Lucas 11:34 - Nuevo Testamento Toba Sombrero Negro

³⁴ Naa'me qat'ae'te nach'enaua lecoyadaĝanaqate da'me qat'oyaĝac; chane'eja qom 'noote' naa'me at'ae'te, qama'le yema da'me at'oyaĝac netaye ga'me yoqochiñe; qalaĝaja qom ja 'noote', qama'le yema da'me at'oyaĝac netaye da'me 'lalaĝa.

Nuevo Testamento Toba Sur

³⁴ Naua qad'ai'te nachinaua na 'eeta'ama aca ncoÿadaxanaxaqui mayi icoÿadelec ca shiÿaxaua. Qaq naua 'ad'ai'te da huo'otaq sa ÿaÿama'q, nachi 'enauac da 'ad'oquiaxac huetaigui na napalaxa.

La'aqtaqa Ñim Lo'onatac 'Enauacna 2013

³⁴ Naua la'ai'te ca shiỹaxaua, 'eeta'ama aca ncoỹaraxanaxaqui da icoỹarelec da lo'ocỹaxac. Qaq ỹoqo'oye, da lmeenaxanaxac da huesota qataq nvirauec da lauotaxanaqtaic, nache da yo'oqchiguiñi taigui da nachaalataxac. Qalaxaye da naua la'ai'te da quiỹaxanaqtaqaiqa qataq nvirauec da ño'oxonnaxac, nache da nachaalataxac ỹataqta imauec da napalñi.

Lucas 11:34 Referans Kwoze

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

Colosenses 3:22

Ami nelataqa, auoqochiyalo jogaa'me adadipaidi' jena'me jenjo' aleua, ja nach'edata da'me qom ami yec'ate'tape, qaedi ami yiyamaĝade'n jogaa'me, dite da'me yataqachiñe yataqatelo'te naa'me adai'lidi', yajouaĝat da'me at'oiyapega joñe'me Jaliaĝanec.

2 Corintios 11:3

Qalaĝaja jo'oyapega ta'le aueñiya'am jadi'me Eva ca'li ñe'me nanaic yoqovin, 'me ja naqala'te' da'me loqovinaĝanaĝac. Nach'e ena'am da'me ami qom yovida'a da'me ami qoyoqovi'n, qama'le uotaĝa aĝañiñi da'me ami nedo'ta't nataq'aen yataqatelo'te da'me oquiyegue ñe'me Cristo.

2 Corintios 4:4

Da'me onaĝaic 'naqataĝanaĝac qo'mi 'yaĝatema da'me 'lonaĝac ñe'me Cristo, nataq'aen Cristo p'ayet da'me qo'mi yaloĝonalo da'me 'lonaĝac joñe'me Dios. Dojo' 'naqataĝanaĝac ena'am jaga'me coyadaĝanaqate da'me laqaselegaĝac; qalaĝaja gaa'me jo'ne ja p'iida'a ja yaqanate't da'me yec'ate'n, qa'a ñe'me Satanás ja yaje'tema.

Efesios 1:17

Nataq'aen ñachoĝodenot joñe'me Nedios ñe'me Qadejaliaĝanec Jesucristo, ñe'me mach'e Qadet'a jo'ne onaĝaicaloec, qaedi ami yanema joñe'me Lepaqal jo'ne ja 'nalegue, qaedi ami yatenaĝanaĝayaqa nataq'aen male yataqata at'amaqayec joñe'me Dios.

Marcos 4:12

qaedi: «Mate mane'e yec'ate'n qalaĝaja ja yauata, nataq'aen mate mane'e domachita qalaĝaja ja yayate'n, qaedi ja 'niyelaĝadetot joñe'me Dios nataq'aen qaedi ja yapalaĝa't jodaa'me loeco.»”

2 Corintios 1:12

'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac.

Marcos 8:18

¡Uo'oe naa'me at'aechidi' qalaĝaja ja auañiyac jo', nataq'aen uo'oe naa'me adequetela lacodi' qalaĝaja ja auomachiyac! Anetoviñeyec

Hechos 13:11

Nayi ñe'me Jaliaĝanec 'uo ga'me am 'yetec: nataq'aen am qanam nayi, nataq'aen uo'oe gaa'me noloqo'ote da'me cha'li ja auana ga'me ajeua lauaq. Qampaja'a qaale Elimas 'uo da'me laqamaĝac, qama'le yepotetaque ga'me jo'ne yacona ga'me louaq qaedi yauec qa'a yataqachiñe qanam.

Efesios 6:5

Ami nalemaĝaje'te, 'noota qom yataqata auoqochiyalo nale gaa'me jo'ne ami nejaliaĝatelo'te; 'noota qom jalcote da'me a'nonaĝachiyeguilo gaa'me nataq'aen alecochiiyalo, ena'am ta'le a'uonataĝañiuo'o joñe'me Cristo.

Hechos 2:46

Yemeda gaa'me noloqo'ote yec'adeta ga'me tamenaĝaiqui let'adaic qaedi yema'a't, nataq'aen onolec ga'me 'nachaqa' ueda'a nale neuachidigui ga'me pan, 'uo da'me lamai'j nale dajotedaye ga'me yali'j nataq'aen ja diyachiyaqayaqa naa'me lai'li.

Marcos 7:22

da'me ja yataĝalegue da'me louayaĝac, daa'me lepitaqataĝanaĝaco, daa'me 'lonataqa jo'ne ja 'noe'n, daa'me loqovinaĝanaĝaco, daa'me lamanaĝanaĝaco, daa'me lep'aguenataĝanaĝaco, daa'me lenaĝanataĝanaĝaco, da'me ni'yoĝodenaĝac nataq'aen da'me nechiyoĝojoĝoc.

Lucas 11:35

Chane'eja, ¡ta'aguet: 'noota ta'le ja 'lalaĝa ga'me yoqochiñe jo'ne am ue'tajop!