Lucas 10:21 - Nuevo Testamento Toba Sombrero Negro

²¹ Qanach'ega ua'a ca'li, ñe'me Dios Lepaqal najaqachigui q'aen ñe'me Jesús da'me lamaic, qama'le enaac: “Am 'ñonaĝachigui, Taĝadena', Jaliaĝanec di'me p'ajeguem piyem nataq'aen jena'me aleua, qa'a aualoĝonalo dojo' jogaa'me ja t'añi'y gaa'me uo'oe jo'ne auoĝochi'ñejopa gaa'me yatenaĝanaĝayaqa nataq'aen tadenataĝa'n. Eja, Taĝadena', qa'a naq'aeta da'me jo'ne auepaquetapega.

Nuevo Testamento Toba Sur

²¹ Huaña, nachi so Espíritu Santo i'ot da ntonapigui' naq'en so Jesús, nachi 'enapeco': –'Am ita'a, 'am sanot da ñi'oxonnataxanaxac, mayi nachi'am lataxala' na neto'ot na piguem qataq na huetalec ana 'alhua, cha'ayi 'am 'auachaxana nam qaica ca ÿaÿajnapec dam 'oxochiisop co'olloxochiyi nam ÿajnaxanaxaicpi qataq nam huattonaxanaxaicpi. Aja', 'am ita'a, cha'ayi nachida da maichi 'adhuennataxac.

La'aqtaqa Ñim Lo'onatac 'Enauacna 2013

²¹ Huaña, nache So Saqcha'a Na'añaxac Qui'itta ỹo'ot da ntonapigui' So Jesús, nache Somaye 'enapeco': «'Am Ita'a maye 'aulotague' na piguem qataq ana 'alhua 'am sanot da ỹo'oxonnataxanaxac, cha'aye 'auachaxana de'era na ñaqpiolec qaltaq nam 'ena'am namayepi. Qalaxaye saishet da 'auachaxana na lta'araic da lauattonaxanaxac, qataq ỹaanaxanaxaicpi, cha'aye nachera dam maiche 'arhuennataxac 'am Ito'olec.»

Lucas 10:21 Referans Kwoze

2 Corintios 4:3

Gaa'me jo'ne ja yaqanate't ta'le yayate'n da'me onaĝaic 'naqataĝanaĝac jo'ne ja'aĝataqatac, nach'egaua jo'ne ja nec'aledegue.

Efesios 1:11

Da'me 'uo ñe'me Cristo, Dios male en qo'mi liquiyaqa ca'li yemta da'me 'lonataĝanaĝac, qaedi yataqata en qo'mi lec'oqo'te, qaedi male jaconaĝaguet yema joga'me 'yaĝatetac ca'li. Nach'ena jena'me jenjo' Dios lelnataĝac jo'ne qo'mi yanema, nach'eñe jo'ne ja yoqovin joga'me 'laqatac uotaĝa 'lonataĝanaĝac.

Efesios 1:5

qama'le 'uo da'me lamaic da'me namaĝaquena joñe'me c'oĝot Jesucristo qaedi qo'mi ee'teque qo'mi liaqataqa, nach'ena jena'me jenjo' joote en lelnataĝac ca'li yemta.

Marcos 10:15

Eja da'me ami ja'aĝatema, queda'me ga'me jo'ne ja yaconeguet da'me Dios lejaliaĝa ena'am da'me yacoteguet nat'olqa ñoqolqa, qama'le ja yaqanatet ta'le taue joda'me.

Mateo 21:16

Chane'eja eedapega ñe'me Jesús, enapega't: —¿Qo'li auomachiyalo naa'me 'laqataqa naa'me naajo'? Jesús 'yategueta: —Jaja'a, jomachiyalo. Qalaĝaja, ¿qo'li ja auec'achiñe daa'me nedii's jo'ne 'yaĝatetedac da'me dojo'? Eet'oi: «Joote jiyamaĝateta'ajalo gaa'me nalaco qaedi am 'nonaĝachidegue ga'tae'me ñoqolqapi nataq'aen ga'tae'me maliaĝa uanoque'tape.»

Mateo 16:17

Chane'eja Jesús enaac: —Am matacolec Simón, Jonás lec'oĝot, qa'a ja ch'e auachiyoĝotayelo gaa'me jiyaĝa'u da'me auateton, dite da'me am yatetonaĝanec ñe'me Taĝadena' 'me na'ague di'me piyem.

Lucas 15:9

Qama'le qom yauana, qama'le yemata'a't gaa'me naigaĝa'u nataq'aen leje'gue, enaac: «Ami made'tape, auotauañi da'me yamaic, qa'a jauana jaga'me yemena jo'ne te'me jeguem.»

Lucas 15:5

Nataq'aen qom yauana, qama'le yachalo'te naa'me lauaguel, qa'a yataqachiñe 'uo da'me lamaic.

Juan 11:41

Qama'le qonaqategue ga'me qa'. Ñe'me Jesús male yeloje'ma di'me piyem qama'le enaac: —Taĝadena', am janem da'me yamaic queda'me jayem anaquiaĝana.

Mateo 3:7

Qalaĝaja ca'li Juan yauana queda'me qayoĝode' gaa'me fariseopi nataq'aen saduceopi yec'adeta qaedi nachilaĝa'n, qama'le enapegalo: “¡Aueñiya'ama gaa'me nanayaqa c'oqo'tepi jo'ne dajodegue nale novi' ga'me dole'! ¿Toqoch'e aueñetapega ja ami 'te yedalo'te ga'me ane'uaĝanaguequi jo'ne ami na'talo?