Juan 9:39 - Nuevo Testamento Toba Sombrero Negro39 Qama'le yitaĝa enaac ñe'me Jesús: —Da'me jayem ñec'ata jenjo' aleua qaedi ja'uo da'me yec'atenaĝanaĝac qaedi jogaa'me qana'mi male nelodegue, nach'e ena'ama jogaa'me jo'ne te'me nelotedaye qaedi 'uo da'me laqanamaĝa'j. Gade chapit laNuevo Testamento Toba Sur39 Ime, nachi so Jesús 'enapeco': –Aÿim ñanaÿa ana 'alhua, da yaqto' ishit da qaÿauo'o ca lasouaxashit ca shiÿaxaua, yaqto' cam sa nauaañi, qalaq ishit da nauaañi, qataq cam nauaachiguiñi, qalaq sa nauaañi qanqoÿin. Gade chapit laLa'aqtaqa Ñim Lo'onatac 'Enauacna 201339 Ime, nache So Jesús 'enapeco': –Aỹem ñanaỹa ana 'alhua, da sami' da nauaañi nam saq nauaañipi, qaq nam 'eetega da nauaachiguiñipi qalaq sanauaañi ñaqa'en. Qaq 'era da sheetec da ñimit 'enauacna. Gade chapit la |
Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»
“Joñe'me Lepaqal ñe'me Jaliaĝanec jayem ue'tajop, qa'a jayem yiyota'a qaedi ja'aĝatema da'me onaĝaic 'naqataĝanaĝac jogaa'me choĝodayaqolqa. Jayem namaĝaquena qaedi ja'aĝatetac da'me male qoyejodegue jogaa'me necoñetae's nataq'aen qaedi male jen yauana'ape jogaa'me qana'mi; nataq'aen qaedi male jen uojotedañi gaa'me jo'ne qoya'uo ga'me lachoĝode'j da'me qonejaliaĝatelo'te;
Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.
A'uaĝachem qomle da'me male nauachidiñe jogaa'me qana'mi, nataq'aen jogaa'me uayodaĝayaqa male yeuo'tape, jogaa'me daloĝo lalataqa male yoqovite' da'me lapite'na't, jogaa'me ja domachiya'ape male domachi'y, jogaa'me joote yele'u yitaĝa nec'alidijeguem nataq'aen jogaa'me choĝodache male qo'yaĝatapema da'me onaĝaic Dios 'laqataĝanaĝac.