Lucas 11:29 - Nuevo Testamento Toba Sombrero Negro

²⁹ Ca'li yauana ñe'me Jesús ga'me jiyaĝadipi da'me nepataqata't, qama'le enaac: “Jena'me jenjo' jiyaĝadipi nayi yataqachiñe qaleuaĝaiquipi. Yiyaĝataque da'me qaedi jaloĝon da'me yañoqotaĝanaĝac, qalaĝaja ja yitaĝa qoyaloĝonalo da'me nañoqotaĝanaĝac jo'ne p'ajaye; jalgata ca'li qoyen 'nanec di'me Jonás.

Nuevo Testamento Toba Sur

²⁹ Qaq ÿataqta nquictauec na shiÿaxauapi mayi laponeu'a so Jesús. Nachi somayi detaqa, 'eeta': –Ne'ena shiÿaxauapi nagui ÿataqta qauemaicpi, qataq iÿaxaataique da qai'ot cam n'anec mayi sa qaÿauanapega. Qalaxayi sa ishit da qaltaq qoÿan camayi, chaqsota som n'anec mayi qai'otec co'ollaxa so l'aqtaxanaxanec ñi Dios, l'enaxat Jonás.

La'aqtaqa Ñim Lo'onatac 'Enauacna 2013

²⁹ Qalota so shiỹaxauapi nquigueuo da na'axaỹaxana So Jesús, nache Somaye 'enapeco': –«Qami' Aỹem qavi'iguiñiitac da Aỹem qauỹaxañiitacot da so'ot ca na'anec, qalaxaye qami' qauemaiqa qataq saishet da huo'o ca qarpi'iỹaxaqui Ñim Lo'onatac 'Enauacna. Qaq 'oonolec da na'anec maye qami' sanema, damaye nachera dam huaigui co'ollaxa so Jonás.

Lucas 11:29 Referans Kwoze

Lucas 11:16

Nataq'aen uo'oe gaa'me laqaya' jo'ne jetaque yapiye'n joñe'me, qama'le yiyaĝadaque da'me qaedi yaloĝon da'me lañoqotaĝanaĝac jo'ne chiyoĝogue di'me piyem.

1 Corintios 1:22

Joga'me judiopi jetaque yauata 'nanec 'me yaloĝon ñe'me Dios, nataq'aen joga'me griegopi yelotedaque da'me nayatenaĝanaĝac,

Lucas 12:1

Qamaliaĝa ue'tedi, qama'le yema'a't ga'me jiyaĝadipi yataqachiñe jalcote ga'me, qama'le 'uo ga'me pelo'te gaa'me laqaya'. Jesús male dojapegue'to gaa'me lapaĝaguenataqa: “Achiya'aguet ga'me lalequetenaĝanaĝat gaa'me fariseopi, jo'ne nach'eda ch'e nenaĝatedegue da'me yataqatelo'te.

Juan 8:44

Ñe'me adet'ai nach'eñe ñe'me payac, chane'eja da'me mach'e lelnataĝac a'vichetac, ga'me jo'ne mach'e 'yamaqaten. Da'me jo'ne 'uaechiñe joca'li nach'eñe ñe'me payac jo'ne dalataĝanac; Ñe'me nach'e eta't da'me ja ue'tajop ga'me eja, nataq'aen da'me ja yaqanatet ta'le 'yaĝatetac da'me eja. Mane'e qom nenaĝategue ga'me loqovinaĝanaĝac qama'le 'yaĝatetac ga'me mach'e loĝot, qa'a nach'eñe jo'ne qovinaĝanaĝaic, nataq'aen e'n qovinaĝanaĝayaqa gaa'me jiyaĝa'u jo'ne mach'e lec'oqo'te.

Juan 6:30

Qama'le nach'e ena'am yenadetec: —¿Jach'e jogamaĝa 'nanec 'me auaqanatet qo'mi aualoĝonalo, qaedi da'me jauanaĝa qama'le am jep'iyaqa? ¿Jach'e jogamaĝa yataqachiñe eeta da'me dojo' at'onatac?

Juan 2:18

Jogaa'me judiopi lajoĝola'te male yena't: —¿Jach'e ga'me 'nanec jo'ne qo'mi aualoĝonalo qaedi jayatenaq queda'me 'uo da'me adejaliaĝa jo'ne en auaqanatet ta'le aua'uo da'me dojo'?

Lucas 11:50

Chane'eja jena'me jenjo' jiyaĝadipi nayi Dios yepoleguelo'te jaga'me letauo' jo'ne qoyen naliñi dia'me 'uaediñe aqataĝanaĝayaqa chiyoqo'teguet joca'li yemta qoye'et jena'me aleua,

Lucas 9:41

Jesús 'yategueta ga'me jiyaĝadipi: —¡Yataqachiñe ami jiyaĝadipi jo'ne qoleguetaĝanaĝaiquipi nataq'aen chiyoĝo'spi! ¿Jach'e jogamaĝa ua'a da'me cha'li ami jouetauelo nataq'aen cha'li ami ñeualaĝae'to? ¡Anedo'quena na'me ac'oĝot!

Marcos 8:38

Qa'a qom 'uo ga'me jayem nepocoĝolegue nataq'aen daa'me 'yaqataqa qom dajoya'agueta jena'me jenjo' jiyaĝadipi jo'ne ja jayem 'te p'iida'a, jo'ne loeco lo'olpi, qama'le nach'e ena'am da'me jayem jo'ne yataqachiñe Jiyaĝaua Lec'oĝot ñepocoĝolegue joga'me qom yitaĝa 'ñiyelaq nataq'aen da'me jayem uetaue da'me 'lonaĝac ñe'me Yet'a nataq'aen jogaa'me piyem laje' jo'ne ja 'nalo'te.

Mateo 3:7

Qalaĝaja ca'li Juan yauana queda'me qayoĝode' gaa'me fariseopi nataq'aen saduceopi yec'adeta qaedi nachilaĝa'n, qama'le enapegalo: “¡Aueñiya'ama gaa'me nanayaqa c'oqo'tepi jo'ne dajodegue nale novi' ga'me dole'! ¿Toqoch'e aueñetapega ja ami 'te yedalo'te ga'me ane'uaĝanaguequi jo'ne ami na'talo?