Lucas 1:76 - Nuevo Testamento Toba Sombrero Negro

⁷⁶ Qama'le, am yalec, am qoyenaqatenec qomle 'laqataĝanaĝanec ñe'me Dios 'me p'ajaye, Qa'a a'uauta, am dajoyalegue ñe'me Jaliaĝanec qaedi a'ueteta'ajalo gaa'me ladico,

Nuevo Testamento Toba Sur

⁷⁶ Qaq 'am ÿalcolec, 'am qoÿanagui qome da 'am l'aqtaxanaxanec ñim Dios mayi 'amaqtaqaic, cha'ayi 'am qai'auaxaata'ague qome na llic ca qadataxala' da yaqto' 'auqataxanai',

La'aqtaqa Ñim Lo'onatac 'Enauacna 2013

⁷⁶ Qaq 'am ỹalcolec, 'am qoỹanagui qome da 'am: ‹La'aqtaxanaxanec Ñim Lo'onatac 'Enauacna maye 'amaqtaqaic.› 'Am 'aua'auta'ague qome da tata'ague cam Lca'aguishec Ñim Lo'onatac 'Enauacna, da 'auqataxanai' na shiỹaxauapi yaqto' lhuotta qom nvi' camaye.

Lucas 1:76 Referans Kwoze

Juan 1:23

Qama'le enaac ñe'me Juan: —Naqayem 'me Niyaĝanaĝac jo'ne chimaqatapegue ga'me aleua jo'ne totapega't: «¡Aviyamaĝacheta't ga'me ladic ñe'me Jaliaĝanec!», nach'ena jena'me 'yaĝatetac di'me Dios 'laqataĝanaĝanec Isaías joca'li.

Mateo 14:5

Herodes, jo'ne jetaque yalat ñe'me Juan, jalcote t'oiyapega ga'me jiyaĝadipi, qa'a ena'uaque joga'me 'yamaqate'n queda'me Juan nach'eñe Dios 'laqataĝanaĝanec.

Mateo 3:3

Juan naqaeñe ñe'me jo'ne joote Dios 'yaĝatetac ca'li na'ya q'aen ga'me 'laqataĝanaĝanec Isaías, enaac: “'Uo da'me niyaĝanaĝac jo'ne chimaqapegue ga'me aleua jo'ne totapega't: «¡Aviyamaĝacheta't ga'me ladic ñe'me Jaliaĝanec! ¡A'uouachegue ga'me naq'aec jo'ne chimaqategue!»”

Hechos 16:17

Janjo' q'añole quetapegue' ca'li ñe'me Pablo nataq'aen qo'mi, qama'le niyaĝatapejeguem: —¡Naajo' jiyaĝa'u mach'e 'lonataĝanaĝanaqa ñe'me Dios jo'ne p'ajaye, nataq'aen ami 'yaĝatetapema da'me nec'alaĝa ladic!

Lucas 1:35

Ñe'me piyem le'ec 'yateguet: —Joñe'me Dios Lepaqal jo'ne ja 'nalegue am neda'ña qomle, nataq'aen ñe'me Dios jo'ne napacalegue ena'uac am yachalegue qomle da'me 'lañaĝac. Qo'che' ñe'me notolec jo'ne niyiñe qomle qoyiyaĝanaĝatapec ja 'nalegue, Lec'oĝot joñe'me Dios.

Lucas 1:32

Nach'ega jiyaĝaua jo'ne p'ajaye qomle, joga'me qoyiyaĝanaĝatapec qomle Lec'oĝot joñe'me Dios jo'ne napacalegue ena'uac, jo'ne en yelolo'te qomle ga'me mach'e layipi, ena'am di'me chiyoĝoguet jo'ne let'a David,

Marcos 11:32

Nataq'aen ja jaqanatetaq ta'le jenaqaac queda'me ch'e jiyaĝaua loequenataĝanaĝac... Ja yaqanate't ta'le naq'aeta ga'me 'lataĝa'j qa'a t'oidapega ga'me jiyaĝadipi, qa'a yema jogaa'me yayate'n queda'me Juan mach'e yataqachiñe Dios 'laqataĝanaĝanec.

Juan 3:28

Nach'e ami jo'ne jayem auomachiiya ca'li da'me jo'ne ja'aĝatetac 'me yataqatelegue, da'me ja naqayem ta'le jayem Dios Liquiyac; nach'edata da'me jayem namaĝajec jo'ne le'uauaĝanatac joñe'me.

Juan 1:27

Nach'eñe novi' qomle, ñe'me jo'ne jayem najoyalegue, qama'te ja jaqanatet ta'le jejodegue gaa'me lapela'te leque'te.

Lucas 6:35

Qalaĝaja ami, 'noota qom adoqopichiyalo gaa'me adaute'udi', nataq'aen auauoyi da'me 'noota, nataq'aen a'nataĝanaĝañiyec ga'me adoĝochi qama'le ena'te auajoĝoñi'ta ta'le ami 'yiyelaĝategueta ga'me lajo'vi. Qaedi naq'aeta da'me jalcote da'me anejetenaguequi, da'me ami qoye'n lec'oqo'tolqa joñe'me Dios jo'ne napacalegue ena'uac, jo'ne nach'e ena'am nichoĝodenoqo't jogaa'me jo'ne ja yane'm da'me lamai'j joñe'me nataq'aen qaleuaĝayaqa.

Mateo 21:26

Nataq'aen ja jaqanatetaq ta'le jenaqaac queda'me nach'egaua gaa'me jiyaĝa'u, qa'a qat'oiyapega ga'me jiyaĝadipi queda'me ena'uaque joga'me p'iida'a ñe'me Juan da'me mach'e Dios 'laqataĝanaĝanec.”

Mateo 3:11

“Eja queda'me jayem male ami ñachilaĝañilo ga'me noĝop queda'me ami ñepoda'tape qaedi a'viyelaqaiyot joñe'me Dios; qalaĝaja ñe'me jo'ne novi' qomle jayem najoyalegue jo'ne jayem napacalegue, qama'le ja jalo'taguet da'me ch'e yechequetelegue ta'le jachi'y gaa'me lapela'te. Nach'eñe ami nachilaĝaneque qom'te joñe'me Dios Lepaqal nataq'aen ga'me dole'.