Lucas 16:24 - Nuevo Testamento Toba Sombrero Negro

²⁴ Chane'eja 'nalaĝajeguem: «¡Abraham, jayem avichoĝoden! Anamaĝaquena ñe'me Lázaro da'me yipichiñgui ga'me noĝop na'me liaĝata lejenec qaedi yipet jena'me yachaĝat, qa'a 'uo da'me yachoĝodec jena'me joue'ta jo'ne dole' 'lachaqa'.»

Nuevo Testamento Toba Sur

²⁴ Nachi i'alaq, 'eeta': “'Am ita'a Abraham, aÿim 'auchoxoden qome. Ña 'anamaq na Lázaro, da yaqto' ipet na llaxaata lshiinec ca 'etaxat da ipet na ÿachaxat, ten ÿapacteec da ñique'ejnaxac da sootangui ne'ena nodec.”

La'aqtaqa Ñim Lo'onatac 'Enauacna 2013

²⁴ Nache so sallaxanec iỹaxana so Abraham, 'eeta': «'Am ita'a Abraham, aỹem 'auchoxoren. 'Anamaq na Lázaro, da yaqto' ipet na llaxaata lsheenec ca 'etaxat da yaqto' ipet na ỹachaxat. Ten ỹapactec da ñeque'eenaxac da sootangui ne'ena norec.»

Lucas 16:24 Referans Kwoze

Apocalipsis 22:1

Qama'le joñe'me piyem le'ec jayem yaloĝona di'me ñache jo'ne chichiñe jena'me noĝop jo'ne le'ec. Qama'le da'me 'loyaĝac di'me ñache ena'am ta'le cristal, nataq'aen da'me chiyoqotelegue ñe'me lejaliaqa' joñe'me Dios choqoñe'me 'Naĝanaĝate Lec'oĝot.

Juan 4:10

Jesús 'yateguet: —Ta'le auayaten ga'me jo'ne Dios am yanem nataq'aen jayem auayaten da'me am jiyaĝatapecot qaedi jayem aniyomaĝan, qama'le ga'me aviyaĝanaque qama'le am janem ga'me noĝop jo'ne nec'alaĝaiqui.

Juan 4:14

qalaĝaja joga'me jo'ne niyomigui ga'me noĝop jo'ne mach'e janegue, ja yitaĝa ta'le 'niyelaĝa ga'me noĝop lamaic. Qa'a joga'me noĝop jo'ne mach'e janegue ja yitaĝa em, qama'le ena'am ga'me ladic joga'me noĝop jo'ne nec'alaĝaiqui, chayovida'a ga'me jiyaĝaua taue da'me 'loyaĝac jo'ne ja 'naidena'a.

Mateo 25:41

“Chane'eja nach'e ena'am jenapegalo qomle gaa'me jo'ne neteda'ague jena'me 'ñemaq: «¡Jayem oquiya'ae! Ami jo'ne ja ami 'te qoyichoĝode'n nayi, auec'achiya di'me dole' jo'ne ja 'naidena'a 'me ami qoyaqataĝat'agueta ñe'me payac nataq'aen jogaa'me lamaĝa's jo'ne piyem laje'.

Apocalipsis 20:15

Chane'eja dia'me napa'lpi nach'e ena'am da'me qoyajaĝadiñgui ga'me dole', ena'uaque dia'me jo'ne qaya'te lenaĝa't ta'le uedalegue da'me qoyedidiñe jaga'me nede jo'ne nedaĝalate jena'me qonec'alaĝatedegue.

Santiago 3:6

Nataq'aen jena'me qadachaĝat, nach'ena jo'ne dole'. Jena'me jo'ne ja no'en joda'me 'lonatac 'me nayi qoyen joda'me qanejiyaĝauayaĝac, qama'le 'naĝat yema na'me qadapat nataq'aen en edañgui joda'me qanejiyaĝauayaĝac. Qaya'te loiquiaqa' joda'me lauaqayaĝac joga'me dole', qa'a nach'edi di'me payac 'lachaqa' jo'ne en edañgui.

Lucas 16:30

Qama'le ñe'me neuoyaq 'yateguet: «Eja, Abraham, qalaĝaja qom 'uo ga'me yeleu jo'ne 'niyelaĝajeguem nataq'aen naloĝonegueta, qama'le jogaa'me 'niyelaĝadetot qom'te joñe'me Dios.»

Lucas 3:8

'Noota qom qoyauana da'me at'oyaĝaqui queda'me yataqata eja da'me a'viyelaqaiyot joñe'me Jaliaĝanec. Nataq'aen ena'te aueñetapela't: «¡Qo'mi qonec'alaĝatedegue qomle qa'a yataqachiñe qo'mi lec'oqo'tepi di'me Abraham!»; qa'a eja da'me ami jenapegalo queda'me chayovida'alo naajo' qadipi Dios yaqanatet ta'le neleguemaĝatalo daa'me Abraham c'oqo'tepi.

Santiago 2:13

Qa'a jogaa'me jo'ne ja yichoĝode'n gaa'me laqaya', qom 'uo da'me nec'atenague'j, qama'le nach'e ena'am da'me ja qoyichoĝode'n qomle. Qalaĝaja gaa'me jo'ne 'uo da'me lichoĝodenataĝanaĝa'j nach'egaua jo'ne 'uo da'me lomataĝanaĝa'j qom male yovita ga'me nolo' da'me male 'uo da'me nec'atenaĝanaĝac.

Apocalipsis 19:20

Qama'le ñe'me jiyac polio' male paja'a da'me qoyecoñe' choqoñe'me jo'ne ja eja da'me lapaĝaguenataĝanaĝac, ñe'me jo'ne nach'eñe 'me yachiyoĝotayi da'me yauo'oe naa'me 'nanaqa jo'ne chiyaqayi q'aen da'me uo'oe gaa'me yoqovi'n jo'ne yaje'tema da'me yanayelo joga'me mach'e lenaĝat ñe'me jiyac polio', chayovida'a da'me qoyi'yoĝode'n ca'li joga'me jiyac polio' lequi'i. Qama'le ñe'me jiyac polio' choqoñe'me jo'ne ja eja da'me lapaĝaguenataĝanaĝac male qoyajaĝadiñgui jaga'me limaĝañi jo'ne uetañgui ga'me dole' let'adaic.

2 Ts 1:8

Qama'le 'uo qomle ga'me 'yeteque jogaa'me jo'ne ja yoqochideta ñe'me Qadet'a choqogaa'me jo'ne ja yacoteguet da'me 'naqataĝanaĝac 'me 'yaĝatetac ñe'me Qadejaliaĝanec Jesucristo.

Romanos 4:12

Qama'le Abraham nach'e ena'am let'a't jogaa'me, ja nach'edata da'me yacoteguet ga'me 'nanaĝajet dite da'me qa'a quetede'egue ga'me nepe'e jo'ne ua'ajop di'me jachiyojoĝoguet ca'li maliaĝa ja qoyanem da'me nichaĝajoĝonaĝac.

Juan 7:37

Jo'me nolo' jo'ne p'ategue 'me neualaĝayaĝaiqui, nach'ejo jo'ne yaguegue da'me ni'yoĝodenataguec, qama'le nach'ejo jo'me nolo' da'me Jesús nechachiñe da'me netenec joda'me lapaĝaguenataĝanaĝac, enaac: —Ena'uaque jogaa'me jo'ne yelinqui'p, 'noota qom jayem nec'adeta, qaedi ñiyomaĝa'n.

Mateo 5:22

Qalaĝaja ami ja'aĝatema queda'me gamachaqaega ga'me jo'ne dalemata'ya ga'me laqaya, male qoyamaĝaue da'me ne'uaĝanaguec. Nataq'aen ga'me jo'ne yejouen ga'me laqaya, qama'le qoyajoĝonegueta jogaa'me jiyaĝadipi nec'atenoqo't; nataq'aen ga'me jo'ne yachalo'te gaa'me 'laqataqa 'me ja 'noe'n ga'me laqaya, qama'le qoyen yepaquetapegue' da'me yec'ata ga'me dole' 'me 'lachaqa' da'me 'uaĝanaĝac.

Mateo 3:9

Qama'le ena'te aueñetapela't: «Qo'mi qonec'alaĝatelegue qomle qa'a yataqachiñe qo'mi lec'oqo'tepi di'me Abraham»; qa'a ami ja'aĝatema queda'me chayovida'alo naa'me naajo' qadipi Dios yaqanatet ta'le neleguemaĝatalo q'ae'n daa'me Abraham c'oqo'tepi.

Lucas 19:9

Jesús 'yateguet joñe'me: —Nayi jenjo' nolo' novita da'me Dios lec'alaqataĝanaĝac jenjo' at'achaqa', qa'a nach'e ena'am am c'oĝot di'me Abraham.