Lucas 11:41 - Nuevo Testamento Toba Sombrero Negro

⁴¹ 'Noota qom auañiyegue ga'me p'auo jo'ne chiyaqayi da'me adecachaĝaqui, qama'le naq'aeta da'me male yoqovichiguilo naa'me adai'lidi'.

Nuevo Testamento Toba Sur

⁴¹ Qaq ÿoqo'oyi qami' da qauachitaqtaxañi, qalaq qai'añi cam huetangui ca qadqui'axaquii, qaq yaqto' 'enauac da qui'itta camayi.

La'aqtaqa Ñim Lo'onatac 'Enauacna 2013

⁴¹ Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

Lucas 11:41 Referans Kwoze

Lucas 12:33

Auemeñi ga'me jo'ne auañiya, nataq'aen auañema gaa'me 'uo da'me louenaĝanaĝa'j; 'noota qom auauoyi da'me dojo' qa'a ena'am ta'le a'vichiyeque gaa'me adoĝoiqui'idi' ta'le ja yedalo'te da'me toye's, qama'le naq'aeta da'me 'uo da'me adeuoyaĝaqui 'me ua'ague di'me piyem, 'me qaya'te loiquiaqa'. Nach'edi di'me qaya'te yaqanatet ta'le decachi, nataq'aen qaya'te 'uo ga'me potoĝolo ta'le 'naĝat da'me en dec'oyi.

Santiago 1:27

Da'me nepe'e jo'ne qaya'te lale'gue nataq'aen da'me ja paĝachigui jo'ne yec'atetac joñe'me Dios mach'e Qadet'a, nach'eda jo'ne chiyaqayi da'me lecochaĝac, lecochiyalo jogaa'me japelqo't choqogaa'me p'ail jo'ne uetedaue da'me lachoĝode'j, nataq'aen da'me ja yaje'tema ta'le en paĝachiguilo da'me ja no'en jo'ne ueta'ña jenjo' aleua.

Tito 1:15

Qom yataqachiñe qanedo'ta't naa'me qadai'li, qama'le yema nedo'ta't ga'me jo'ne jauanaĝa; qalaĝaja gaa'me jo'ne ja yataqachiñe nedo'ta'ajalo nataq'aen ja yacoteguet da'me lepe'e' qamqa'me qaya'te uetauelo jo'ne nedo'ta'ajalo, qa'a paĝachiguilo naa'me lai'li choqodaa'me lelnataĝaco nataq'aen ja nometeguet ta'le 'uo da'me lepocoĝo'j.

Hebreos 13:16

Nach'e ena'am ena'te aĝañiñi da'me auauoyi da'me 'noota, nataq'aen da'me anecolaĝachiyalo gaa'me adaqayadi' ga'me youetedaque, qa'a nach'eda da'me qadajaqajec jo'ne 'yamaqaten joñe'me Dios.

Hechos 10:15

Ga'me nejamaĝa yitaĝa dojapegue', qama'le enaac: —Ga'me jo'ne Dios joote yiyamaĝatetac, ena'te aueetapega paĝachigui.

Lucas 16:9

“Chane'eja nayi ami ja'aĝatema queda'me 'noota ta'le a'uonataĝañiya ga'me neuoyaĝaco jo'ne ja chimadichiñe jena'me aleua da'me anaviquila'ajalo gaa'me anaigaĝa'udi', qaedi qom loiquiaqa' da'me neuoyaĝaco qama'le ñe'me jo'ne ladipa gaa'me 'nachaqa'te jo'ne ja 'naidena'alo nach'e ena'am ami yaconegueta.

Hebreos 6:10

Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

2 Corintios 8:12

Qa'a qom 'uo ga'me ami yataqachiñe eja 'uo ga'me yanegue, Dios matac q'aen qom auauoyi jaga'me adajaqajai, qa'a ñe'me ja yeuate'ta ta'le janaĝaye ga'me ja jauanaĝa.

Lucas 19:8

Chane'eja Zaqueo ñijeguem qama'le t'aqataĝanem ñe'me Jaliaĝanec: —Jaliaĝanec, nayi janema gaa'me choĝodayaqolqa ga'me laeñi yema ga'me jo'ne jauana; nataq'aen qom 'uo gamachaqaega jecachiyot qama'le cuatro ji'iyelaĝateguet da'me yitaĝa janem.

Lucas 18:22

Ca'li domachiya dojo', Jesús 'yateguet: —Maliaĝa 'uo da'me ja aua'uo: auemen yema ga'me jo'ne adeuoyaĝac qama'le auanouelo jogaa'me choĝodayaqolqa. Nach'eda naq'aeta da'me male 'uo da'me adeuoyaĝac di'me piyem. Yem qama'le auanaequena, nataq'aen jayem oquegue.

Mateo 5:42

Gamachaqaega ga'me am yajela, 'noota qom auanem; nataq'aen ena'te anetauoĝolegue ga'me jo'ne jetaque am t'alaĝanot.

Efesios 4:28

Joga'me jo'ne cachaĝaic ca'li, 'noota qom yaĝañi da'me lecachaĝac. Nach'edata da'me t'onataĝan nayi qaedi 'uo ga'me chiyaqayi, qama'le yaqanatet da'me lecochiyalo gaa'me louenaĝanaĝaco.

Hechos 11:29

Chane'eja joga'me p'etaqadaiquipi 'me neteda'ña di'me Antioquía 'uo da'me lelnataĝa'j da'me yamaĝalo da'me lecochaĝa'j jogaa'me laqaya'olqa 'me neda'ña di'me Judea, jogaa'me mach'e yayate'n ga'me yaqanate't ta'le yadegue.

Mateo 26:11

Qa'a jogaa'me choĝodache nach'e eta't ami uetauelo, qalaĝaja jayem ja nale'en ami jouetauelo.

Hechos 24:17

“Uo'oe gaa'me 'uoidi yenoĝodegue, da'me jec'atapegalo qayoĝode' 'nachaqa'te, qama'le 'ñiyelaĝa jena'me 'ñaleua qaedi janeuo jaga'me yachetaĝanaqate nataq'aen janeuo jaga'me yajaqaje.

Marcos 7:19

Qa'a ja ch'e taue na'me lauel ga'me yalic, dite da'me taue na'me leta'am, qaedi ua'edi yitaĝa yeguem. Dojo' nenaĝategue da'me 'yaĝatetelegue da'me ena'uaque yoqovite' gaa'me niqui'yaqa'te.