Lucas 15:32 - Nuevo Testamento Toba Sombrero Negro

³² Qalaĝaja, youen da'me jauoqo da'me qanetonaĝac jo'ne qadiqui'yaĝac nataq'aen qo'mi made'tape, qa'a ñe'me adanoqolec ena'am ta'le yeleu mañaĝa, qama'te yitaĝa nec'alegue; te'me yejomac mañaĝa, qalaĝaja yitaĝa jauanaĝa.»”

Nuevo Testamento Toba Sur

³² Qalaxayi nagui no'on da so'otaq ca qadqui'axac da ñitonaqpigui'. Cha'ayi ñi 'adqaÿa, ñimayi mashi saqca, qalaxayi qaltaq nca'aleec; ñimayi daqat, qalaxayi mashi sanataxa.”

La'aqtaqa Ñim Lo'onatac 'Enauacna 2013

³² Qalaxaye nagui no'on da so'otaq ca qarquia'axac da ñetonaqtapigui'. Cha'aye ñi 'arqaỹa, ñimaye mashe saqca, qalaxaye qaltaq nca'alec; ñimaye deqat, qalaxaye mashe sanataxa.›»

Lucas 15:32 Referans Kwoze

Lucas 15:24

Qa'a jenjo' yalec ena'am ta'le yeleu mañaĝa qama'te 'niyelaĝa da'me lec'alaĝa; te'me yejomac mañaĝa, qalaĝaja yitaĝa jauanaĝa.» Qama'le jogaa'me yauote ga'me neualaĝayaĝac.

Romanos 3:4

¡Qa'ejo' ja naq'aeta! Dite da'me nach'eda yataqatelegue ñe'me Dios da'me 'tonataĝan, mate mane'e qovinaĝanaĝaic ga'me ch'e jiyaĝaua; qa'a naa'me nedii's eet'oi: “Am qo'ene'tem yataqatelegue ga'me anenaĝategue. Qama'le 'uo da'me adomataĝanaĝac qom am qonemitaque ga'me adajouaĝajet.”

Romanos 3:19

Qa'a da'me qo'mi yataqachiñe jayatenaq yema ga'me uaye jaga'me nede jo'ne uedaye da'me namaĝajoĝonaĝacpi, yeloĝonaĝachiguilo da'me tachiguilo da'me enapegalo ga'me uetedo'ot gaa'me naqataĝaco, qaedi qaya gamachaqaega eetapela't qaya'te lajouaĝajet, qaedi qom 'uo da'me lec'atenaĝanaĝac ñe'me Dios qama'le nach'e ena'am uetedaue yema ga'me jiyaĝadipi.

Lucas 7:34

Ua'edi ñovi' da'me jayem jo'ne yataqachiñe jayem Jiyaĝaua Lec'oĝot, jo'ne jeque'e nataq'aen ñiyom, qama'te jayem aueñiyapega jayem qui'yaĝaic nataq'aen niyomaĝaic, nataq'aen jayem naigaĝaua jogaa'me jiyaĝa'u jo'ne ja 'noe'n gaa'me 'lonataqa choqogaa'me lo'ol da'me nejetenaguec di'me Roma.

Lucas 15:31

“Joñe'me let'a 'yateguet: «Am yalecolec, am nach'e eta't jayem oue'tajop, nataq'aen yema ga'me yoĝot mach'e adoĝot.

Romanos 11:15

Qa'a qom da'me qoyemaĝaeta ga'me judiopi chiyaqayi da'me qonauela'ajalo joga'me aleua laje'pi da'me 'viyelaĝatot joñe'me Dios, ¿Qo'li ja nauela'ajalo gaa'me jo'ne qoyaconegueta? ¡Ja ch'e jaleca da'me 'lonaĝa'j qomle gaa'me jo'ne joote yele'u!