Lucas 16:2 - Nuevo Testamento Toba Sombrero Negro

² Chane'eja joñe'me neuoyaq 'me ladipa yiyaĝana ca'li ñe'me lamaĝajec qama'le enapega: «¿Jach'e da'me dojo' aua'uo 'me jayem qo'yaĝatem? Nayi jayem aualoĝona ga'me at'onatac, qa'a ja auaqanatet ta'le oquetalegue da'me auelolegue ga'me yeuoyaĝac.»

Nuevo Testamento Toba Sur

² Nachi se'eso n'aco' iÿaxaneuga somayi, nachi 'enapega, 'eeta': “¿Chaq huá'ague ca 'eetec da aÿim qan'axateu'a, souaxat 'am? Ña 'analoqna't qome da 'ad'onataxanaxac. Ime, qaq aÿim 'andou'a. Cha'ayi sa ishit qome da queta da 'am 'aulotague' yi ima'.”

La'aqtaqa Ñim Lo'onatac 'Enauacna 2013

² Nache se'eso na'aco' iỹaxaneuga somaye, nache 'enapega, 'eeta': ‹¿Chaq hua'ague ca 'eetec da aỹem qana'axateua'a, souaxat 'am? Ña 'analoqna't qome da 'aro'onataxanaxac. Ime, qaq aỹem 'andoua'a. Cha'aye saishet qome da queta da 'am 'aulotague' ye ima'.›

Lucas 16:2 Referans Kwoze

Apocalipsis 20:12

Qama'le nach'e ena'am jauanalo dia'me napa'lpi jo'ne 'yaĝaiquipi nataq'aen dia'me jo'ne ja 'yaĝaiquipi, da'me nechatetedañe, dajotedo'ot joñe'me Dios. Ua'a qanach'e qo'youachiguilo jogaa'me nedel, chaqaga'me nede laqaya jo'ne nach'ega 'me nedaĝalate jena'me qonec'alaĝatedegue. Chane'eja dia'me napa'lpi male qonaloqote'n: male qoyec'ate'n naa'me joote qoyedidiñe jo'ne uetedalegue jogaa'me nedel jo'ne chiyaqayilo jogaa'me mach'e 'lonataqa, da'me qaedi qoyejete'n.

1 Pedro 4:10

Nataq'aen joote auacoñiyegueta gaa'me leyalaqataĝanaĝaco joñe'me Dios, onolqa'tape da'me ami. Chane'eja 'noota qom a'uonataĝañiya qaedi yataqata alecochiiyalo gaa'me adaqayadi', qa'a yataqata auayachiñe da'me aueloyiye jena'me yodapecache jo'ne lichoĝodenataĝanaĝaco joñe'me Dios.

1 Pedro 4:5

Qalaĝaja gaa'me male taida'a da'me 'yaĝadetem yema joga'me 'yetetedac joñe'me Jesucristo, nach'eñe jo'ne joote niyamaĝateta't qaedi naloqote'n joga'me jiyaĝadipi jo'ne nec'aletedaye choqodia'me joote yele'u.

1 Timoteo 5:24

Uo'oe gaa'me loeco gaa'me jiyaĝa'u jo'ne yataqata joote di'yo't, qalaĝaja gaa'me laqaya' jo'ne te'me ja di'yo't mach'e qoyaloĝonalo qom'te.

1 Timoteo 4:14

Ena'te auen qaya'ye joñe'me Dios am yanem mach'e Lepaqal ca'li am qo'yaĝatem jogaa'me 'yaĝaicachidi jo'ne am netamedelegue nataq'aen am yacodedelegue ca'li.

2 Corintios 5:10

Qa'a ena'uaque qo'mi jajoyaqa'aguet qomle ñe'me Cristo, jo'ne nach'eñe qanec'atenoqo't. Nach'eñe nimitapiye qomle gaa'me qat'onataqa, qama'le qo'mi yanema ga'me qanejetenaguec qom qadalo'taguet, uotaĝa qo'mi yanema ga'me qane'uaĝanaguec.

1 Corintios 4:5

Chane'eja da'me ami, ena'te aueñi gamachaqaega adec'atenaĝanaĝaqui qom maliaĝa ja novitequena ga'me nolo' qom 'niyelaq ñe'me Jaliaĝanec; cha'li auajoyiya'a ñe'me Jaliaĝanec qom novi' qama'le nach'eñe yachiyoĝotaue ga'me 'lalaĝa ga'me jo'ne qoyoĝotetapiñe qaedi 'yoqotelegue q'aen. Qama'le qoyaloĝon ga'me jo'ne jalchi'ena yepaquetapegalo joga'me. Qom yem da'me dojo' qama'le nach'eñe ñe'me Dios yanema da'me qaedi qo'nonaĝachiguilo jogaa'me.

1 Corintios 4:2

Qa'a ga'me jo'ne yaconeguet da'me 'nelopaguec, 'noota ta'le yaloĝon queda'me eja nalo'taguet da'me yataqachiñe ye'et joga'me.

1 Corintios 1:11

Qa'a quelqaya gaa'me jo'ne neteda'ña di'me 'lachaqa' ñe'me Cloe jayem t'aqataĝatem da'me ami 'yaĝa'tape, ami yaqaya'olqa, jo'ne mach'e ami da'me 'uo da'me anecotaĝaqui.

Romanos 14:12

Chane'eja qomle da'me qo'mi male jajoqo'tot joñe'me Dios qaedi qanechoĝodetot joñe'me.

Lucas 12:42

Ñe'me Jaliaĝanec 'yateguet: —Jega: ¿jach'e jogamaĝa ga'me namaĝajec da'me yataqata yepaquetelegue ga'me 'lonatac nataq'aen 'uo da'me yayaten, da'me uotaĝa ga'me ladipa yamaĝalegue qaedi yiqui'yaĝa'tape gaa'me ueteda'a ga'me 'lachaqa' nale yovita ga'me laloqo' da'me niqui'yaĝac?

Lucas 12:20

Qalaĝaja ñe'me Dios enapega: «¡Am chiyoĝojecolec, qa'a jenjo' pi'yaq qama'le adeleu! Qama'le ga'me jo'ne aviyamaĝat, ¿jach'e jogamaĝa ua'ajop?»

Mateo 12:36

Nataq'aen ami ja'aĝatema queda'me ga'me nolo' qom 'uo da'me nec'atenaĝanaĝac ena'uaque ami qama'le yemta auanomye'alo gaa'me at'aqataqadi' 'me chiyoĝo's jo'ne anenaĝachidegue nale.

Mateo 20:8

“Ca'li yovita ga'me pi'yaq, ñe'me nadipa dojapegue' ñe'me yelolegue ga'me 'lonatac qama'le eet'oi: «Aviyaĝanalo gaa'me onataĝanaĝayaqa, qama'le auejete'n, auachiyoĝotetelegue gaa'me p'atedegue yemta novi't chayovida'a gaa'me 'uaechidiñe novi't.»

Lucas 16:1

Jesús nach'e ena'am 'yaĝatema da'me dojo' jogaa'me lapaĝaguenataqa: “'Uo joca'li ñe'me jiyaĝaua neuoyaq jo'ne 'uo ñe'me lamaĝajec jo'ne yelolegue da'me leuoyaĝac; qama'le qo'yaĝatem joca'li ñe'me nadipa: «Ñe'me adamaĝajec ch'e ye'uetac yema ga'me adeuoyaĝac.»

Lucas 16:3

Ñe'me namaĝajec ya'uo da'me lelnataĝac: «¿Jach'e jogamaĝa ja'uo nayi, queda'me jayem yepoleguet da'me qaya'te 'yonatac ñe'me yadipa? Qaya'te 'yañaĝac ta'le jo'onataĝalegue jena'me aleua, nataq'aen jepocoĝolegue ta'le jiyaĝanaque jaga'me ñachetaqate.