Lucas 12:32 - Nuevo Testamento Toba Sombrero Negro

³² “Ena'te at'oiyi, ami yaqaya'olqa; ja ami 'te lama'ejoda, qalaĝaja ñe'me Adet'ai yepaquetapega ta'le ami yanema da'me lejaliaĝa.

Nuevo Testamento Toba Sur

³² Sa ishit qome da qayi'ii, qami' mayi qoñiita'am acam ÿalamaqte qagueta mayi selotague'. Ÿataqta qami' saq 'amaqtachi, qalaxayi ñi qadta'ai ÿataqta qami' ÿaÿamaxadeete' da qanhuañiÿau'a naq'en da l'onataxanaxac da ilo'ogue 'enauacna.

La'aqtaqa Ñim Lo'onatac 'Enauacna 2013

³² Saishet qome da qayi'i, qami' maye qoñiita'am acam ỹalamaqte qagueta maye selotague'. Ỹataqta qami' saq 'amaqtache, qalaxaye Ñi Qarta'ai ỹataqta maiche lhuennataxac da qanhuañiỹaua'a naqa'en da lo'onataxanaxac da ilo'ogue 'enauacna.

Lucas 12:32 Referans Kwoze

Hebreos 12:28

Joñe'me Dios male qo'mi yanema da'me lejaliaĝa jo'ne ja qoyaqanatet ta'le yitaĝa qonichiyaĝat. Chane'eja 'noota qom janemaĝam da'me qadamaic nataq'aen da'me 'ñonaĝataĝaye joñe'me, nach'e ena'am da'me jauoqo da'me chimaqachiñe jo'ne yataqata yiyamaĝaden.

Apocalipsis 1:6

Nataq'aen da'me nach'eñe jo'ne en qo'mi lec'oqo'tepi, Da'me en qo'mi letaĝayaĝanaĝanaqa ga'me jiyaĝadipi da'me jajoqotalegue ñe'me Qadet'a Dios. ¡'Noota qom nach'e eta't 'uo da'me 'lonaĝac joñe'me Jesucristo nataq'aen da'me lañoqotaĝanaĝac jo'ne qaya'te ena'am! Jaja'a, nach'e naq'aeta da'me dojo'.

Filipenses 2:13

Qa'a nach'eñe joñe'me Dios jo'ne ami yanouelo da'me nelnataĝaco jo'ne onaĝayaqa nataq'aen ami yanema da'me at'añaĝaqui qaedi aueñi di'yoq da'me yepaquetapega joñe'me.

Lucas 10:21

Qanach'ega ua'a ca'li, ñe'me Dios Lepaqal najaqachigui q'aen ñe'me Jesús da'me lamaic, qama'le enaac: “Am 'ñonaĝachigui, Taĝadena', Jaliaĝanec di'me p'ajeguem piyem nataq'aen jena'me aleua, qa'a aualoĝonalo dojo' jogaa'me ja t'añi'y gaa'me uo'oe jo'ne auoĝochi'ñejopa gaa'me yatenaĝanaĝayaqa nataq'aen tadenataĝa'n. Eja, Taĝadena', qa'a naq'aeta da'me jo'ne auepaquetapega.

Mateo 25:34

Yem qama'le jenapegalo gaa'me jo'ne neteda'ague jena'me jayaten: «Auanaeyiquena, ami jo'ne yataqachiñe yichoĝode'n ñe'me Taĝadena'. Auacoñiyeguet ga'me joote ami qoyaditaĝat'ae'ta, joda'me nejaliaĝa jo'ne qoyaqataĝata't qaedi ami qoyanema chiyoqo'teguet ca'li yemta jena'me aleua.

2 Ts 1:11

Nataq'aen yemeda naa'me noloqo'ote da'me ami jajelaĝanaĝalo'te, da'me ñachoĝodenoqot joñe'me Dios qaedi ami e'n adaloyeguet da'me 'noyaĝac jo'ne auacoñiyeguet ca'li ami qoyiyaĝanalo, nataq'aen qaedi ami yanema ena'uaque daa'me 'noote' jo'ne auepaquitapegalo, qaedi yataqata ami onaĝayaqa nataq'aen qaedi auomachi' gaa'me at'onataqadi' 'me chiyoqodayi da'me adepi'i, qa'a nach'eñe jo'ne qaya'te yaqalaatac.

2 Pedro 1:11

Qama'le naq'aeta qomle da'me nalo'ta't da'me ami qo'youategueta jogaa'me najo'mi ga'me nejaliaĝa jo'ne qaya'te loiquiaqa', nach'egaua jo'ne lejaliaĝa ñe'me Qadejaliaĝanec mach'e Qadec'alaĝaiqui Jesucristo.

Mateo 14:27

Qalaĝaja Jesús dojapegue'to, eetojo' ga'me 'laqatac: —¡Naqayem! ¡Male at'emaqayita, ena'te at'oiyi!

Apocalipsis 22:5

Di'me 'nachaqa' jo'ne qaya'te pi'yaq, chane'eja jogaa'me jo'ne neteda'ña ja youetedaque ga'me lauaq jaga'me coyadaĝanaqate, uotaĝa ga'me ajeua lauaq, qa'a joñe'me Dios jo'ne Jaliaĝanec nach'eñe jo'ne yanema da'me yoqochiñe, qama'le nach'e ena'am da'me en uetedaue da'me lejaliaqa' yemeda naa'me 'uoidi.

2 Ts 1:5

Nach'ena yataqata eja da'me male yaloĝon queda'me qaya'te lepatenaĝanaĝac ñe'me Dios, nach'eñe jo'ne yataqachiñe eja da'me lec'atenaĝanaĝac, qama'le ami yela'a da'me yataqata adaloyeguet da'me male ovitaue da'me lejaliaĝa joñe'me Dios: yajouaĝat da'me dojo' cha'li 'uo ga'me qoyen adachoĝodequi.

Romanos 6:23

Joda'me lejetenataĝanaĝac ga'me adoec nach'eda neleuaĝa, qalaĝaja da'me lachetaĝanaĝac ñe'me Dios mach'e 'noyaĝac 'me ja 'naidena'a da'me joqotaqa'taguet ñe'me Cristo Jesús mach'e Qadejaliaĝanec.

Santiago 2:5

Ami yaqaya'olqa jo'ne ñauotaĝa'u, anaquiaĝañiya da'me dojo': Dios en liquiyac ga'me jiyaĝaua jo'ne qaya'te leuoyaĝac, qama'le en neuoyac da'me nepe'e, qama'le nach'e ena'am da'me en yaconeguet da'me jo'ne mach'e en loĝot jo'ne nejaliaĝa, da'me jo'ne joote 'yaĝatema gaa'me jo'ne eja da'me yataqachiñe noqopideta joñe'me.

Juan 18:36

Jesús 'yateguet joñe'me Pilato: —Da'me mach'e yejaliaĝa ja ua'ña jenjo' aleua. Ta'le naq'aeta ua'ña jenjo' aleua da'me yejaliaĝa, qama'le gaa'me yalemaĝajetpi deloiqui'tape qaedi ja jayem 'te yadegue jogaa'me judiopi lajoĝola'te. Qalaĝaja queda'me ja naqaena ta'le ua'ña jenjo'.

Mateo 20:16

“Tade'to', gaa'me jo'ne nayi p'atedegue, nach'egaua 'uaediñe qomle; nataq'aen gaa'me jo'ne nayi 'uaediñe, nach'egaua p'atedegue qomle.”

Mateo 7:15

“Achiya'agueta gaa'me qovinaĝanaĝayaqa jo'ne eetapela'ajalo 'yaĝatetedac ñe'me Dios, jo'ne nojomaĝaquidi'ña da'me 'naĝanaĝate 'loyaĝac da'me ami nec'atalo, qalaĝaja naqaegaua yejidi jo'ne diquiya'ape.

Hechos 20:28

Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.

Hechos 20:29

Jayaten queda'me qom male jec qama'le novi't qomle ga'me jiyaĝa'u laqaya' jo'ne ena'ama gaa'me uaĝayaĝa poliodi' jo'ne chaqayaqa let'al, jetaque yapalaĝa't qomle ga'me Dios c'oqo'tepi.

1 Corintios 1:21

Dios yauanalo ga'me aleua laje'pi queda'me ja yacota da'me mach'e layatenaĝanaĝa'j qaedi yateto'n joñe'me, chane'eja ñe'me jetaque t'onataĝana da'me qat'aqataĝanaĝac jo'ne ena'am ta'le chiyoĝojoĝoc qaedi nec'aledegue gaa'me jo'ne p'iida'a.