Lucas 11:31 - Nuevo Testamento Toba Sombrero Negro

³¹ Jañe'me jaliaĝana jo'ne chiyoĝogue ga'me nayapegue'ga jena'me qolauaic joca'li, ga'me 'naleua jo'ne ja jote'tegue, naequena qaedi domachiya da'me layatenaĝanaĝac ñe'me Salomón. Qalaĝaja, ga'me jo'ne 'uo nayi eja napacalegue ñe'me Salomón, qama'te naa'me naajo' jiyaĝadipi ja jetaque domachiya. Chane'eja, qom yovita jo' qom'te ga'me nolo' jo'ne laloqo' qoyen da'me Dios lec'atenaĝanaĝac, qama'le ñijeguem jañe'me qaedi yepoleguelo'te jena'me jenjo' jiyaĝadipi da'me qoyamaĝauelo da'me ne'uaĝanague'j.

Nuevo Testamento Toba Sur

³¹ Qaq que'eca pa'ateec na'a'q qom qanmit na shiÿaxauapi mayi huetaigui nagui, nachi añi nate'e mayi na'ague da taguiñi, añimayi nachajñi da ichoxot da huo'o da lasouaxashit namayipi. Cha'ayi añimayi chigaqa'a yim ÿataqta qaÿoqta 'alhua da n'axaÿaxana da laÿajnec so Salomón, qaq nagui huo'o nam shiÿaxaua mayi napactelec da l'añaxac so Salomón.

La'aqtaqa Ñim Lo'onatac 'Enauacna 2013

³¹ Aso nate'e maye netaña ye 'alhua na'ague da taguiñi, asomaye nachaañi qom ivita da qanmit 'enauacna, nache detaqa da qami' dataỹa'agueta da yaqto' Ñim Lo'onatac 'Enauacna ỹauo'o ca qanhuaxanaguiiqui. Cha'aye asomaye ỹataqta qaỹoqtegue co'ollaxa da chegaqa'ague da naỹa, da na'axaỹaxanalo naua ỹaanaxanaxaiqa lapaxaguenataxanaxaco so nta'a Salomón. Qalaxaye qami' saishet da qauaỹamaxayiñi da qana'axaỹaxañiỹalo naua ỹapaxaguenataxanaxaco, na'aictaxa da Aỹem ñapacalec so Salomón.

Lucas 11:31 Referans Kwoze

Romanos 2:27

Ñe'me jo'ne yoqocha'alo daa'me naqataĝaco, mate mane'e ja netaye da'me nichaĝajoĝonaĝac ga'me lo'oc, nach'ega ami yepoleguelo'te, yajouaĝat da'me temaqaedi da'me ovitaue da'me namaĝajoĝonaĝac nataq'aen ami netayelo ga'me nichaĝajoĝonaĝac, qalaĝaja ja auoqochiiya.

Lucas 3:22

qama'le ñe'me Dios Lepaqal di'yoĝoja da'me nenochi'ña joñe'me, ena'am ga'me doqoto'. Nataq'aen queda'me qodomachiya ga'me najamaĝa 'me chimaqapije'ma di'me piyem, jo'ne enaac: —Am yalec jo'ne jauotec, mach'e am jo'ne yataqata Yiquiyac.

Mateo 12:42

Jañe'me jaliaĝana jo'ne chiyoĝogue ga'me ñijeguem qomle 'uo da'me nec'atenaĝanaĝac jena'me jenjo' jiyaĝadipi qama'le qoyamaĝaue da'me ne'uaĝanague'j; qa'a jalqueje'egue ga'me chiyoqo'tegue jaga'me qaedi domachiya da'me Salomón layatenaĝanaĝac, qama'le da'me joue'ta jenjo' ñapacalegue ga'me di'yoĝom ca'li di'me Salomón.

Hebreos 11:7

Ñe'me Noé yataqata p'iya'a ñe'me Dios joca'li 'uo da'me 'yaĝatem, queda'me uo'oe qomle jogaa'me jo'ne maliaĝa ja qoyauanalo. Qama'le Noé paja'a da'me yoqo'cha joca'li, ye'et jaga'me nelicota lat'edai, qaedi nec'alaĝatedegue gaa'me 'lachaqadiaĝa'u. Chane'eja da'me lepe'e ñe'me Noé, nach'eda jo'ne yaloĝon da'me qoya'uo ga'me ne'uaĝanague'j jogaa'me jiyaĝa'u jo'ne neteda'ña jena'me aleua. Qama'le chiyaqayi da'me lepe'e ñe'me Noé, nach'eñe yataqata qoyiyamaĝaden.

Lucas 9:35

Qama'le ga'me piyem lo'oc chimaqapegoue ga'me nejamaĝa jo'ne enaac: “Jenjo' mach'e yalec jo'ne yiquiyac: ¡'noota qom anaquiaĝañiya!”