Lucas 12:28 - Nuevo Testamento Toba Sombrero Negro

²⁸ Qa'a qom ñe'me Dios naqaeteque gaa'me lolelaĝail, jo'ne uo'oe ga'me 'nonaĝa nayi qama'te yavi'j qom 'yoĝoñi da'me qoyachaĝauelo jaga'me c'atoĝonaĝaqui, qama'le ¡yataqachiñe p'ajaye da'me ami yanema ga'me adeuodi', ami jiyaĝa'u jo'ne qaya'te adepi'i!

Nuevo Testamento Toba Sur

²⁸ Qaq da nachi 'eetec de'eda ñi Dios da n'otaxanaxan ana chochi huoue mayi huetauga nagui na n'onaxa, qaq qome nte' nachi qaÿavigaxat, qaÿasaxaigui aca nqatelaxanaxaqui, qaq ¡huá'aguectoxo' da nachi saq 'eetec da qoñiita mayi saq 'amaqtaq da qadpi'iÿaxaqui!

La'aqtaqa Ñim Lo'onatac 'Enauacna 2013

²⁸ Qaq da nache 'eetec de'era Ñim Lo'onatac 'Enauacna da no'otaxanaxan ana choche huoue maye huetauga nagui na no'onaxa, qaq qonte', nache qaỹavigaxat, qaq ¡hua'aguectoxo' da saq 'eetec da qoñiita maye saq 'amaqtaq da qarpi'iỹaxaqui!

Lucas 12:28 Referans Kwoze

Mateo 14:31

Paja'a Jesús yacona ga'me louaq qama'le enaac: —¡Yataqachiñe jaleca da'me adepe'e! ¿Toqoch'e auoqoleguet?

Mateo 17:20

Jesús enaac: —Qa'a ami yataqachiñe jaleca da'me adepi'i. Ami jayataĝadeneque ta'le eja 'uo da'me adepi'i, mate mane'e ena'am onole peta 'me mostaza jala, qama'le aueñiyapega jenjo' qajoĝonaĝa: «Oca'e jenjo', auec'ata ga'me aleua laqaya», qanach'e nichic ga'me qajoĝonaĝa. Qaya'te auaqalañitac.

Mateo 6:30

Qa'a qom ñe'me Dios naqaeteque gaa'me lolelaĝail, jo'ne uo'oe ga'me 'nonaĝa nayi qama'te yavi'j qom 'yoĝoñi da'me qoyachaĝauelo jaga'me c'atoĝonaĝaqui, qama'le ¡yataqachiñe p'ajaye da'me ami yanema ga'me adeuodi', ami jiyaĝa'u jo'ne qaya'te adepi'i!

1 Pedro 1:24

Qa'a naa'me nedii's jo'ne qoyedidiñe joca'li eet'oi: “Yema ga'me jiyaĝadipi ena'am ga'me auaqapi, Nataq'aen da'me mach'e 'loyaĝac ena'am ga'me la'uo jena'me auaqapi. Ga'me lolelaĝa male daqaqa qomle qama'le ga'me la'uo 'naqañe,

Lucas 8:25

Yoĝo'yi da'me dojo' qama'le enapegalo jogaa'me: —¿Te'ena't da'me adepi'i? Jogaa'me jalcote da'me t'oi'y nataq'aen yoqochetem, qama'le nenatetapega't: —¿Jach'e da'me dojo' jo'ne chayovida'a da'me 'laqatac da'me yicochaĝaguet ga'me layat nataq'aen ga'me noĝop qama'le yoqochideta?

Mateo 17:17

Jesús 'yateguet: —¡Yataqachiñe ami jiyaĝadipi jo'ne qaya'te adepi'i nataq'aen ami chiyoĝo'spi! ¿Jach'e jogamaĝa ua'a da'me cha'li ami jouetauelo da'me ami ñeualaĝae'to? Yaĝa, anedo'quena na'me notolec.

Mateo 16:8

Jesús yetade'n ca'li, qama'le enaac: —¿Toqoch'e aueñetapega qaya'te adi'yaqui ga'me pan? ¡Ami jiyaĝa'u jo'ne yataqachiñe c'atoñoc da'me adepi'i!

Mateo 8:26

Joñe'me 'yategueta jogaa'me: —¿Toqoch'e at'oiyi? ¡Yataqachiñe jaleca da'me adepi'i! Yem da'me nenaĝategue da'me dojo', qama'le ñijeguem, yicochaĝaguet ga'me layat nataq'aen ga'me noĝop t'adaic, qama'le yema nedo'ta't da'me tochiñe.

Hebreos 6:7

Qa'a joga'me jiyaĝadipi ena'am ga'me aleua jo'ne nach'e eta't da'me 'uo da'me uotep talegue, qama'le paja'a da'me queñi jena'me noĝop. Qom paja'a da'me en najeguem ga'me nanec jo'ne 'uo da'me nejalayaĝac, da'me 'uo ga'me laqataĝanaĝa'j jogaa'me jo'ne t'onataĝadelegue, qama'le nach'ega ga'me aleua jo'ne 'uo da'me nichoĝodenataguec 'me chiyoqo'ot joñe'me Dios.