Lucas 15:27 - Nuevo Testamento Toba Sombrero Negro

²⁷ Ñe'me nalemaĝajet t'aqataĝanem ñe'me, enaac: «Ñe'me adanoqolec yemta 'niyelaq, maqachaĝa qaya'te yec'on nataq'aen nec'aletaye, qama'le ñe'me adet'a damaĝajoĝolegue da'me qoyalat ga'me uaca jo'ne 'yaĝadai, qa'a yitaĝa yauana.»

Nuevo Testamento Toba Sur

²⁷ Nachi som nsoq 'enapeco': “Qomyi 'adqaÿa da nvi', ÿoqo'oyi ñi 'adta'a damaxasoxoolec da qaÿalauat som ÿataqta chaxadaic huaca llalec, cha'ayi ñimayi nvi', qataq saqca ca da.”

La'aqtaqa Ñim Lo'onatac 'Enauacna 2013

²⁷ Nache som no'onataxanaxanec 'enapeco': ‹Qomye 'arqaỹa da nvi', ỹoqo'oye ñi 'arta'a damaxasoxoolec da qaỹalauat som ỹataqta chaxaraic huaca llalec, cha'aye ñimaye nvi', qataq saqca ca da.›

Lucas 15:27 Referans Kwoze

Filemón 1:16

Qama'le nayi ja ena'am da'me ch'e adelatac dite da'me ena'am da'me napacalegue ga'me ch'e nelatac; ena'am ga'me yataqachiñe adaqayeja jo'ne adoqopita. Jayem jalcote da'me joqopita, qalaĝaja da'me am, 'noota qom yaguegue auen jo' qomle da'me adoqopich'i, qa'a ja nach'edata da'me ch'e adelatac, dite da'me yataqachiñe qadanogaĝaua qadaqayeja jo'ne p'iya'a ñe'me Qadejaliaĝanec.

Hechos 22:13

Ananías jayem nec'ata ca'li qaedi jayem yauana, mane'e ca'li jayem yovita enaac: «Am yaqaya Saulo, yitaĝa auaconeguet da'me anauachiñe.» Qanach'ega ua'a ca'li yitaĝa ñauachiñe, qama'le jaqanatet ta'le jauana.

Hechos 9:17

Chane'eja Ananías yec'ata ga'me 'nachaqa' jo'ne ue'ta ñe'me Saulo. Mane'e da'me yenoĝoneuo, qama'le yachalo'te loua' joñe'me nataq'aen enaac: —Am yaqaya Saulo, ñe'me Jaliaĝanec Jesús, ñe'me jo'ne am naloĝoneguet jena'me adadic jo'ne auanaquetapegue' jayem namaĝaquena qaedi yitaĝa auanac nataq'aen am najaqachigui ñe'me Dios Lepaqal jo'ne ja 'nalegue.

Lucas 15:30

Qalaĝaja nayi queda'me novi' jenjo' ac'oĝot, jo'ne ja yoden jaga'me anaicaua da'me yajouaĝat jana'me quejeguetaĝailpi, qama'te aualat ga'me uaca c'oĝot jo'ne yataqachiñe 'yaĝadaic.»

Mateo 22:4

Yitaĝa yama' gaa'me lalemaĝaje'te laqaya', 'yelope'tape: «A'uaĝachiyema gaa'me nepodae's queda'me joote yema jiyamaĝateta't ga'me niqui'yaĝat. Joote jamaĝajoĝolegue qaedi qoyala't ga'me yelo uaca 'me yataqachiñe 'yaĝadayaqa nataq'aen joote yema qoyaqataĝata't. Anec'achiya jenjo' neualaĝayaĝac.»

Lucas 15:26

Qama'le yiyaĝane'uo ga'me nalemaĝajet da'me yenat jach'e ga'me qoyauotaque.

Lucas 15:28

Qalaĝaja yataqachiñe dalemata ñe'me 'yaĝaic qama'le nemanec ta'le yenoĝoneuo'o ga'me 'lachaqa'. Chane'eja ñe'me let'a youen da'me yec'ate'ga qaedi nachoĝodenot da'me yenoĝonaqateuo,