Lucas 13:24 - Nuevo Testamento Toba Sombrero Negro

²⁴ —'Noota qom a'nañaĝachi ta'le ayo'uet ga'me jom jo'ne jaleca'ague; qa'a ami ja'aĝatema queda'me qayoĝode' gaa'me jetaque tado'uet, qalaĝaja ja yaqanate't.

Nuevo Testamento Toba Sur

²⁴ –Qan'añaxachi qome da qaunoxoñiu'a ñim lasom mayi saq 'amaqtaq, cha'ayi aÿim shinapec da ÿataqta qalota qome na nshitaique da inoxoneuo, qalaxayi sa ishit da ÿañoxot.

La'aqtaqa Ñim Lo'onatac 'Enauacna 2013

²⁴ –Qana'añaxache qome da qaunoxoñiiua'a ñim lasom maye saq 'amaqtaq, cha'aye Aỹem shenapec da ỹataqta qalota qome na nshetaique da inoxoneuo, qalaxaye saishet da ỹañoxot.

Lucas 13:24 Referans Kwoze

2 Pedro 1:10

Chane'eja ami yaqaya'olqa, yajouaĝat da'me Dios ami yiyaĝanalo ca'li qama'le nayi male ami liquiyaqa, 'noota qom auepaquitapega da'me dojo' qaedi nach'e eta't nichiquetajeguem da'me adepi'i, qa'a qom naq'aeta da'me auauoyi qama'le ja yitaĝa ta'le auapolegaĝañi.

Hebreos 4:11

Chane'eja da'me qo'mi, 'noota qom 'ñañaĝataq qaedi jañoĝotaq da'me jenoĝonaĝauo'o da'me 'nomataĝaiqui joñe'me Dios, qaedi qaya'te ta'le onolec jo'ne ja yenoĝoneuo'o yajouaĝat da'me que'teguelo jogaa'me jo'ne ja p'iida'a joñe'me Dios.

Lucas 21:36

'Noota qom a'vicheta't nataq'aen anetameñetac yemeda naa'me noloqo'ote, qaedi maqachaĝa ami yaĝa'n ena'uaque naa'me naajo' uo'oe qomle nataq'aen qaedi auaqanachichi ta'le auec'aeche'uo qama'le auajoyiya'aguet ñe'me Jiyaĝaua Lec'oĝot.”

Juan 6:27

Da'me ami, a'uonataĝañi, qalaĝaja ja a'uonataĝañetapiye ga'me nalic jo'ne di'yoq, dite ga'me niqui'yaĝat jo'ne nach'e eta't 'uo, 'me chiyaqayi da'me 'nec'alaĝa jo'ne qaya'te loiquiaqa', da'me jo'ne janegue, da'me jayem jo'ne jayem Jiyaĝaua Lec'oĝot, naqayem jo'ne jayem daloĝonataĝana ñe'me Qadet'a Dios, queda'me naqayem jo'ne jayem 'yamaqaten.

Romanos 10:3

Qa'a ja auatetoñiyeguet da'me nach'eñe naqaeñe ñe'me Dios da'me e'n yataqatelo'te gaa'me jiyaĝa'u, qama'te aueñetapela't mach'e ami yataqatelo'te. Qama'le naq'aeta da'me ja uetedo'ot da'me jo'ne joote Dios 'yaeñi qaedi qo'mi yataqatelo'te q'ae'n.

Colosenses 1:29

Nach'eda chiyaqayi da'me jo'onataĝatac, qama'le 'ñañaĝatec yema da'me mach'e 'yañaĝac choqoda'me lañoqotaĝanaĝac ñe'me Cristo jo'ne jayem netaye.

Juan 7:34

Chane'eja da'me ami jayem aueloyitaque qomle, qalaĝaja ja jayem 'te auañiya, qa'a ja auaqanachichi ta'le auajoyigui di'me jo'ne jec'ata qaedi jona'ña.

Juan 8:21

Jesús yitaĝa yapaĝague'n jogaa'me jiyaĝa'u, qama'le enaac: —Da'me jayem jec qomle, qama'le da'me ami male jayem aueloyitaque, qalaĝaja da'me en adelevi q'ae'n qomle jonaa'me adoecodi'. Qama'le da'me jo'ne jajoyi ja auaqanachichi ta'le auec'achiya.

Mateo 11:12

Chiyoqotelegue ca'li yemta novi' ñe'me Juan 'me chilaĝanataĝanaĝaic chayovida'a nayi da'me qoya'uo lachoĝode'j jogaa'me jo'ne tadoue joda'me lejaliaĝa ñe'me Dios 'me na'ague di'me piyem, nataq'aen jogaa'me jo'ne yeloiquiaĝanaĝateguet da'me mach'e 'lañaĝa'j qama'le 'yaedetedapelegue da'me jetaque yapalaĝa't joda'me.

Juan 13:33

“Ami yaqaya'olqa, cha'li cada'ac da'me maliaĝa ami jouetauelo. Qama'le yataqata jayem aueloyaque qomle, qalaĝaja nach'ena jenjo' 'yaqatac jo'ne janema gaa'me judiopi lajoĝola'te ca'li, nach'e ena'am da'me ami janema nayi: ja auaqanachichi ta'le auec'achiya joga'me jajoyi.

Lucas 13:23

'Uo ñe'me jo'ne ya'uo da'me lenataĝanaĝac: —Jaliaĝanec, ¿qo'li ja lama'y gaa'me jo'ne nec'aledegue? Qama'le joñe'me 'yateguet: