Lucas 12:19 - Nuevo Testamento Toba Sombrero Negro

¹⁹ Yem qama'le mach'e jayem da'me jenapela't: Nayi jalcote ga'me jauana jo'ne jiyamaĝatetac nalo'tagueta qayoĝode' gaa'me 'uoidi; qama'le nayi 'ñomategue, jeque'e, nataq'aen ñiyom, qama'le yataqachiñe jayem matac.»

Nuevo Testamento Toba Sur

¹⁹ Ime, qaq shinapega qome som iqui'i, shiita': 'Am iqui'i, nagui mashi ÿataqta qalota nam 'adalamaxatpi mayi 'auaÿamaxat, namayi nalaiguilo caua saqaÿoqteguelo vi'iyi. Nagui 'anmateec, 'auque'e, 'anÿomtac, qataq 'auamachiguiñi.”

La'aqtaqa Ñim Lo'onatac 'Enauacna 2013

¹⁹ Ime, nache maiche ntaqteguela't, 'eeta': Nagui mashe ỹataqta qalota nam ỹalamaxatpi maye saỹamaxat, namaye nalaiguilo caua saqaỹoqteguelo vi'iye. Nagui ñematec, seque'etac, ñeỹomtac, qataq samachiguiñi.›

Lucas 12:19 Referans Kwoze

1 Corintios 15:32

Uo'oe gaa'me jeloquitapegue'to jo'ne Éfeso laje'pi jo'ne ena'ama gaa'me yejidipi, qalaĝaja ta'le jaldata da'me 'uo da'me dojo' ñejiyaĝauayaĝac nataq'aen ja jayem 'te qo'niyelaĝachijeguem qomle, ¿jach'e ga'me jachiyoĝotayi? Qaya. Ta'le ja eja da'me qo'niyelaĝachidijeguem dia'me jo'ne joote yele'u, qama'le ena'ama ga'me qo'enaac nale: “'Noota qom jiqui'yaqatac nataq'aen ñiyomaqatac nayi, qa'a uotaĝa qom 'yoĝoñi qama'te qadeleu.”

Santiago 5:5

Nayi da'me maliaĝa oviyalegue jena'me aleua qaya'te auoviñetaque, 'uo da'me adec'alaĝaqui jo'ne onaĝaic, qama'le nach'e ena'am da'me adamaiqui choqoda'me adiqui'yaĝaqui. Qalaĝaja male aueñiya'am ga'me nelopi da'me qom male yovita ga'me nolo' jo'ne nalataĝanaĝaiqui.

Filipenses 3:19

Da'me dojo' jiyaĝadipi male ta'teda di'me 'lachaqa' joñe'me payac, nach'edata da'me liqui'yaĝac jo'ne uenateteda'a, qama'le yataqata ni'yoĝodetedapiye da'me ja no'en jo'ne mach'e 'lonataĝanaĝa'j, qa'a yataqata qaya'te lepocoĝo, qama'le yemeda'a da'me ja no'en jo'ne uapi'ña jena'me aleua.

Apocalipsis 18:7

Auañem nayi da'me layaliaĝa nataq'aen da'me lachoĝodec, analoqote'teguet da'me ee'tec ca'li ni'yoĝodela't nataq'aen da'me 'yetetac jo'ne yataqachiñe ja no'en. Qa'a 'uo ca'li da'me lelnataĝac jaga'me jo'ne eetac: «Jenjo' jena'me joue'ta da'me joñichiñe ena'am ta'le jayem nejaliaĝana. Da'me jayem ja jayem 'te p'ai, nataq'aen qaya'te ta'le yachoĝodec qomle.»

1 Pedro 4:3

Qayoĝode' jaa'me noloqo'ote da'me nach'e ena'am a'viche'tape jogaa'me uo'oe jo'ne 'lonataqa joga'me jo'ne ja p'etaqadaiquipi, queda'me ovitauelo daa'me namanaĝanaĝaco choqogaa'me namaico jo'ne ja 'noe'n, nataq'aen da'me neualaĝayaĝac choqoda'me 'notaĝa, qaya'te loiquiaqa' da'me yomaĝac, nataq'aen da'me qonetametapecot gaa'me nequi'il 'me ja qoyaje'n.

2 Timoteo 3:4

Male yeme'n ga'me layi, qa'a qaya'te yetetapega, nataq'aen najaqachiguilo da'me ni'yoĝodenaĝa'j, nataq'aen da'me queteda'ague ga'me ch'e lelnataĝa'j, qama'le ja yelotedac ñe'me Dios.

1 Timoteo 6:17

Qama'le jogaa'me 'uo da'me leuoyaĝa'j jena'me jenjo' aleua, a'uaĝatema qaedi ja 'yoĝodenaĝayaqa nataq'aen ja e'n 'te p'ajodaye ga'me yauata, qa'a da'me neuoyaĝac qaya'te chiyaqayi, mac da'me 'noota ta'le yate'm da'me leuataqataĝanaĝa'j joñe'me Dios jo'ne naqaeñe nale chiyoqo'ot yema joga'me jouenaqatac, qama'le en jalcote nale, qaedi yataqata qo'mi made'tape.

1 Timoteo 5:6

Qalaĝaja jaga'me p'ai jo'ne ja en 'te yataĝalegue da'me nejiyaĝauayaĝac, joote qaya'te nec'alaĝa ta'le ue'tajop.

Lucas 21:34

“Achiya'aguet: ena'te ademiya'alo gaa'me namanaĝanaĝaco uotaĝa ta'le ami taĝayaqa uotaĝa ta'le diyachitapiyelo naa'me adai'lidi' queda'me cha'li 'uo da'me at'oyaĝaqui nayi, qaedi ga'me nolo' qomle ja ami 'te yepelaĝa't da'me ami ualo'te

Lucas 16:19

“'Uo ñe'me jiyaĝaua neuoyaq, jo'ne yaidiñe nale gaa'me leuo 'me onaĝayaqa nataq'aen 'yoĝodache, nataq'aen nalochiguilo naa'me noloqo'ote da'me ya'uo ga'me liqui'yaĝanataĝanaĝac jo'ne 'uo da'me li'yoĝodic.

Lucas 12:18

Qama'le mach'e enaac: «Male jayaten ga'me ja'uo nayi. Ñejoyidiñe gaa'me yiquipi' qama'le 'ñoĝodijeguem laqaya' jo'ne let'adayaqa, qaedi naqaegaua jiyamaĝatouelo yema ga'me yanec jala nataq'aen yema ga'me jo'ne jauana.