Lucas 13:33 - Nuevo Testamento Toba Sombrero Negro

³³ Qalaĝaja, cha'li jequegue jena'me yadic nayi, nataq'aen qom 'yoĝoñi nataq'aen ga'me nete' laqaya, qa'a mach'e jayem Dios 'laqataĝanaĝanec, qama'le jayet ta'le jouetaue di'me Jerusalén da'me jeleu.

Nuevo Testamento Toba Sur

³³ Qalaxayi no'on da ñaq cada'acolec da ashic na na'a'q qataq'en qome nte' qataq ca lÿa na'a'q, cha'ayi sa ÿaÿamaxañi da saq huaña yi Jerusalén da ileu cam 'oonolec nam l'aqtaxanaxanecpi ñi Dios.

La'aqtaqa Ñim Lo'onatac 'Enauacna 2013

³³ Cha'aye ỹoqta 'eesa da nagui qataq qonte' qataq que'eca lỹa na'a'q, da Aỹem iuen da shecto'ot da ỹecỹaxac, choche sevitta'a ye nỹecpi ye Jerusalén. Cha'aye nache huaña yemaye da qaỹalauat som na'aqtaxanaxanecpi.

Lucas 13:33 Referans Kwoze

Lucas 9:53

Qalaĝaja gaa'me 'lachaqadiaĝa'u ja jetaque yacoteguet ñe'me Jesús, qa'a yayate'n da'me dajo'tague di'me Jerusalén.

Mateo 21:11

Gaa'me jiyaĝadipi laqaya' male 'yategueta, enapega't: —Jenjo' mach'e Jesús, Dios 'laqataĝanaĝanec, chiyaqa'ña di'me Nazaret 'me Galilea.

Hechos 13:27

Qa'a gaa'me jo'ne neda'ña di'me Jerusalén nataq'aen gaa'me lejaliaĝanaqa ja yatetoteguet ñe'me Jesús, uotaĝa ta'le yayate'n gaa'me 'laqataqa dia'me Dios 'laqataĝanaĝanaqa jo'ne qoyec'ate'n nale uedaue gaa'me lemaĝaiqui yemeda gaa'me noloqo'ote 'me niyamaqataqa. Qama'le naq'aeta da'me mach'egaua, ca'li yala't ñe'me Jesús, qama'le yepaquichiguilo gaa'me jo'ne joote qo'yaĝate'tape.

Mateo 20:18

—Joote auayachiñe, nayi jec'otaĝa di'me Jerusalén, ua'a da'me jayem jo'ne yataqachiñe Jiyaĝaua Lec'oĝot jayem qoyanouelo jogaa'me lejaliaĝanaqa ga'me tamenaĝaiqui lo'olpi nataq'aen joga'me judiopi napaĝaguenoqo'tpi jo'ne jayem qoyepoleguelegue da'me qaedi jayem qoyalat.

Juan 11:54

Qo'che' naq'aeta ñe'me Jesús male ja nechoĝotalo joga'me judiopi jo'ne uetauelo. Nach'edata da'me ca'e di'me aleua jo'ne Judea qama'le dajoyi ga'me 'nachaqa' jo'ne yauaqa'a ga'me aleua jo'ne totapega't, di'me noic jo'ne lenaĝat da'me Efraín, qama'le nach'edi ue'ta choqogaa'me lapaĝaguenataqa.

Juan 9:4

da'me yatemaliaĝa cha'li je'etaq jenjo' nolo' ga'me 'lonatac ñe'me jo'ne jayem namaĝaquena. Qa'a nayi yamta'le pi'yaq, qama'le ja yitaĝa 'uo ga'me yaqanatet ta'le t'onataĝan.

Juan 4:34

Qama'le Jesús enaac: —Da'me jo'ne janoq, ja'uo da'me jo'ne lelnataĝac ñe'me jo'ne jayem namaĝaquena, da'me jomat da'me 'lonatac jo'ne jayem yamaĝalegue.

Hechos 10:38

Auayachiñe queda'me Dios en nejaqachigui da'me lañoqotaĝanaĝac nataq'aen ñe'me Lepaqal 'me yanem ñe'me Jesús jo'ne Nazaret le'ec, nataq'aen queda'me Jesús ya'uo da'me 'noota ca'li, nataq'aen en yemedegue ga'me jiyaĝadipi ena'uaque ga'me jo'ne 'uo da'me lachoĝode'j 'me yepataqatedañe da'me lañoqotaĝanaĝac ñe'me payac. Dojo' yaqanatet da'me ya'uo qa'a ue'tajop joñe'me Dios.

Juan 12:35

Jesús 'yategueta jogaa'me: —Maliaĝa cha'li cada'ac ami uetauelo da'me yoqochiñe. Chane'eja 'noota qom aueuoitac yatemaliaĝa ami uetauelo jenjo' yoqochiñe, qaedi ja ami 'te yepelaĝa't ga'me 'lalaĝa, qa'a ga'me yeuotapiye ga'me 'lalaĝa ja yayaten ga'me ta'ya.

Juan 11:9

Qama'le Jesús 'yategueta jogaa'me, enaac: —¿Qo'li ja eja ga'me nolo' da'me yauana doce horas? Qom 'uo ga'me yeuotapiye ga'me nolo', ja chiyaqajeguem, qa'a nelotegue q'aen da'me yoqochiñe jo'ne yecoyadelegue jena'me aleua.