Lucas 12:39 - Nuevo Testamento Toba Sombrero Negro

³⁹ Qama'le anetoviñetac da'me dojo': queda'me qom ñe'me loĝot ga'me emec yayatetelegue ga'me laloqo' da'me yovi' ñe'me cachaĝaic, qama'le ja yajeta ta'le taue ga'me 'lemec qaedi decachi.

Nuevo Testamento Toba Sur

³⁹ Qataq qauaÿajñiita de'eda shinapec da huo'otaq ca lalamaxat ca noÿic da huo'otaq ÿaÿaten ca laloxoqui da nvi' ca cachaxaic, nachi camayi sa ishit da do'ochi, qataq sa ishit da ÿashin da qainoxotau'a da yaqto' qaicachiÿot.

La'aqtaqa Ñim Lo'onatac 'Enauacna 2013

³⁹ Ca lalamaxat ca nỹec da huo'otaq ỹaỹaten ca laloxoqui da nvi' ca cachaxaic, nache camaye iuataique da yaqto' saishet da ỹashenem da taigui ca lma'.

Lucas 12:39 Referans Kwoze

2 Pedro 3:10

Qalaĝaja ga'me nolo' qom 'niyelaĝaquena ñe'me Jaliaĝanec, qama'le nejeteteuo ena'am ga'me cachaĝaic. Ua'a qama'le di'me piyem male 'uo da'me 'loĝoyaĝac let'adaic da'me iyiñe, qama'le 'uo ga'me dole jo'ne yaviyaĝa't yema jogaa'me neteda'ague di'me piyem. Yem qama'le jena'me aleua choqogaa'me jo'ne uetedalegue da'me male tadoue da'me laloqotenaĝanaĝac ñe'me Dios.

Apocalipsis 3:3

Anetoviñetac da'me napaĝaguenataĝanaĝac jo'ne joote auacoñiyeguet ca'li: naqaeda oquitalegue qama'le a'niyelaqaeyot ñe'me Dios. Qalaĝaja qom ja aneloyiye qama'le ami jec'atalo qomle, da'me jadenaĝat ga'me cachaĝaic jo'ne ja qoyayaten ga'me laloqo' da'me novi', qama'le paja'a da'me ami je'uaĝa'n qomle.

Apocalipsis 16:15

Joñe'me Qadejaliaĝanec enaac: “Piiya, jayem auec'achiñe, ñanaequena qomle, qama'le ñejetetauo jena'am ga'me cachaĝaic, qama'le matac ga'me jo'ne nach'e eta't da'me nelotaye, qa'a Dios nelochi'ña joga'me nataq'aen da'me netelalo gaa'me louo qaedi ja jale'tague, qaedi ja qoyauana da'me jo'ne mach'e lepocoĝoc.”

Mateo 6:19

“Ena'te auauoyi adaponequi ga'me adeuoyaĝaqui 'me uetalegue jena'me aleua, qa'a ua'a ga'me potoĝolo da'me yolaĝa't gaa'me uo'oe qama'le ne'uela'ajalo, nataq'aen gaa'me cachaĝayaqa yenoĝodeuo nale qama'le decachita.

Mateo 24:42

“Chane'eja, 'noota qom aneloyitaye, qa'a ja auayachiñe ga'me nolo' qom ñovi', da'me jayem jo'ne jayem Adejaliaĝanequi.