Lucas 11:36 - Nuevo Testamento Toba Sombrero Negro

³⁶ Qa'a qom yema da'me qat'oyaĝac netaye da'me yoqochiñe, qama'le qaya'te netaye jo'ne 'lalaĝa, yataqachiñe yema auauatalegue, ena'am jaga'me coyadaĝanaqate nale am yecoyadelegue ga'me lauaq.”

Nuevo Testamento Toba Sur

³⁶ Cha'ayi da 'enauac da 'ad'oquiaxac yi'oqtelec, nachi sa ishit da huo'o ca napaltalec, nda'a't da 'enauac yi'oqojlec, 'eeta'am da huo'otaq icoÿattalec aca ncoÿadaxanaxaqui.

La'aqtaqa Ñim Lo'onatac 'Enauacna 2013

³⁶ Cha'aye da 'enauac da qaro'ocỹaxaqui da yo'oqtelec, qataq qaica ca huaña da napaltalec, nache da qanachaalataxaqui qaỹoqtegue na le'eraxa, 'eeta'am aca ncoỹaraxanaxaqui da 'eroigui.

Lucas 11:36 Referans Kwoze

2 Corintios 4:6

Ca'li Dios ye'et jena'me aleua, enaac: “'Noota qom 'uo da'me laqaselegaĝac ga'me yoqochiñe jo'ne nayi 'uo ga'me 'lalaĝa.” Qama'le ca'li qo'mi yaje'tema da'me jayatenaq da'me onaĝaic 'naqataĝanaĝac, nach'e ena'am yecoyadelegue da'me qadetadenataĝanaĝac, qaedi male jatetonaq da'me 'lonaĝac ñe'me Dios 'me chiyoqotelegue na'me latajoĝoc ñe'me Cristo.

2 Pedro 3:18

Qalaĝaja 'noota da'me yataqachiñe auatetoñi ñe'me Qadejaliaĝanec mach'e Qadec'alaĝaiqui Jesucristo, qama'le da'me ami nichiguegue da'me adoqopich'i. ¡'Noota qom qoyauana da'me 'lonaĝa joñe'me, nayi jenjo' nolo' nataq'aen yemeda naa'me noloqo'ote, nach'e eta't ja pal! Jaja'a, nach'e naq'aeta da'me dojo'.

Colosenses 3:16

'Noota qom Cristo 'laqataĝanaĝac nach'e eta't jaqachiguilo q'ae'n naa'me adai'lidi'. Nataq'aen ami yatenaĝanaĝayaqa da'me anapaĝagueñiya't nataq'aen anequeuoquitalo nale gaa'me adaqayadi'. Nataq'aen da'me 'uo da'me lamai'j naa'me adai'lidi' qama'le a'nonaĝachigui joñe'me Dios, a'uoñe'tape joga'me nalaco jo'ne Dios Lepaqal ami yanema.

Santiago 1:25

Qalaĝaja ga'me jo'ne ja yapalaĝate'ta da'me jo'ne domachiya, nach'ega jo'ne yec'aten nataq'aen da'me yelo'tegue da'me namaĝajoĝonaĝac jo'ne yataqatelegue eja, 'uo da'me 'nemaĝac nataq'aen da'me nach'e eta't da'me chimaqategue, nataq'aen da'me yoqo'cha da'me en yepaquichigui da'me jo'ne mach'e eeta da'me dojo' namaĝajoĝonaĝac, qama'le nach'eda jo'ne nach'e eta't en matac ga'me jo'ne 'yetetac.

Hebreos 5:14

Qalaĝaja joga'me niqui'yaĝat jo'ne 'uo da'me 'lañaĝac nach'ega jo'ne tayet da'me qoyanema gaa'me 'yaĝayaqa jo'ne joote yayate'n da'me naloqotenaĝanaĝac qa'a joote naeda'ac da'me yateto'n da'me 'loyaĝa'j gaa'me 'noote' choqogaa'me ja 'noe'n.

Efesios 4:14

Male ja jenaqa'ama gaa'me ñoqolqa jo'ne nejouoĝodiñe nale daa'me lelnataĝaco qama'le ena'am ta'le ga'me layat yayoĝo'n. Da'me qo'mi qamqa'me male ja jaconaĝagueta gaa'me lapaĝaguenataĝanaĝaco gaa'me qovinaĝanaĝayaqa jo'ne ch'e yoqovi'n jena'me layi qaedi yejomaĝana'ape.

Mateo 13:52

Chane'eja Jesús 'yaĝatema jogaa'me, enaac: —Qom 'uo ga'me judiopi napaĝaguenoqo't male yaconeguet da'me lejaliaĝa jodi'me piyem, ena'am da'me ladipa ga'me emec jo'ne yayaten da'me yachiyoĝotedaue jaga'me neuoyaĝac lae't gaa'me dalaĝayaqa choqogaa'me toye's.

Mateo 5:15

Nale qoyetetoue jaga'me coyadaĝanaqate, ja 'noota ta'le qoyanaue ga'me yedapega't; dite da'me qoyanalegue ga'me qayaje'mec qaedi yecoyadelo'te ena'uaque gaa'me netedaue ga'me emec.

Lucas 11:35

Chane'eja, ¡ta'aguet: 'noota ta'le ja 'lalaĝa ga'me yoqochiñe jo'ne am ue'tajop!

Lucas 11:37

Ca'li Jesús yomat da'me lojaĝac, 'uo ñe'me fariseo jo'ne nepoda yauega ga'me 'lachaqa' qaedi deque'e; Jesús yenoĝoneuo qama'le ñiyiñe.