Lucas 16:17 - Nuevo Testamento Toba Sombrero Negro

¹⁷ Qalaĝaja da'me jo'ne ja qalaq yem qomle di'me piyem nataq'aen jena'me aleua; dojo' yataqachiñe qalaq, ta'le ja yepaquetelegue ga'me onolec nediijec jodaa'me Dios lamaĝajoĝonaĝaco.

Nuevo Testamento Toba Sur

¹⁷ Qaq nai'ctaxa qome da imeuo na piguem qataq ana 'alhua, qalaxayi sa ishit da sa ipacchigui cam i'axat ñim 'oonolec saq 'amaqtaq nam ledaxatpiolec nam nqataxacpi.

La'aqtaqa Ñim Lo'onatac 'Enauacna 2013

¹⁷ Qalaxaye ỹactec da saqalaq da ishet da nlaguiñi na piguem, qataq ana 'alhua, qaq saq 'ena'am na namaxasoxonaxacpi, cha'aye qaica ca saq ipacchigui cam ỹa'axat ñim 'oonolec namayepi.

Lucas 16:17 Referans Kwoze

Mateo 5:18

Chane'eja ami jayateneque qom cha'li 'uo di'me piyem nataq'aen jena'me aleua, qaya'te 'uo ga'me cat'oñoq qoyalaĝat jodaa'me namaĝajoĝonaĝaco uotaĝa ch'e onolec nediijec jo'ne qonaqat, chayovida'a qom yema yepaquichiguilo.

Lucas 21:33

Jodi'me piyem nataq'aen jena'me aleua ja yitaĝa 'uo qom'te, qalaĝaja da'me 'yaqataqa qamqa'me ja yenoĝodegue.

1 Pedro 1:25

Qalaĝaja na'me 'laqatac joñe'me Jaliaĝanec ja pal, qaya'te loiquiaqa'.” Qama'le jenjo' 'naqatac naqaeda da'me 'naqataĝanaĝac jo'ne onaĝaic 'me joote ami qo'yaĝatema.

Romanos 3:31

Chane'eja da'me 'uo da'me qadepe'e, ¿qo'li ja jenaĝa 'te lajo'vi da'me namaĝajoĝonaĝaco? ¡Qa'ejo' ja naq'aeta! Dite da'me jachimaĝataĝañi da'me lajo'viyaĝa'j naa'me namaĝajoĝonaĝaco.

Apocalipsis 21:4

Qama'le joñe'me yiyo'y yema naa'me lachi'y ga'me jiyaĝadipi. Ja yitaĝa ta'le 'uo da'me yeleu ga'me jiyaĝaua, uotaĝa ta'le 'uo joga'me noyetac. Male qaya'te lachoĝode'j, nach'e ena'am da'me qaya'te layaliaĝa'j, qa'a ena'uaque jogaa'me 'uaechidiñe, nayi male ja yitaĝa ta'le uo'oe.

Apocalipsis 21:1

Yem qama'le jauana ga'me piyem jo'ne dalaĝaic, nataq'aen ga'me aleua jo'ne dalaĝaic, qa'a di'me 'uaechiñe piyem nataq'aen di'me 'uaechiñe aleua ja yitaĝa ta'le uo'oe, qama'le nach'e ena'am jaga'me qa'em lat'edai male qaga.

Apocalipsis 20:11

Nataq'aen jauana jaga'me je'onaĝaiqui lat'edai jo'ne pagaĝai choqoñe'me jo'ne netañgui. Mane'e ca'li naloĝola't joñe'me, qama'le jena'me aleua choqodi'me piyem male nelagaĝa'tape, qama'le nalo'ta't da'me yapalaĝat, ja yitaĝa ta'le qoyauanalo.

2 Pedro 3:10

Qalaĝaja ga'me nolo' qom 'niyelaĝaquena ñe'me Jaliaĝanec, qama'le nejeteteuo ena'am ga'me cachaĝaic. Ua'a qama'le di'me piyem male 'uo da'me 'loĝoyaĝac let'adaic da'me iyiñe, qama'le 'uo ga'me dole jo'ne yaviyaĝa't yema jogaa'me neteda'ague di'me piyem. Yem qama'le jena'me aleua choqogaa'me jo'ne uetedalegue da'me male tadoue da'me laloqotenaĝanaĝac ñe'me Dios.