Juan 9:24 - Nuevo Testamento Toba Sombrero Negro

²⁴ Jogaa'me judiopi lajoĝola'te yitaĝa yiyaĝata ñe'me jiyaĝaua jo'ne qanam qaedi yena't: —Nayi da'me jajoyaqa'aguet ñe'me Dios, qama'le qo'mi a'uaĝatema ga'me yataqatelegue. Qa'a da'me qo'mi jayatenaq jo'me jiyaĝaua da'me loeco lo'o. ¿Jach'e ga'me mach'e at'aqatac?

Nuevo Testamento Toba Sur

²⁴ Nachi na judiopi qaltaq ÿi'iguelaxalec da iÿaxaneuga so shiÿaxaua mayi qanamaic co'ollaxa. Nachi qoÿiitega, qoÿiita': –Nagui qomi' ÿauaachiguilo ñi Dios, ña qomi' 'au'aqtaxaatema, cha'ayi qomi' saÿajnaqta da se'eso shiÿaxaua, somayi 'itaxaloxoic.

La'aqtaqa Ñim Lo'onatac 'Enauacna 2013

²⁴ Nache na lataxala'pi na judiopi, qaltaq ỹe'eguelaxalec da iỹaxaneuga so ỹale maye qanamaic co'ollaxa. Nache 'eetega, 'eeta': –Nagui qomi' 'aua'aqtaxaatema cam ỹataqta 'eesa, ỹauaachigui 'anqa'en Ñim Lo'onatac 'Enauacna. Cha'aye qomi' saỹaanaqta da se'eso ỹale, Somaye 'etaxaloxoic.

Juan 9:24 Referans Kwoze

Juan 9:16

Qama'le uo'oe gaa'me fariseopi jo'ne enapega't: —Joga'me jo'ne ya'uo da'me dojo' ja chiyaqaje'ma ñe'me Dios, qa'a nach'ega ja yayaten ga'me nolo' jo'ne niyamaqatac. Qalaĝaja uo'oe gaa'me laqaya' jo'ne enapega't: —Ga'me jiyaĝaua jo'ne loeco lo'o, ¿qo'li yaqanatet ta'le ya'uo da'me dojo' 'nanec jo'ne yaloĝon? Qama'le ua'a ca'li da'me male yodapecache naa'me lelnataĝaco.

Juan 19:6

Mane'e ca'li yauata jogaa'me lajoĝola'te gaa'me tamenaĝaiqui lo'ol choqogaa'me neteloqo't ga'me tamenaĝaiqui, qama'le ena'uac da'me niyaĝadijeguem, enapega'ajalo: —¡Auep'eñiyajeguem joda'me! ¡Auep'eñiyajeguem! Ñe'me Pilato enaac: —Da'me ami mach'e auaviqui qaedi auep'eñiyajeguem, qa'a da'me jayem ja jauana ga'me laviyaĝajet joñe'me.

2 Corintios 5:21

Ñe'me Cristo yataqata qaya'te loec ca'li, qalaĝaja Dios 'yetem da'me ena'am ta'le loeco lo'o, qaedi Cristo qo'mi yovidaĝateda'a da'me ena'am ta'le qaya'te qadejamaĝataĝac.

Romanos 8:3

Qa'a ñe'me Dios male ye'et da'me jo'ne ja yañoĝot da'me ye'et da'me namaĝajoĝonaĝac jo'ne chiyoqo'ot di'me Moisés, qa'a da'me lachoĝolaĝac da'me ch'e nejiyaĝauayaĝac qama'le ja yaqanatet ta'le yomat da'me dojo'. Qama'le Dios namaĝaquena ñe'me C'oĝot ena'am da'me lachoĝolaĝac ga'me ch'e jiyaĝaua 'me loeco lo'ol nataq'aen ena'am ta'le nemenec 'me nep'aĝaneguet gaa'me loeco joga'me jiyaĝadipi, nach'eda naq'aeta da'me ena'am q'aen ga'me ch'e jiyaĝaua 'me etaĝaloĝoic chiyaqayi da'me male yolaĝachigui ga'me etaĝaloĝoc.

Juan 18:30

Qama'le jogaa'me 'yadeteguet: —Ta'le ja naqaeda jo'ne 'uo da'me laviyaĝajet qama'le ja am 'te jamaĝajoĝolegue.

Juan 16:2

Qa'a male ami qoyamaĝadegue qomle jogaa'me tamenaĝaiqui', nataq'aen yovida'a qomle da'me 'uo ga'me ami yala't queda'me eetedapega naq'aeta da'me loequenataĝanaĝac joñe'me Dios.

Juan 14:30

“Nayi male ja jalcote ta'le ami jojapegue'to, qa'a male novitequena ga'me jo'ne damaĝajoĝolegue jenjo' aleua. Te'me qaya'te ta'le lañoqotaĝanaĝac da'me jayem nejaliaĝatelegue,

Juan 8:49

Jesús 'yategueta jogaa'me: —Da'me jayem ja jayem 'te payac lae't. Da'me jo'ne ja'uo, jen p'ajaye da'me 'ñonaĝachigui ñe'me Taĝadena'; qama'te da'me ami ja jayem 'te a'nonaĝachiyegui.

Juan 8:46

Da'me ami, ¿jach'e ga'me yaqanatet ta'le jayem naloĝona queda'me 'uo ga'me yoec? Da'me ja'aĝatetac da'me eja, qama'le ¿toqoch'e ja jayem 'te auep'iiya'a?

Juan 5:23

qaedi yema jayem qo'nonaĝachigui, da'me nach'e ena'am qo'nonaĝachigui da'me jo'ne yanem joñe'me Taĝadena'. Qa'a joga'me jo'ne ja jayem 'te 'nonaĝachichigui, nach'e ena'am ja 'nonaĝachichigui ñe'me Taĝadena', joñe'me jo'ne nach'eñe 'me jayem namaĝaquena.

Lucas 19:7

Mane'e da'me yauata da'me dojo' gaa'me jiyaĝa'u laqaya', qama'le ena'uaque e'n ja 'noe'n naa'me 'laqataqa eedapega ñe'me Jesús, enapega't: “¿Toqoch'e yec'ata di'me loeco lo'o 'lachaqa'?”

Lucas 15:2

Joga'me fariseopi nataq'aen joga'me judiopi napaĝaguenoqo'tpi en ja 'noe'n daa'me 'laqataqa jouaĝat da'me dojo', enapega't: —Dojo' yaconegueta joga'me loeco lo'olpi nataq'aen neuanaĝa'u jogaa'me.

Lucas 7:39

Mane'e ca'li yauana da'me dojo', ñe'me fariseo jo'ne nepoda ñe'me Jesús, eetojo' da'me lelnataĝac: “¿Toqoch'e ja yetaden jañe'me yauo jo'ne ja no'en da'me yepotetac, qom yataqachiñe Dios 'laqataĝanaĝanec? Qa'a ¡janjo' yauo yataqachiñe ja 'noe'n daa'me 'lonataqa!”

Marcos 15:27

Qoyacha'ñejopa joñe'me jogaa'me dojolqa jo'ne cachaĝayaqa, onolec ga'me qoyacha'ague ga'me yayaten, ga'me laqaya qoyacha'ague ga'me 'nemaq.

Juan 9:25

Joñe'me male 'yategueta: —Uotaĝa eja naq'aeta da'me loeco lo'o, qalaĝaja uotaĝa ja naq'aeta, qa'a onolec da'me jo'ne jayaten: da'me naqayem jo'ne jayem qanam joca'li qalaĝaja nayi male 'uo da'me yec'atenaĝanaĝac.

Apocalipsis 11:13

Qama'le paja'a da'me 'uo jo'me nedaĝac let'adaic, qama'le di'me noic let'adaic ena'uaque gaa'me diez 'nachaqa'te male 'uo ga'me onolec jo'ne iyiñe, qama'le nach'e ena'ama joga'me jiyaĝadipi jo'ne yele'u nalo'taguet siete mil. Chane'eja jogaa'me jo'ne maliaĝa uo'oe male 'uo da'me loqolanaqa' qama'le 'nonaĝachidegue joñe'me Dios jo'ne ne'tague di'me piyem.