Juan 8:32 - Nuevo Testamento Toba Sombrero Negro

³² auayachiñe qomle da'me jo'ne eja, qama'le da'me eja male ami yejodegue.

Nuevo Testamento Toba Sur

³² Nachi qami' qome ÿataqta qauauattoñiita da 'eesa lataxac, qaq de'eda 'eesa lataxac, nachida da ÿataqta qami' huesochiyiñi naq'en.

La'aqtaqa Ñim Lo'onatac 'Enauacna 2013

³² Nache qami' ỹataqta qauauattoñiita da 'eesa lataxac, qaq de'era 'eesa lataxac, nachera da ỹataqta qami' huesochiyiñi naqa'en.

Juan 8:32 Referans Kwoze

Romanos 8:2

Qa'a da'me 'lañaĝac ñe'me Dios Lepaqal jo'ne yanegue da'me 'noyaĝac 'me chiyaqayi ñe'me Cristo Jesús, jayem chiyoĝotalegue ga'me lamaĝajoĝonaĝac da'me etaĝaloĝoc nataq'aen da'me neleuaĝa jo'ne jayem yecoñedeta't.

Juan 8:36

Chane'eja naq'aeta, qom japalaĝa't naa'me adoecodi', queda'me jayem Lec'oĝot joñe'me Dios, qama'le eja yataqachiñe ami qoyejodegue.

Juan 17:17

Nataq'aen aviyamaĝatetouelo da'me eja jo'ne am chiyaqayi, nach'edaua daa'me at'aqataqa jo'ne yataqata ejoda.

1 Pedro 2:16

Aniyamaĝachela't qa'a ja ami 'te necoñetae's, qalaĝaja ena'te aueñetapega da'me auachiyoĝochiyaye da'me ami uojotedañi male auaqanachichi ta'le auauoyi da'me jo'ne ja no'en. Nach'edata da'me aniyamaĝachela't qa'a ami lalemaĝaje'te joñe'me Dios.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Romanos 6:22

Qalaĝaja nayi, auachiyoqoitelo'te naa'me adoecodi' da'me ami uojotedañi, male a'uoĝoñiuo'o da'me a'uonataĝañiuo'o ñe'me Dios. Dojo' qamqa'me eja 'uo ga'me anaviquila't, qa'a da'me chiyaqayi nach'eda 'noyaĝac 'me ja 'naidena'a.

Santiago 1:25

Qalaĝaja ga'me jo'ne ja yapalaĝate'ta da'me jo'ne domachiya, nach'ega jo'ne yec'aten nataq'aen da'me yelo'tegue da'me namaĝajoĝonaĝac jo'ne yataqatelegue eja, 'uo da'me 'nemaĝac nataq'aen da'me nach'e eta't da'me chimaqategue, nataq'aen da'me yoqo'cha da'me en yepaquichigui da'me jo'ne mach'e eeta da'me dojo' namaĝajoĝonaĝac, qama'le nach'eda jo'ne nach'e eta't en matac ga'me jo'ne 'yetetac.

Gálatas 5:1

¡Yataqachiñe eja da'me male qo'mi uojotedañi, qa'a nach'eñe ñe'me Jesucristo qo'mi yejodegue! Chane'eja ena'te oquiya'e da'me dojo' ami qoyejodegue, uotaĝa ta'le a'viyelaqaiya da'me yitaĝa ami lelataqa daa'me namaĝajoĝonaĝaco.

Santiago 2:12

Chane'eja da'me ami, 'noota qom aniyamaĝachila't da'me a'uaqataĝañetac, qaedi di'yoq da'me male auachitaque da'me anec'atenaguequi jo'ne chiyaqayi da'me namaĝajoĝonaĝac jo'ne e'n ami uojotedañi.

Gálatas 5:13

Ami yaqaya'olqa, Dios ami yiyaĝanalo qaedi ami uojotedañi. Qalaĝaja ena'te aueñetapela't adoĝochi da'me ami uojotedañi ta'le taue q'aen da'me a'vichi ga'me ja no'en. Dite da'me anecochiyapega't qa'a 'uo da'me adoqopich'ii.

Juan 7:17

Gamachaqaega ga'me jo'ne jetaque ye'et da'me jo'ne loequenataĝanaĝac ñe'me Dios, yayaten da'me yapaĝaguenataĝanaĝac ta'le chiyoqo'ot ñe'me Dios, uotaĝa ta'le ch'e yelnataĝac.

Romanos 8:15

Qa'a ami ja ami 'te qoyanema ñe'me nepaqal jo'ne chiyaqayi ta'le ami nelataqa jo'ne yitaĝa ami yauequeteda'ague da'me ami qolanaqayaqa, dite ñe'me Dios Lepaqal jo'ne ami e'n lec'oqo'tolqa ñe'me Dios, qama'le nach'eñe ñe'me Lepaqal da'me jec'otaĝa ñe'me Dios, nale onolqa'tape da'me qo'mi enaac: “Am Taĝadena'.”

Juan 16:13

Qalaĝaja qom novi' ñe'me Dios Lepaqal jo'ne yataqatelegue, nach'eñe jo'ne ami yauegouelo yema naa'me naajo' jo'ne ejoda, qa'a ja 'yaĝatetac da'me mach'e 'naĝatetapela't, dite da'me 'yaĝatetac yema ga'me jo'ne domachiya, nataq'aen ami yayatenaĝanaĝaneque gaa'me uo'oe jo'ne di'yo't qomle.

2 Timoteo 3:7

nach'agaua gaa'me yauo' da'me 'uo da'me jetaque yayate'n qalaĝaja da'me yataqata eja ja yaqanate't ta'le yayate'n.

Juan 6:45

Uo'oe naa'me ledii's jogaa'me Dios 'laqataĝanaĝanaqa jo'ne eetac: «Yema da'me Dios yapaĝague'n qomle jogaa'me jiyaĝadipi.» Chane'eja ena'uaque jogaa'me jo'ne naquiaĝata ñe'me Qadet'a nataq'aen da'me napaĝaguenalo naa'me 'laqataqa joñe'me, qama'le jayem nec'ata.

Mateo 11:29

'Noota qom auacoñiyeguet jena'me yepiñejec jo'ne ami janema, nataq'aen 'noota qom jayem auayachiñe queda'me 'uo da'me ñapogaĝadenaĝac nataq'aen joĝodaic jena'me yeuel; nach'eda eeta da'me male 'nomategue jonaa'me adai'lidi'.

Juan 1:14

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

Juan 1:17

Qa'a daa'me Dios lamaĝajoĝonaĝaco qoyanema joca'li ñe'me Moisés, qalaĝaja da'me jo'ne chiyaqayi ñe'me Jesucristo, naqaeda da'me Dios lichoĝodenataĝanaĝac nataq'aen da'me yataqachiñe eja.

1 Corintios 7:22

Qa'a ga'me jo'ne nelatac qom qoyiyaĝana qaedi napeteneguet ñe'me Cristo joga'me male joote lalemaĝajet ñe'me Jaliaĝanec. Nach'e naq'aeta da'me qom qoyiyaĝana ga'me jiyaĝaua jo'ne uojotañi, joga'me male joote Cristo lelatac.

2 Juan 1:1

Jayem jo'ne jayem 'yaĝaicachigui nayi jalcote da'me yamaic jo'ne am janem, am yaqayole jo'ne am Dios liquiya, nataq'aen ena'uaque gaa'me ac'oqo'tolqa. Yataqachiñe eja da'me ami joqopitalo, nataq'aen ja jayem 'te onolec da'me jayem, dite da'me nach'e ena'ama ena'uaque jogaa'me jo'ne yacoteguet da'me yataqachiñe eja.