Lucas 14:13 - Nuevo Testamento Toba Sombrero Negro

¹³ 'Noota qom ja naq'aeta, dite da'me qom aua'uo da'me adiqui'yaĝanataĝanaĝac, anepoda'y jogaa'me choĝodache, jogaa'me choĝolaĝayaqa, nataq'aen jogaa'me uayodaĝayaqa nataq'aen jogaa'me qana'mi.

Nuevo Testamento Toba Sur

¹³ Qaq ÿoqo'oyi da ivita da 'au'ot ca 'adqui'axac, qalaq 'auachit nam choxodaqpi qataq na ÿamaxaic qataq nam ñi'idauo naua lchil qataq nam qanamaicpi,

La'aqtaqa Ñim Lo'onatac 'Enauacna 2013

¹³ Qaq ỹoqo'oye da ivita da 'auo'ot ca 'arquia'axac, qalaq 'aucoyeguen nam choxoraqpi qataq na sa da'añiigue qataq nam ñe'eerauo naua lchel qataq nam qanamaicpi,

Lucas 14:13 Referans Kwoze

Lucas 14:21

Ñe'me nalemaĝajet 'viyelaq qama'le yema 'yaĝatem ñe'me lejaliaĝanec. Chane'eja joñe'me jalcote dalemata, qama'le enapega ñe'me lalemaĝajet: «Yaĝa, aueyalatapiye't da'me auec'atalo gaa'me noqoyaĝaco jo'ne jalco'elo nataq'aen noqoyaĝaco jo'ne ja leca'elo jena'me noic, qama'le anaueta jenjo' gaa'me choĝodache, jogaa'me choĝolaĝayaqa, jogaa'me qana'mi nataq'aen jogaa'me uayodaĝayaqa.»

Hebreos 13:2

Nataq'aen ena'te aĝañiñi da'me auauoyi ga'me 'lochaqa' joga'me ami yovida'alo, qa'a uo'oe jogaa'me jo'ne naq'aeta da'me yauote ca'li, qama'le ja yayate'n da'me nach'egaua gaa'me piyem laje' jo'ne ue'tajopa.

Mateo 22:10

Jogaa'me nalemaĝaje'te yec'atalo gaa'me noqoyaĝaco qama'le ena'uaque yemata'a'ajalo gaa'me uada'agueta, gaa'me ja 'noe'n nataq'aen gaa'me 'noote'. Qama'le jalcote gaa'me nepodae's da'me qoyec'ata ga'me niqui'yaĝanataĝanaĝac da'me qoya'uo ga'me 'nonaĝanataĝanaĝac.

1 Timoteo 5:10

Nataq'aen yataqata qoyayaten da'me onaĝaic 'lonataĝanaĝac ca'li: qom yataqata netelalo jogaa'me c'oqo'te, nataq'aen da'me 'uo da'me loqopich'i nale qodejapichiya, nataq'aen da'me joote yataqata yichoĝode'n gaa'me Dios lec'oqo'tepi, chayovida'a da'me lecochiyalo nale jogaa'me 'uo da'me lachoĝode'j, nataq'aen nach'e eta't yauo'oe gamachaqaegaua 'lonataqa jo'ne 'noote'.

1 Timoteo 3:2

Qama'le ga'me jiyaĝaua jo'ne 'lonatac jena'me jenjo', 'noota ta'le qaya'te lejamaĝataĝac. 'Noota qom jiyaĝaua jo'ne onole jaga'me loua, yataqata joĝodaic, nataq'aen loqotenaĝanaĝaic, nataq'aen uategaĝaic ga'me ja yelo'teguet ga'me 'lonatac. 'Lonatac laqaya 'noota ta'le yelo'oguet ga'me jiyaĝadipi qom yec'adeta ga'me 'lachaqa'; nataq'aen yataqata yayaten da'me lapaĝaguenataĝanaĝac.

Tito 1:8

'Noota qom ja naq'aeta, dite da'me yelo'ogueta gaa'me jo'ne yec'adeta ga'me 'lachaqa', 'noota qom jiyaĝaua jo'ne onaĝaicaloec, yataqachiñe joĝodaic, yataqatelegue, ja 'nalegue, nataq'aen mach'ega yayaten ta'le ja yaqa'a ga'me ye'et.

Filemón 1:7

Am yaqaya, yataqachiñe jayem matacolec nataq'aen 'uañaĝaicolec, yataqata 'uo da'me ñetonaĝac, qa'a jouaĝat joda'me adichoĝodenataĝanaĝac, da'me aloyaĝanate'tape ca'li jonaa'me lai'li ena'uaque jogaa'me qadaqaya'olqa jo'ne p'iida'a joñe'me.

Hechos 9:39

Qama'le Pedro equeguelo jogaa'me. Ca'li yovi't, qama'le qoyauega ga'me emec jo'ne uetaue ga'me napat; qama'le ena'uaque ga'me p'ail noye'tape, quedajop ñe'me Pedro nataq'aen yaloĝo'tape naa'me neuoĝoil choqonaa'me lapo'ote jo'ne Dorcas 'ye't ca'li maliaĝa nec'aletaye.

Lucas 11:41

'Noota qom auañiyegue ga'me p'auo jo'ne chiyaqayi da'me adecachaĝaqui, qama'le naq'aeta da'me male yoqovichiguilo naa'me adai'lidi'.

Mateo 15:30

Jalcote ga'me jiyaĝadipi yema'a ca'li ga'me ue'ta joñe'me. Qoyeda'alo gaa'me uayodaĝayaqa, qana'mi, choĝolaĝayaqa nataq'aen qayoĝode' gaa'me leuaĝayaqa laqaya', jo'ne qoyacho'oto ñe'me Jesús, qama'le ñe'me e'n yemedegue ena'uaque jogaa'me.

Lucas 14:12

Nach'e ena'am dojapegue' ñe'me jiyaĝaua jo'ne nepoda: —Qom aua'uo da'me niqui'yaĝac ga'me nolo' uotaĝa nale pi'yaq, ena'te anepoda'y gaa'me mach'e anaigaĝa'u, uotaĝa gaa'me adaqayadejoda, uotaĝa gaa'me lael da'me adaqayayaĝac, uotaĝa gaa'me adeje'gue jo'ne neuoyaĝadi; qa'a ua'edi jogaa'me am 'yiyelaĝatedelegue da'me am nepodatedac, qama'le nach'eda male am ua'ajop da'me anejetenaguec.

Lucas 14:14

Qama'le qomle yataqachiñe 'uo da'me adamaic, qa'a mate mane'e jogaa'me ja yaqanate't ta'le am yejete'n, qalaĝaja 'uo qomle da'me anejetenaguec ga'me nolo' qomle 'niyelaĝadijeguem dia'me yataqatelo'te.