Lucas 1:79 - Nuevo Testamento Toba Sombrero Negro

⁷⁹ Qaedi yecoyadelo'te gaa'me jo'ne uetedaue da'me 'lalaĝa, gaa'me jo'ne t'oitedapega da'me leleuaqa', Qama'le qo'mi yauequeteda'ague di'me naq'aec jo'ne yelo'ta da'me qat'emaĝac.”

Nuevo Testamento Toba Sur

⁷⁹ da yaqto' icoÿadelec nam huetaigui na napalaxa qataq da lchic da nleuaxa, qataq yaqto' qomi' ÿachaxaateguelo ca nqa'aic mayi nlagaxayic.

La'aqtaqa Ñim Lo'onatac 'Enauacna 2013

⁷⁹ Camaye nca'alaxatec nam huotaique da lo'oxonec da nleuaxa. 'Eeta'am aca ncoỹaraxanaxaqui da icoỹarelec ca napalaxa, yaqto' qomi' ỹachaxaneguelo ca nqa'aic maye hueta'ague da nlagaxayec.»

Lucas 1:79 Referans Kwoze

Mateo 4:16

Jena'me qadayi jo'ne uetaue da'me 'lalaĝa, Male yauana ga'me yoqochiñe jo'ne p'ajaye; Nach'ena na'me yoqochiñe jo'ne yecoyadelo'te nayi Ga'me jiyaĝadipi jo'ne te'me uetedaue da'me neleuaĝa.”

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

Efesios 5:8

Ga'me ja yateton joñe'me Dios, ena'am ta'le uetaue joga'me 'naltapiye, ja yayaten joga'me ya'uo. Ca'li da'me ami naq'aeta da'me at'oyaĝaqui, qa'a ja auatetoñi ca'li joñe'me Dios. Qalaĝaja nayi male yataqata auatetoñi joñe'me, qama'le ena'am ta'le male ovitaue da'me yoqochiñe. Chane'eja 'noota qom male auadenaĝachi' gaa'me uetedaue da'me yoqochiñe.

Juan 12:46

Naqayem jo'ne jayem lecoyadaĝanaĝat jenjo' aleua, qama'le ñanaequena qaedi jogaa'me jo'ne jayem p'iida'a ja uedaue ga'me 'lalaĝa.

Juan 8:12

Jesús yitaĝa yapaĝague'n jogaa'me jiyaĝadipi, qama'le enaac: —Naqayem jo'ne lecoyadaĝanaĝat jogaa'me aleua laje'pi; gaa'me jo'ne jayem quetegue ja yitaĝa uetedaue da'me 'lalaĝa, dite da'me male yauata da'me yoqochiñe jo'ne nec'alaĝa.

Juan 9:5

Nayi da'me yatemaliaĝa joue'ta jenjo' aleua queda'me jayem jo'ne aleua laje'pi lecoyadaĝanaĝat.

Juan 1:9

Ñe'me necoyadaĝanaĝat jo'ne yataqatelegue nec'achi'ña jena'me aleua qaedi yecoyadelegue ena'uaque gaa'me jiyaĝadipi.

Lucas 2:32

Nach'eñe ena'am ta'le yoqochiñe jo'ne yecoyadelegue ena'uaque joga'me jiyaĝadipi; nach'eñe chiyaqayi da'me qo'mi qoyi'yoĝode'tape, qo'mi Israel laje'pi jo'ne mach'e qo'mi ac'oqo'tepi.”

Romanos 3:17

Nataq'aen ja yateto'n ga'me ladic da'me 'nemaĝac.

Hechos 10:36

Dios dojapegue'to ca'li jogaa'me israelpi c'oĝo'tepi, yechoĝotetapema da'me 'naqataĝanaĝac jo'ne 'nemaĝac 'me chiyaqayi ñe'me Jesucristo, mach'e Lejaliaĝane'j yema ga'me jiyaĝadipi.