Juan 8:54 - Nuevo Testamento Toba Sombrero Negro

⁵⁴ Jesús 'yategueta: —Ta'le mach'e jayem da'me ñi'yoĝodela't, qama'le da'me ñi'yoĝodenaĝac qaya'te lajo'viyaĝac. Qalaĝaja da'me 'uo ñe'me Taĝadena' jo'ne jayem yi'yoĝoden, ñe'me jo'ne aueñetapega Adet'ai.

Nuevo Testamento Toba Sur

⁵⁴ Nachi so Jesús 'enapeco': –Da aÿim maichi ñi'oxodeetapeguela't, nachi de'eda ñi'oxonnaxac, damayi qaica ca naigui. Qalaxayi ñim aÿim ÿi'oxodeetac, nachiñi ñi ita'a ñi qami' qoñiitega nataq'en da qadta'ai Dios.

La'aqtaqa Ñim Lo'onatac 'Enauacna 2013

⁵⁴ Nache So Jesús 'enapegalo' soomaye 'eeta': –Da Aỹem maiche ño'oxoreetapeguela't, nache de'era ño'oxonnaxac, damaye qaica ca naigui. Qalaxaye Ñim Aỹem ỹo'oxoreetac, nacheñi Ñim Ita'a Ñim qami' qaupicheetega nataqa'en da Qarta'ai.

Juan 8:54 Referans Kwoze

Juan 8:50

Jayem ja jelaque da'me jayem qo'nonaĝachigui, qalaĝaja 'uo ñe'me jo'ne yelaque da'me ñi'yoĝodenataguec, qama'le nach'eñe jo'ne jayem naloqoten.

2 Pedro 1:17

Jauanaĝa ca'li ñe'me Qadet'a Dios da'me yanem da'me li'yoĝodenataĝanaĝac nataq'aen da'me en 'lonaĝac, joca'li 'uo da'me 'laqatac joñe'me Dios jo'ne eetac: “Jenjo' jo'ne mach'e Yalec 'me ñoqopitaĝaua: nach'ena jo'ne mach'e yiquiyac.”

2 Corintios 10:18

Ga'me jiyaĝaua jo'ne 'uo da'me niyamaĝadenataguec ja naqaega ga'me jo'ne mach'e niyamaĝadetapela't, dite ga'me jo'ne ñe'me Jaliaĝanec yiyamaĝaden.

Hechos 3:13

“Ñe'me Nedios di'me Abraham, di'me Isaac, di'me Jacob, ñe'me Nedios dia'me jachiyojoĝogueta 'me qadet'al, nach'eñe yanem da'me yataqachiñe p'ajaye li'yoĝodic ñe'me lalemaĝajet Jesús. Nach'eñe jo'ne auemiñeyouelo gaa'me jaliaĝanaqa nataq'aen nach'eñe jo'ne a'uotañetac nataq'aen anemañetapec ca'li jetaque yejoye ñe'me Pilato.

Juan 17:1

Mane'e ca'li yem da'me 'yaĝatetac da'me dojo', qama'le Jesús yeloje'ma di'me piyem qama'le enaac: “Am Taĝadena', nayi male jayem novita da'me yaloqo': 'noota qom jayem a'nonaĝachichigue, qaedi nach'e ena'am da'me jayem male am 'ñonaĝachichigui.

Juan 8:41

Qama'le da'me ami ¡auadenaĝachi da'me ya'uo joca'li di'me adet'ai! Jogaa'me enapega'ajalo: —Da'me qo'mi, ja qo'mi 'te lec'oqo'te ga'me jo'ne chiyaqaue da'me nequejeguetaĝa. ¡Onolec ñe'me Qadet'a, Dios!

Juan 7:18

Ga'me jo'ne mach'e 'naĝatetapela't, nach'ega jo'ne yelotaque da'me jo'ne mach'e 'lonaĝac. Qalaĝaja da'me jayem jo'ne jelotaque da'me 'lonaĝac ñe'me jo'ne jayem namaĝaquena, qama'le ñenaĝategue da'me eja, qa'a da'me jayem qaya'te 'yaqatac ta'le ja no'en.

1 Pedro 1:21

Chiyaqayi joñe'me Cristo, da'me ami male auep'iiya'a ñe'me Dios, 'me 'niyelaĝachijeguem joñe'me, yachiyaqaue di'me napa'lpi 'lachaqa', qama'le yanem da'me 'lonaĝac qaedi male auep'iiya'a joñe'me Dios jo'ne anaquichitapega.

1 Pedro 1:12

Qalaĝaja ñe'me Dios yayatenaĝanaĝaneque jogaa'me da'me ja naqaegaua ta'le loĝo't joda'me jo'ne 'yaĝatetedac, dite da'me naqa'ami jo'ne ami yapaĝague'n. Chane'eja gaa'me Dios 'laqataĝanaĝanaqa jo'ne joote ami yapaĝagueneque da'me 'laqataĝanaĝac joñe'me Dios, da'me chiyaqayi da'me lañoqotaĝanaĝac joñe'me Dios Lepaqal jo'ne uetayelo, naqaegaua jo'ne ami 'yaĝatema nayi da'me dojo' 'naqataĝanaĝac jo'ne chiyaqayi da'me nec'alaĝa. ¡Nach'eda da'me dojo' jo'ne jetaque yayate'n jogaa'me Dios lamaĝa's jo'ne piyem laje'!

Juan 17:5

Nayi, am Taĝadena', jayem a'nonaĝachichigue da'me am jona'ajop, qaedi yitaĝa jauana da'me jalchi'ena 'yoyaĝac jo'ne onaĝaic da'me am jone'tajop ca'li da'me cha'li jona'li 'uo jenjo' aleua.

Juan 7:39

Qama'le ñe'me Jesús 'yaĝatema gaa'me jo'ne p'iida'a joñe'me da'me yacoteguet qomle ñe'me Dios Lepaqal, qalaĝaja ñe'me Dios Lepaqal maliaĝa jona'li 'uo, qa'a ñe'me Jesús maliaĝa ja yovita ga'me nolo' da'me ni'yoĝodenataguec.

Juan 5:41

“Jayem ja jouetaque ta'le jaconeguet ga'me li'yoĝodenataĝanaĝa'j ga'me jiyaĝadipi,

Juan 2:11

Da'me dojo' 'nanec jo'ne ya'uo ca'li ñe'me Jesús da'me ue'ta di'me Caná, di'me aleua jo'ne Galilea, nach'eda da'me jo'ne 'uaechiñe yaloĝon ca'li male naloĝola't choqoda'me en di'yoq da'me 'lonaĝac, qama'le jogaa'me lapaĝaguenataqa male yataqachiñe p'iida'a joñe'me.