Lucas 1:17 - Nuevo Testamento Toba Sombrero Negro

¹⁷ Nach'eñe 'uau'tague ga'me dajo'tague ñe'me Jaliaĝanec, nataq'aen ue'tajop joñe'me Lepaqal choqoda'me lañoqotaĝanaĝac joñe'me, nach'e ena'am jo'me Dios 'laqataĝanaĝanec jo'ne Elías, qaedi netouenaĝanaĝa'n gaa'me net'al choqogaa'me c'oqo'te nataq'aen qaedi gaa'me qoleguetaĝanaĝaiquipi male yayate'n ta'le yoqochideta joñe'me Jaliaĝanec Dios. Naq'aeta da'me dojo' lajoĝoc da'me yivitaĝata't ga'me noic qaedi yacoteguet joñe'me.

Nuevo Testamento Toba Sur

¹⁷ Qaq que'eca Juan, camayi hua'auta'ague qome da tata'ague ñi qadataxala'. Qaq ÿaatañi qome da lqui'iÿaxac qataq da l'añaxac so Dios l'aqtaxanaxanec l'enaxat Elías, da yaqto' ÿi'iguelaxateguet ca nta'a ca llalec da yaqto' saqca ca da, qataq yaqto' nam sa ishit da ÿalaq ishit da ÿaÿaten da ÿalaq. Qaq ÿaqataxanai' qome na shiÿaxauapi, da yaqto' lhuotta da ÿaconguet ca qadataxala'.

La'aqtaqa Ñim Lo'onatac 'Enauacna 2013

¹⁷ Camaye nvi', qom saxanaxa da nvi' ca Nca'alaxaqui maye Lca'aguishec Ñim Lo'onatac 'Enauacna. Qaq de'era na'añaxac saqcha'a maye hueto'ot co'ollaxa so na'aqtaxanaxanec Elías, nachera da hueto'ot qome camaye. Da la'aqtaxanaxac ỹo'oteguet da ca nta'a nmaneto caua llalqa, qataq nam sa ỹalaq ila'a da lsomaxac, nache quegue da lataxac nam ỹataqta ỹalaq. Nataqa'en ỹaỹamaxaañi na Israel le'ecpi da yaqto' ỹataqta lhuotta da ỹaconeguet cam Lca'aguishec Ñim Lo'onatac 'Enauacna.

Lucas 1:17 Referans Kwoze

Mateo 11:14

Nataq'aen qom jetaque auacoñiyeguet da'me dojo', qama'le Juan nach'eñe Dios 'laqataĝanaĝanec Elías jo'ne joote qo'yaĝate'taguet ca'li.

Lucas 1:76

Qama'le, am yalec, am qoyenaqatenec qomle 'laqataĝanaĝanec ñe'me Dios 'me p'ajaye, Qa'a a'uauta, am dajoyalegue ñe'me Jaliaĝanec qaedi a'ueteta'ajalo gaa'me ladico,

Juan 3:28

Nach'e ami jo'ne jayem auomachiiya ca'li da'me jo'ne ja'aĝatetac 'me yataqatelegue, da'me ja naqayem ta'le jayem Dios Liquiyac; nach'edata da'me jayem namaĝajec jo'ne le'uauaĝanatac joñe'me.

Apocalipsis 20:4

Ca'li yem qama'le yitaĝa jauanalo jogaa'me jiyaĝa'u laqaya' jo'ne netauelo gaa'me nejaliaĝaiqui', qa'a joote yacoteguet da'me lañoqotaĝanaĝa'j qaedi male dec'atenaĝa'n nataq'aen da'me daloqotenaĝa'n. Jogaa'me jiyaĝa'u jo'ne jauanalo nach'ediaua dia'me jo'ne joote yele'u da'me qoyichaĝadegue naa'me laqai'go, yajouaĝat da'me 'yaĝatetedac joca'li joñe'me Jesús, nataq'aen da'me dapaĝaguenataĝatedapec da'me 'laqatac joñe'me Dios. Jodia'me ja jetaque netametot ca'li ñe'me jiyac polio' choqoga'me mach'e lequi'i, qama'le nach'e ena'am da'me ja naje'teguet ta'le qoyanayelo naa'me laqai'go jaga'me 'nanaĝanaqate, uotaĝa ta'le qoyanayelo naa'me loua'. Qama'le jauanalo da'me yitaĝa nec'aledegue jogaa'me, qama'le ueteda'ajop joñe'me Cristo da'me qoyanema da'me lejaliaĝa'j chayovida'a qom yenoĝodegue ga'me mil 'uoidi.

1 Pedro 2:9

Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.

Colosenses 1:12

Qama'le auañem da'me adamaiqui joñe'me Qadet'a, qa'a joñe'me ami yaqataĝata'ajalo qaedi auacoñiyeguet da'me lejaliaĝa jo'ne yoqochiñe qama'le anetauañiya'uo ga'me yanema yema joga'me c'oqo'tepi joñe'me.

2 Timoteo 2:21

Chane'eja qom 'uo joga'me jiyaĝaua niyamaĝatela't, t'oiya'agueta daa'me daajo' 'nonataqa laqaya' jo'ne ja 'noe'n, qama'le nach'ega ena'am ta'le le'ec jo'ne 'uo ga'me lajo'viyaĝac, jo'ne nemenot joñe'me Jaliaĝanec nataq'aen yataqata youen, qama'le male tayet joga'me en 'lonatac jo'ne onaĝaic.

Romanos 9:23

Nach'eda naq'aeta da'me jetaque qo'mi yaloĝonalo da'me let'adaic 'lonaĝac joñe'me, qa'a qo'mi yichoĝode'n nataq'aen 'uaeñe da'me qo'mi yiyamaĝateta'ajalo qaedi ñetauanaqa'uo da'me 'lonaĝac.

Hechos 10:33

Chane'eja ja jayaloĝoden da'me am jelataĝanegue, nataq'aen yataqachiñe 'uo da'me adichoĝodenataĝanaĝac da'me auanaequena. Chane'eja qo'mi uetauelo ñe'me Dios da'me jouaqa'ta jena'me jenjo', nataq'aen jetaque ñaquiaĝanaĝa yema ga'me jo'ne am 'yelopec ñe'me Jaliaĝanec qaedi qo'mi a'uaĝatema.

Juan 1:34

Jayem joote jauana, qama'le nayi jechoqotaĝanec queda'me yataqachiñe Lec'oĝot joñe'me Dios.”

Juan 1:13

Chane'eja nach'egaua jo'ne yataqachiñe lec'oqo'tepi joñe'me Dios, qama'le ja naqaeda da'me ch'e nejiyaĝauayaĝa'j jo'ne chiyaqayi da'me niyidiñe q'ae'n, choqonaa'me mach'e lamaico gaa'me jiyaĝa'u, dite ñe'me Dios, nach'eñe jo'ne chiyoqodayi.

Lucas 1:16

Joñe'me yaqanatet ta'le en 'niyelaĝadetot joñe'me Dios mach'e Qadejaliaĝanec jogaa'me qayoĝode' jogaa'me Israel laje'pi.

Mateo 14:4

qa'a Juan enapega joca'li ñe'me Herodes, “Ena'te anauela't qaedi ena'am ta'le yataqachiñe adoua.”

1 Juan 2:28

Nayi, ami yalaqapi, 'noota qom nach'e aueñeta't auoqochi'taguet joñe'me Cristo, qaedi yataqachiñe 'uo da'me qadepe'e qom'che di'yo'quena joñe'me, nataq'aen qaedi qo'mi ja qadepocoq qom jajoyaqa'aguet joñe'me da'me lovidaĝac.

Mateo 3:4

Ga'me louo ñe'me Juan qoyachiyoĝotayelo ga'me camello layoĝot, nataq'aen 'uo ga'me najataĝaiqui jo'ne jiyac lo'oc; yalic jaga'me qojequioĝoi ca'li nataq'aen ga'me ma'ague li'i jo'ne 'nonaĝajec.

Mateo 3:3

Juan naqaeñe ñe'me jo'ne joote Dios 'yaĝatetac ca'li na'ya q'aen ga'me 'laqataĝanaĝanec Isaías, enaac: “'Uo da'me niyaĝanaĝac jo'ne chimaqapegue ga'me aleua jo'ne totapega't: «¡Aviyamaĝacheta't ga'me ladic ñe'me Jaliaĝanec! ¡A'uouachegue ga'me naq'aec jo'ne chimaqategue!»”