qomle!

1 Juan 2:15

Ena'te auepichiya'alo gaa'me yauo'oe jogaa'me jiyaĝadipi jo'ne ja 'noe'n, uotaĝa gaa'me jo'ne lamaico uedalegue jena'me aleua. Qom gamachaqaega yepita'alo gaa'me yauo'oe jogaa'me jiyaĝadipi jo'ne ja 'noe'n, qama'le ja yaqanatet ta'le noqopita ñe'me Qadet'a.

Marcos 9:45

Nach'e ena'am qom na'me adapia' auachiyoĝotaye da'me aua'uo ga'me adoec, ¡'noota qom avichaĝayi! Qa'a 'noota da'me am jopo qom aue da'me at'oyaĝac jo'ne ja 'naidena'a, qalaĝaja ja 'noota ta'le nalo'ta'ajalo naa'me adapia'te da'me am qoyajaĝaue di'me ne'uaĝanaqa' gaa'me loeco lo'olpi jo'ne ja niyamaĝa.

Romanos 8:7

Jogaa'me jo'ne uenatetedapega da'me ch'e nejiyaĝauayaĝa'j nach'egaua nauteta ñe'me Dios qa'a ja jetaque 'yamaqate'n nataq'aen ja jetaque uetedo'ot da'me lamaĝajoĝonaĝac.

Filipenses 3:19

Da'me dojo' jiyaĝadipi male ta'teda di'me 'lachaqa' joñe'me payac, nach'edata da'me liqui'yaĝac jo'ne uenateteda'a, qama'le yataqata ni'yoĝodetedapiye da'me ja no'en jo'ne mach'e 'lonataĝanaĝa'j, qa'a yataqata qaya'te lepocoĝo, qama'le yemeda'a da'me ja no'en jo'ne uapi'ña jena'me aleua.

Hechos 14:22

Naa'me naajo' ale'u 'yañaqate'tape joga'me p'etaqadaiquipi nataq'aen 'yelopetapeque da'me 'nañaĝatela'ajalo da'me quetedalegue da'me lepe'e', qama'le yaqateque jogaa'me da'me qoyouetaque da'me naje'tegueta ga'me yodapecache 'me lachitataico, qaedi yaqanate't ta'le tadoue da'me Dios lejaliaĝa.

Hebreos 11:25

Qama'le yelotelegue da'me taue da'me ne'uaĝanague'j joga'me Dios lec'oqo'tepi, ja jetaque da'me cha'li cada'ac da'me tauelo naa'me lamaico naa'me 'netaĝaloĝoco.

1 Ts 3:3

nataq'aen qaedi male ami yataqata qaya'te yoqovi'n, jena'me jenjo' 'uo nayi naa'me naajo' noloqo'ote, qa'a joote ami yataqata auayachiñe queda'me male qo'mi yedalo'te jo' qomle naa'me naajo' qadachoĝodeco.

Apocalipsis 7:14

Qama'le ja'ateguet: “Negue't. Naqa'am jo'ne auayaten, am jaliaĝanec.” Qama'le jayem 'yaĝatem: “Naa'me naajo' jo'ne nach'enaua 'me chiyoqodaue da'me lachoĝode'j let'adaic, nach'enaua jo'ne joote yiyo'y naa'me louo, yataqata yapaga't q'ae'n, yajouaĝat da'me yiyoĝotec jaga'me letauo' joñe'me 'Naĝanaĝate Lec'oĝot.

Juan 16:33

Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

Lucas 16:23

Qama'le ca'li yeme'eguet da'me lachoĝodec ñe'me neuoyaq da'me ue'ta ga'me napa'lpi 'lachaqa', qama'le neuayaĝajeguem da'me lec'atenaĝanaĝac qama'le ja jote'ta da'me yela'a ñe'me Abraham, nataq'aen Lázaro ue'tajop joñe'me.

Lucas 16:20

Nach'e ena'am 'uo ñe'me choĝodaq lenaĝat Lázaro, jo'ne yataqachiñe yemaye da'me dola ga'me lo'oc, qama'le qoyachetaue jena'me aleua ga'me najom ñe'me neuoyaq.

Mateo 27:63

qama'le enapega't: —Jaliaĝanec, ñetouenaqatac quelqaya cha'li nec'aletaye di'me dijo' qovinaĝanaĝaic, 'yaĝatetac queda'me qom yenoĝodegue trejolqa gaa'me noloqo'ote qama'le 'niyelaĝajeguem.

Lucas 16:26

Choqoda'me uoja'eda, 'uo di'me uañe laeñi da'me qo'mi nataq'aen jo'ne yataqata qaya'ñgui; qama'le qo'mi da'me jouaqa'ta jenjo' qaya'te yaqanatet ta'le dajoyi na'me naja', nataq'aen ami da'me ovi'ta na'me naja' qaya'te yaqanatet ta'le najoequena.»