Lucas 12:15 - Nuevo Testamento Toba Sombrero Negro

¹⁵ Nataq'aen dojapegue'to ena'uaque ga'me jiyaĝadipi, enaac: —'Noota qom achiya'aguet ta'le auepichiya'alo gaa'me adepitaqataĝanaĝacodi', qa'a da'me at'oyaĝaqui ja chiyaqayi da'me ta'le jalcote ga'me auañiyalo jo'ne uo'oe.

Nuevo Testamento Toba Sur

¹⁵ Nataq'en 'enapeco': –Maxatchaxa, qadvichiÿa'a qome 'enauac na nqopitaxanaqtaiguesat, cha'ayi da nachaalataxac ca shiÿaxaua sa ishit da ÿachigoxotagui nam saqalota lsallaxa mayi hueto'ot.

La'aqtaqa Ñim Lo'onatac 'Enauacna 2013

¹⁵ Ime, nache ỹamataigui som hueta'a yi'iye, nache 'enapeco': «Maxatchaxa, qarvichiỹa'aguet da nqopitaxanaqtaic da nsallaxa, cha'aye da nachaalataxac ca shiỹaxaua saishet da ỹachegoxotaigui nam saqalota lsallaxa maye hueto'ot.»

Lucas 12:15 Referans Kwoze

Hebreos 13:5

Ena'te auepichiya'a jaga'me laicaua, dite da'me anetoñetapec da'me uo'oe jo'ne mach'e adoqochidi', qa'a 'uo da'me 'laqatac ñe'me Dios, eet'oi: “Da'me jayem yataqata ja am 'te jeca'e, uotaĝa ta'le am jeguem.”

2 Timoteo 3:2

qa'a male uo'oe qomle gaa'me jiyaĝa'u jo'ne ch'e noqopitela'ajalo, quetedapegue' loqopich'i jaga'me laicaua, 'yoĝodenaĝayaqa, otanaĝanaĝayaqa, nataq'aen 'uenaĝanaĝayaqa. Male ja naquiaĝanalo jogaa'me let'al, yataqata chiyoĝo's, nataq'aen male jetaque yapalaĝa't da'me qadepe'e.

Lucas 16:14

Jogaa'me fariseopi jo'ne nach'egaua naequetedapegue' jana'me laicaua domachita yema da'me dojo' qama'le ye'uetedac ñe'me Jesús.

Colosenses 3:5

Chane'eja 'noota qom aueñe'tem ta'le yeleu da'me anejiyaĝauayaĝaqui 'me toijec; 'noota qom qaya'te taue da'me lequejeguetaĝa, uotaĝa ta'le ye't ga'me paĝachiguilo, uotaĝa ta'le quetapegue'to gaa'me jo'ne yachoĝode'n nale nataq'aen ga'me ja 'noe'n lamaico, uotaĝa ta'le jetaque yauec da'me lamaic joda'me neuoyaĝac, qa'a dojo' ena'am da'me qonetameno't ga'me nequi'i.

Lucas 8:14

Jaga'me peta jo'ne tachi'ñalo ga'me yaĝat qamqa'me yelo'tegueta gaa'me jo'ne domachita, qalaĝaja queda'me 'uo da'me lepitaqataĝanaĝaco daa'me neuoyaĝaco nataq'aen daa'me mach'e lamaico da'me nejiyaĝauayaĝa'j, qama'le nach'eda eeta da'me qaya'te chiyaqayilo jo'ne dalaĝaic da'me yauote jalayaĝa'j.

2 Pedro 2:3

Yajouaĝat da'me lamai'j jaga'me laicaua, ami yapaĝagueneque da'me jo'ne ja ejoda qaedi yañoĝo't da'me naqa't jana'me anaicauai. Qalaĝaja jogaa'me ja yaĝa'n da'me ne'uaĝanague'j jo'ne male dajo'talo jogaa'me, qa'a jalchi'ena joca'li da'me joote qoyaqataĝañi.

Marcos 7:22

da'me ja yataĝalegue da'me louayaĝac, daa'me lepitaqataĝanaĝaco, daa'me 'lonataqa jo'ne ja 'noe'n, daa'me loqovinaĝanaĝaco, daa'me lamanaĝanaĝaco, daa'me lep'aguenataĝanaĝaco, daa'me lenaĝanataĝanaĝaco, da'me ni'yoĝodenaĝac nataq'aen da'me nechiyoĝojoĝoc.

1 Corintios 6:10

uotaĝa gaa'me dalataĝa'n nale decachi'y, uotaĝa gaa'me pitaĝanaqataqayaqa, uotaĝa gaa'me taĝayaqa nale, uotaĝa gaa'me 'uenaĝanaĝayaqa, uotaĝa gaa'me cachaĝayaqa. Qaya'te onolec naa'me naajo' yaqanate't ta'le taue joda'me lejaliaĝa ñe'me Dios.

Lucas 21:34

“Achiya'aguet: ena'te ademiya'alo gaa'me namanaĝanaĝaco uotaĝa ta'le ami taĝayaqa uotaĝa ta'le diyachitapiyelo naa'me adai'lidi' queda'me cha'li 'uo da'me at'oyaĝaqui nayi, qaedi ga'me nolo' qomle ja ami 'te yepelaĝa't da'me ami ualo'te

2 Pedro 2:14

Qaga'te yauo ta'le ja yepiteda'a; ja noua'l da'me yauote da'me loe'j. Gamachaqaega nenaĝatedegue qaedi gaa'me jo'ne choĝolaĝaic da'me lepe'e' male e'n made'tape q'ae'n; qa'a yayate'n da'me mach'e latenataĝanaĝa'j; nach'egaua jiyaĝadipi jo'ne uetedalegue da'me let'adaic ne'uaĝanague'j.

Lucas 12:16

Chane'eja 'yaĝatema jenjo' laloqotenaĝanaĝaiqui: “'Uo ca'li ñe'me jiyaĝaua jo'ne neuoyaq, gaa'me lanaĝanaqa'te jalcote da'me jalayaĝac jo'ne chiyaqayi.