Lucas 15:28 - Nuevo Testamento Toba Sombrero Negro

²⁸ Qalaĝaja yataqachiñe dalemata ñe'me 'yaĝaic qama'le nemanec ta'le yenoĝoneuo'o ga'me 'lachaqa'. Chane'eja ñe'me let'a youen da'me yec'ate'ga qaedi nachoĝodenot da'me yenoĝonaqateuo,

Nuevo Testamento Toba Sur

²⁸ Qalaxayi som lqaÿa ÿi dalemata, nachi sa ishit da pa'auo. Qaq ÿoqo'oyi so lta'a nachi nqo'oneuga, nachoxodeetacot da pa'auo.

La'aqtaqa Ñim Lo'onatac 'Enauacna 2013

²⁸ Qalaxaye som lqaỹa ỹe dalemata, nache saishet da pa'auo. Qaq ỹoqo'oye so lta'a nqo'oneuga, nache nachoxoreetacot da pa'auo.

Lucas 15:28 Referans Kwoze

Lucas 15:2

Joga'me fariseopi nataq'aen joga'me judiopi napaĝaguenoqo'tpi en ja 'noe'n daa'me 'laqataqa jouaĝat da'me dojo', enapega't: —Dojo' yaconegueta joga'me loeco lo'olpi nataq'aen neuanaĝa'u jogaa'me.

Lucas 7:39

Mane'e ca'li yauana da'me dojo', ñe'me fariseo jo'ne nepoda ñe'me Jesús, eetojo' da'me lelnataĝac: “¿Toqoch'e ja yetaden jañe'me yauo jo'ne ja no'en da'me yepotetac, qom yataqachiñe Dios 'laqataĝanaĝanec? Qa'a ¡janjo' yauo yataqachiñe ja 'noe'n daa'me 'lonataqa!”

Hechos 14:2

Qalaĝaja joga'me judiopi jo'ne ja p'iida'a en nautenaĝanegueta ga'me ja judiopi jogaa'me qadaqaya'olqa.

Hechos 13:45

Qalaĝaja joga'me judiopi, ca'li yauata ga'me jiyaĝadipi, qama'le yataqachiñe nejaĝayelo da'me lep'aguenataĝanaĝa'j. Chane'eja paja'a en ja 'noe'n q'ae'n gaa'me 'laqataqa da'me yejouetedac ñe'me Pablo.

Lucas 24:47

Nataq'aen queda'me qo'yaĝatapema joñe'me ena'uaque naa'me noyaqapi qaedi 'ñemaĝadiñe, 'niyelaĝadetot joñe'me Dios, qaedi joñe'me yapalaĝa't daa'me loeco, qoyachiyoĝochichi'ña di'me Jerusalén.

Lucas 13:34

“¡Ami Jerusalén laje', jo'ne aualachi' dia'me Dios 'laqataĝanaĝanaqa nataq'aen auajaĝayique ga'me qadipi dia'me aqataĝanaĝayaqa jo'ne Dios ami namaĝalo! ¡Nach'eda da'me jetaque ami jemata'a't, ena'am jaga'me olegaĝa yapetetapega't gaa'me c'oqo'tolqa yacho'oto ga'me laua, qalaĝaja ami ja a'uamaqachiñe!

Lucas 5:30

Qalaĝaja jogaa'me fariseopi nataq'aen ga'me judiopi napaĝaguenoqo'tpi jo'ne nach'e ena'am da'me 'lonataĝanaĝa'j paja'a e'n ja 'noe'n gaa'me 'laqataqa jo'ne eetapegalo gaa'me lapaĝaguenataqa ñe'me Jesús. Eetojo' da'me 'laqata'j: —¿Toqoch'e aneuanaĝa'udi' nataq'aen aniyomaĝa'udi' jogaa'me lo'ol da'me nejetenaguec ñe'me jaliaĝanec jo'ne Roma le'ec choqoga'me loeco lo'olpi?

Mateo 20:11

Ca'li yem da'me qoyejete'n, paja'a ja 'noe'n q'ae'n naa'me 'laqataqa, eedapega ñe'me ladipa ga'me nanaĝanaqa' jogaa'me onataĝanaĝayaqa,

1 Ts 2:16

Qama'le nale jetaque jojaqapegue'to joga'me ja judiopi qaedi nach'e ena'am da'me qonec'alaĝatedegue, nach'e ena'am ja qo'mi 'te yaje'tema. Qama'le nach'eda da'me dojo' yataqata en nichiquetedajeguem da'me loe'j. Qalaĝaja qom qoya'uo ga'me loiquiaqa' jena'me jenjo', yataqata jalcote t'adaic joga'me en lachoĝode'j joga'me, mach'e chiyoqo'ot joñe'me Dios.

2 Corintios 5:20

Chane'eja nach'e qo'mi lamaĝa's ñe'me Cristo qaedi ja'aĝataqatac joñe'me, nataq'aen ena'am ta'le nach'eñe ñe'me Dios ami nachoĝodetapecoto qaedi anaquiaĝañiya da'me qat'aqataĝanaĝac. Qama'le ñe'me Cristo qo'mi 'yelopeque da'me ami ñachoĝodenaqatapecoto qaedi auacoñiyeguet da'me 'lemaĝac ñe'me Dios jo'ne ami yanema.

Romanos 10:19

Qama'le yitaĝa ja'uo yachimaqataĝanaĝac: ¿jeele gaa'me Israel c'oqo'tepi, qaya ga'me letadenataĝanaĝa'j joona joca'li? Cha'li je'uauaĝañe da'me dojo', Moisés enaac: “Jayem ami janema da'me 'uo ga'me anetotaĝaqui qom auañiya ga'me noic 'me ja yalaqapi. Ami je'etema da'me aualemataitapega ga'me noic jo'ne ja jetaque tadenataĝan.”

Hechos 14:19

Qanach'e ua'a da'me yovi't ga'me judiopi chiyoqoda'a di'me Antioquía nataq'aen Iconio, jo'ne 'ñemaĝachidiñe ga'me lelnataĝa'j ga'me jiyaĝadipi. Chane'eja qoyijaĝac ga'me qadipi ñe'me Pablo qama'le yepetedapega da'me joote yeleu, qoyauegue'ga ga'me p'aye di'me noic.

Hechos 13:50

Qalaĝaja joga'me judiopi dojapegue'to gaa'me yauo' jo'ne choĝodenataĝanaĝail nataq'aen 'uo da'me li'yoĝodi'j choqogaa'me jiyaĝa'u jo'ne p'ajodaye 'me neteda'ña ga'me noic, qama'le qoyachelo'te jogaa'me qaedi paja'a qonautenalo ñe'me Pablo nataq'aen Bernabé, qaedi qoyen queda'e ga'me aleua.

Marcos 1:40

'Uo ñe'me jiyaĝaua jo'ne leuaĝaic netaye ga'me daloĝo, yec'ata ñe'me Jesús qama'le yejoidi'ñejop naa'me leliquetel qaedi nachoĝodenot joñe'me, enaac: —Qom a'uamaqaten, qama'le auen qaya jena'me yapite'na.

Lucas 15:27

Ñe'me nalemaĝajet t'aqataĝanem ñe'me, enaac: «Ñe'me adanoqolec yemta 'niyelaq, maqachaĝa qaya'te yec'on nataq'aen nec'aletaye, qama'le ñe'me adet'a damaĝajoĝolegue da'me qoyalat ga'me uaca jo'ne 'yaĝadai, qa'a yitaĝa yauana.»

Lucas 15:29

qalaĝaja 'yamaqaten, nataq'aen enapega joñe'me let'a: «Am yataqachiñe auayaten queda'me qayoĝode' gaa'me 'uoidi da'me am jo'onataĝatape'uo, qama'le nach'e eta't da'me am joqoch'a, qama'te qaya'te ua'a ta'le maqachaĝa ch'e quetaq c'oĝot ga'me jayem auanem taqae'me qaedi 'uo ga'me jalic nach'e ena'am gaa'me ñaigaĝa'u.