Lucas 15:24 - Nuevo Testamento Toba Sombrero Negro

²⁴ Qa'a jenjo' yalec ena'am ta'le yeleu mañaĝa qama'te 'niyelaĝa da'me lec'alaĝa; te'me yejomac mañaĝa, qalaĝaja yitaĝa jauanaĝa.» Qama'le jogaa'me yauote ga'me neualaĝayaĝac.

Nuevo Testamento Toba Sur

²⁴ Cha'ayi de'eda ÿalcolec damayi mashi saqca, qalaxayi qaltaq nca'aleec. Damayi daqat, qalaxayi mashi sanataxa.” Nachi qai'ot se'eso n'ashaxac.

La'aqtaqa Ñim Lo'onatac 'Enauacna 2013

²⁴ Cha'aye de'era ỹalcolec, damaye mashe saqca, qalaxaye qaltaq nca'alec. Damaye deqat, qalaxaye mashe sanataxa.› Nache qaỹo'ot se'eso tonaxac.

Lucas 15:24 Referans Kwoze

Efesios 2:5

Temaq'aen da'me jenaqa'am da'me joote qadeleu ca'li jouaĝat jogaa'me qadoeco, male nayi Dios joote qo'mi yanema da'me qat'oyaĝac qa'a jouaĝat da'me joqo'taqataguet joñe'me Cristo. Chane'eja male 'uo da'me qadec'alaĝa qa'a jouaĝat da'me loqopich'i ñe'me Dios.

Colosenses 2:13

Da'me ami ena'am ta'le joote adelevi joca'li gaa'me noloqo'ote jo'ne joote yenoĝodegue, yajouaĝa't daa'me adoecodi' nataq'aen da'me ja aĝañiyegue da'me at'oyaĝaqui 'me toijec jo'ne oiquiaĝaic; qalaĝaja nayi Dios ami yanema da'me at'oyaĝaqui dalaĝaic queda'me ademii'teguet ñe'me Cristo, qama'le yapalaĝa't ena'uaque da'me qadoeco.

Lucas 19:10

Qa'a jayem jo'ne Jiyaĝaua Lec'oĝot ñanaequena qaedi ñemitaque ga'me jo'ne yejomac nataq'aen ñec'alaĝategue joga'me.

Efesios 2:1

Ca'li da'me ami yataqata ena'am ta'le joote adelevi, qa'a yajouaĝat da'me yataqata ademiya'alo gaa'me adepatenaĝanaĝacodi', nataq'aen yataqata ami loeco lo'olpi.

Lucas 15:4

“Gamachaqaega ami, qom yauanalo cien ga'me 'naĝanaĝatelpi qama'te onole jaga'me yejomac, qama'le ¿ja yepota'ña joona ga'me 'nonaĝa ga'me laqaya' noventa y nueve, da'me yelaque jaga'me 'naĝanaĝate jo'ne yejomac, chayovida'a yitaĝa yauana?

Lucas 15:32

Qalaĝaja, youen da'me jauoqo da'me qanetonaĝac jo'ne qadiqui'yaĝac nataq'aen qo'mi made'tape, qa'a ñe'me adanoqolec ena'am ta'le yeleu mañaĝa, qama'te yitaĝa nec'alegue; te'me yejomac mañaĝa, qalaĝaja yitaĝa jauanaĝa.»”

Romanos 6:11

Nach'e naq'aeta ami, oquiya'ae naa'me adoecodi', qama'le aueñe'tem ta'le joote adelevi, qalaĝaja oviyaue da'me lec'alaqataĝanaĝac ñe'me Dios queda'me ademii'teguet ñe'me Cristo Jesús.

Romanos 8:2

Qa'a da'me 'lañaĝac ñe'me Dios Lepaqal jo'ne yanegue da'me 'noyaĝac 'me chiyaqayi ñe'me Cristo Jesús, jayem chiyoĝotalegue ga'me lamaĝajoĝonaĝac da'me etaĝaloĝoc nataq'aen da'me neleuaĝa jo'ne jayem yecoñedeta't.

Romanos 12:15

Nale ovi'tajopa gaa'me jo'ne made'tape, nach'e ena'am 'noota qom ami made'tape, nataq'aen gaa'me noye'tape, nach'e ena'am ami anoyeñitac nale.

Juan 11:25

Qama'le enaac ñe'me Jesús: —Jayem naqayem jo'ne 'ñiyelaĝachidijeguem jogaa'me napa'lpi nataq'aen da'me ñec'alaĝatedegue. Gaa'me jo'ne jayem p'iida'a, mate mane'e yele'u qalaĝaja yitaĝa ñec'alaĝatedegue;

Efesios 5:14

Qama'le 'uo jo'me nolo' ca'li qoyediñe jena'me jenjo': “¡Aneloye, am uochaĝaic! ¡A'niyelaĝajeguem, auachiyaqauelo na'me napa'lpi, Qaedi joñe'me Cristo am yecoyadelegue!”

1 Corintios 12:26

Qama'le qom onolec qadoĝojet da'me qat'oyaĝac 'uo da'me lachoĝodec, qama'le yemeda gaa'me qadoĝoje'te 'uo da'me lachoĝode'j. Nach'e naq'aeta qom ga'me lae da'me qanejiyaĝauayaĝac qoya'uo li'yoĝodic qama'le yema da'me qat'oyaĝac machiñe q'aen.

1 Timoteo 5:6

Qalaĝaja jaga'me p'ai jo'ne ja en 'te yataĝalegue da'me nejiyaĝauayaĝac, joote qaya'te nec'alaĝa ta'le ue'tajop.

Romanos 11:15

Qa'a qom da'me qoyemaĝaeta ga'me judiopi chiyaqayi da'me qonauela'ajalo joga'me aleua laje'pi da'me 'viyelaĝatot joñe'me Dios, ¿Qo'li ja nauela'ajalo gaa'me jo'ne qoyaconegueta? ¡Ja ch'e jaleca da'me 'lonaĝa'j qomle gaa'me jo'ne joote yele'u!

Romanos 6:13

Ena'te auen at'onataĝanaĝat naa'me at'oyaĝac da'me aue'et ga'me ja no'en uotaĝa ta'le anemenoue ga'me adoec. Ja naq'aeta dite da'me 'noota ta'le anemeñiyot ñe'me Dios, ena'am ta'le da'me ami jiyaĝa'u jo'ne joote adelevi nataq'aen ami qo'niyelaĝachidijeguem, a'vichiyem naa'me adapa'chidi' da'me at'onataĝanaĝac qaedi a'vichi ga'me jo'ne yataqatelegue nale auajoyiya'aguet joñe'me nataq'aen anañila't.

Juan 5:21

Qa'a naq'aeta joñe'me Taĝadena' 'niyelaĝachidijeguem jodia'me yele'u nataq'aen da'me yanema da'me lec'alaĝa'j, qama'le nach'e ena'am jayem janem da'me nec'alaĝac ga'me jo'ne jetaque ua'ajop.

Marcos 8:22

Yec'adeta joca'li di'me Betsaida; qama'le qoyauega ñe'me qanam joñe'me Jesús, qama'le qonachoĝodenot qaedi yepot joñe'me.

Apocalipsis 3:1

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Sardes: «Da'me ami jo'ne oñiya'ña di'me Sardes, ami janema nayi jenjo' 'yaqatac, mach'e jayem jo'ne ñejaliaĝatelo'te jogaa'me siete nepaqa'li jo'ne chiyoqo'ot joñe'me Dios nataq'aen yajoqot'a gaa'me siete uaqachiñil: Joote jayaten yema da'me auauoyi jo'ne chiyaqayi da'me a'naqataguequi da'me yataqata anec'aliitaye, qalaĝaja ja naq'aeta, dite da'me ena'am ta'le joote adelevi.

Judas 1:12

Jogaa'me yataqata yauote da'me adepocoĝoqui nale yalegouelo gaa'me adiqui'yaĝaqui' 'me a'nonaĝachiguilo, qa'a ja yiyamaĝatetedac, dite da'me ch'e deque'y nataq'aen ch'e niyo'm. Ja yaloĝo'n ga'me lepocoĝo'j, qalaĝaja eetapela'ajalo made'tape, qa'a nach'egaua jo'ne najoĝola'te jo'ne mach'e netelela'ajalo. Nach'egaua yataqachiñe ja 'noe'n, qama'le ena'ama gaa'me piyem loje' jo'ne ja chiyaqayi ga'me uotep, qa'a ch'e layat layoĝonataqa. Nataq'aen ena'ama gaa'me ep'a 'me ja yauote jala nale yovita ga'me laloqo', yataqachiñe qaqa'te' qa'a joote ja netayelo gaa'me patadi.

Lucas 10:19

Ami janema da'me adañoqotaĝanaĝaqui qaedi aualequitapegueta jogaa'me nanayaqapi nataq'aen gaa'me noĝopi'go, nataq'aen qaedi anomachi ena'uaque daa'me 'lañaĝaco ñe'me nauteua jo'ne Satanás, qama'le qaya'te gamachaqaega ja no'en jo'ne ami 'yeteque qaedi ya'uo adachoĝodequi.

Mateo 8:22

Qalaĝaja Jesús 'yateguet: —Jayem oquegue, qama'le auomachiya'alo ga'me napa'lpi qaedi mach'e yijediñi gaa'me yele'u.

Lucas 9:60

Qalaĝaja Jesús 'yateguet: —Auomachiya'alo ga'me napa'lpi qaedi mach'e yijediñi gaa'me yele'u. Am qamqa'me oc qama'le a'uaĝatetac da'me lejaliaĝa ñe'me Dios.

Lucas 15:23

Anaviquiquena ga'me uaca jo'ne 'yaĝadai qama'le aualachi. ¡'Noota qom jauoqo ga'me qadiqui'yaĝac nataq'aen 'uo da'me qat'alaĝa!

Lucas 15:25

“Ñe'me c'oĝot 'yaĝaic maliaĝa ue'tague ga'me 'nonaĝa; ca'li 'viyelaq qama'le yovida'a ga'me yauaqa'a ga'me 'lachaqa' qanach'e domachiyalo queda'me t'onaĝa'tape nataq'aen deualaĝai'tape.