Lucas 13:34 - Nuevo Testamento Toba Sombrero Negro

³⁴ “¡Ami Jerusalén laje', jo'ne aualachi' dia'me Dios 'laqataĝanaĝanaqa nataq'aen auajaĝayique ga'me qadipi dia'me aqataĝanaĝayaqa jo'ne Dios ami namaĝalo! ¡Nach'eda da'me jetaque ami jemata'a't, ena'am jaga'me olegaĝa yapetetapega't gaa'me c'oqo'tolqa yacho'oto ga'me laua, qalaĝaja ami ja a'uamaqachiñe!

Nuevo Testamento Toba Sur

³⁴ ¡Aicoue qami' mayi qoñiitaña yi Jerusalén mayi qaualauachi som l'aqtaxanaxanecpi ñi Dios, qataq qauasaqaitalec na coma' som lamaxashicpi mayi qami' namaxalo! ¡Ÿataqta da iyaxacnaxa da llaÿona't na 'ai'alaqpi, da shiita'am aca 'olgaxa da nqapaxaalec ca llalaqpiolec, qalaq qami' sa ishit da qanashiñi!

La'aqtaqa Ñim Lo'onatac 'Enauacna 2013

³⁴ ¡Ỹataqta qauem da qauo'oche qami' maye qoñiitaña ye Jerusalén, cha'aye qaualauache som la'aqtaxanaxanecpi Ñim Lo'onatac 'Enauacna, qataq qauasaqaitalec na coma' som lamaxashecpi maye qami' namaxalo Ñimaye! ¡Ỹataqta huo'o naxa da iyaxa da llaỹona't na 'aỹa'alaqpi, da sheeta'am aca 'olgaxa da nqapaxaalec ca llalaqpiolec, qalaq qami' saishet da qanashiñi!

Lucas 13:34 Referans Kwoze

Hechos 7:52

¿Jach'e jogamaĝa Dios 'laqataĝanaĝanec jo'ne maqachaĝa ja ja no'en da'me 'yetedec dia'me adet'aldi'? Jodia'me yala't gaa'me jo'ne te'me 'yaĝatetapema da'me lovidaĝac ñe'me jo'ne chimaqachiñe, qama'le nayi queda'me jenjo' jo'ne chimaqachiñe joote novi', qama'te mach'e ami da'me ap'aelegue qama'le aualachi ca'li.

Lucas 23:28

Qalaĝaja Jesús dajoyauelo gaa'me yauo' qama'le enaac: —Ami yauodipi jo'ne at'achaqaedi' jena'me Jerusalén, ena'te jayem anoyeñetapelegue dite da'me mach'e ami nataq'aen ga'me ac'oqo'chedi'.

Lucas 19:44

Nataq'aen yataqachiñe yapalaĝat; nimichidiñe qoye'n ga'me jo'ne netedaue di'me noic, nataq'aen ja yachetedai'ñdi ga'me qa' jo'ne uetalegue ga'me laqaya, qa'a ja auatetoñiyeguet ga'me laloqo' da'me Dios ami dejapichiyalo.”

Mateo 22:6

nataq'aen jogaa'me laqaya' yecoñe't gaa'me lalemaĝaje'te ñe'me jaliaĝanec qama'le ja no'en da'me qo'yeteque chayovida'a qoyala't.

Mateo 22:3

Yamaĝalo'te jogaa'me lalemaĝaje'te qaedi yiyaĝanalo jogaa'me nepodae's, qalaĝaja jogaa'me ja jetaque yec'adeta.

Apocalipsis 11:8

Chane'eja jogaa'me lapa'che dia'me joote yele'u nelagaĝachichidiñe, ueteda'ña ga'me naq'aeuo joga'me noic let'adaic, di'me jo'ne ua'ña joca'li ñe'me mach'e Qadejaliaĝanec da'me qoyep'enajeguem, di'me noic jo'ne lenaĝat qoyen Sodoma qama'le nach'e ena'am da'me lenaĝat laqaya qoyen Egipto.

Hechos 8:1

Saulo nechatetañe yec'atetac da'me Esteban leleuaĝa. Nach'ejo jojo' nolo', ga'me p'etaqadaiquipi yataqachiñe jalcote da'me necanague'j di'me Jerusalén. Ena'uaque jo'me qamaĝaya't gaa'me namaĝa's, nelagaĝatedelegue di'me aleua Judea nataq'aen Samaria.

Hechos 7:59

Mate mane'e da'me qoyajaĝaque ga'me qadipi, Esteban enaac ca'li netamen: “Jaliaĝanec Jesús, ¡auaconeguet jena'me yepaqal!”

Lucas 15:28

Qalaĝaja yataqachiñe dalemata ñe'me 'yaĝaic qama'le nemanec ta'le yenoĝoneuo'o ga'me 'lachaqa'. Chane'eja ñe'me let'a youen da'me yec'ate'ga qaedi nachoĝodenot da'me yenoĝonaqateuo,