Juan 8:31 - Nuevo Testamento Toba Sombrero Negro

³¹ Qama'le Jesús t'aqataĝanema jogaa'me judiopi jo'ne naquiaĝata nataq'aen da'me p'iida'a joñe'me, enaac: —Da'me ami, qom nach'e eta't da'me aviyamaĝache'tape naa'me 'yaqataqa, qama'le naqa'ami jo'ne yataqachiñe ami yapaĝaguenataqa;

Nuevo Testamento Toba Sur

³¹ Nachi so Jesús 'enapego' nam judiopi mayi i'amaqten somayi, 'eeta': –Qami' qom ÿataqta qau'ochi de'eda qami' sa'axatema, nachi ÿoqta 'eesa qome da qami' ÿapaxaguenataqa.

La'aqtaqa Ñim Lo'onatac 'Enauacna 2013

³¹ Nache So Jesús 'enapego' nam judiopi maye ỹa'amaqten Somaye, 'eeta': –Qami' qom ỹataqta qauo'oche de'era qami' sa'axatema, nache ỹoqta 'eesa da qami' ỹapaxaguenataqa.

Juan 8:31 Referans Kwoze

2 Juan 1:9

Qom 'uo ga'me eetapela't noqotetenegue da'me jo'ne joote Cristo dapaĝaguenataĝanec, nach'ega ja ue'tajop joñe'me Dios. Qalaĝaja ga'me jo'ne 'nañaĝateque daa'me daajo' Cristo lapaĝaguenataĝanaĝaco, nach'ega ue'tajop joñe'me Qadet'a nataq'aen joñe'me Lec'oĝot.

2 Timoteo 3:14

Qalaĝaja da'me am, 'noota qom nach'e eta't a'nañaĝatec joga'me joote auayaten jo'ne auen eja. Joote auateto'n gaa'me jo'ne am yapaĝague'n:

Santiago 1:25

Qalaĝaja ga'me jo'ne ja yapalaĝate'ta da'me jo'ne domachiya, nach'ega jo'ne yec'aten nataq'aen da'me yelo'tegue da'me namaĝajoĝonaĝac jo'ne yataqatelegue eja, 'uo da'me 'nemaĝac nataq'aen da'me nach'e eta't da'me chimaqategue, nataq'aen da'me yoqo'cha da'me en yepaquichigui da'me jo'ne mach'e eeta da'me dojo' namaĝajoĝonaĝac, qama'le nach'eda jo'ne nach'e eta't en matac ga'me jo'ne 'yetetac.

1 Timoteo 4:16

Yataqata anetelela't nataq'aen aviyamaĝatetac da'me adapaĝaguenataĝanaĝac nale auanema gaa'me adaqaya'. Qama'le qom nach'e eta't da'me aua'uo da'me dojo', male yataqata nec'alaĝa am ue'tajop, nataq'aen jogaa'me jo'ne am naquiaĝata, nach'e ena'am tadoue ga'me nec'alaĝa.

Colosenses 1:23

Qom yataqachiñe ami ejoda da'me a'nañaĝachela't da'me ami t'añidañe q'ae'n joda'me adepi'i, 'noota qom ja auaĝañiyegue da'me adeuataqataĝanaĝaqui jo'ne chiyaqayi da'me onaĝaic 'naqataĝanaĝac ca'li yemta auomachiiya. Nach'eda da'me 'naqataĝanaĝac jo'ne joote qoyapaĝagueneque ena'uaque jogaa'me noyaqa jo'ne neda'ña jena'me aleua, nataq'aen jo'ne ja'aĝatetac da'me jayem nale japaĝaguenataĝan.

Hebreos 3:14

Qa'a da'me qo'mi, male qo'mi lequiaĝa'u ñe'me Cristo, qom nach'e eta't 'ñañaĝataĝac da'me qadepe'e jo'ne 'uaechiñe 'me qo'mi uetauelo.

Hechos 14:22

Naa'me naajo' ale'u 'yañaqate'tape joga'me p'etaqadaiquipi nataq'aen 'yelopetapeque da'me 'nañaĝatela'ajalo da'me quetedalegue da'me lepe'e', qama'le yaqateque jogaa'me da'me qoyouetaque da'me naje'tegueta ga'me yodapecache 'me lachitataico, qaedi yaqanate't ta'le tadoue da'me Dios lejaliaĝa.

1 Juan 2:24

Chane'eja, 'noota qom aviyamaĝachiyouelo naa'me adai'lidi' da'me 'naqataĝanaĝac jo'ne eja, 'me auomachiiya jo'ne chiyoqo'tagueta gaa'me noloqo'ote ca'li yemta auacoñiyeguet da'me adepi'i. Qom naq'aeta queda'me dojo' netayelo jonaa'me adai'lidi', qama'le nach'e ena'am oquitalegue queda'me auoqochi'taguet joñe'me Dios Lec'oĝot, nataq'aen joñe'me Qadet'a.

Romanos 11:22

Chane'eja auec'aten: yataqachiñe 'noota ñe'me Dios, mate mane'e yataqachiñe ja damitelegue. Chane'eja ca'li uo'oe gaa'me e'n 'uaĝadiñe, qalaĝaja da'me am yataqata am yichoĝoden. Qalaĝaja 'noota qom nach'e eta't da'me at'oyaĝac uetaue da'me lichoĝodenataĝanaĝac joñe'me, qa'a qom ja naq'aeta nach'e ena'am am qoyichaĝaye qomle.

Romanos 2:7

Yanem da'me 'loyaĝac 'me ja 'naidena'a jogaa'me jo'ne 'nañaĝadetec da'me yelodaque, da'me 'lonaĝac ñe'me Dios da'me ja yitaĝa pal.

Mateo 24:13

Qalaĝaja ga'me jo'ne 'nañaĝatela't chayovida'a da'me loiquiaqa', nach'ega qoyanem da'me lec'alaĝa jo'ne ja 'naidena'a.

Juan 8:36

Chane'eja naq'aeta, qom japalaĝa't naa'me adoecodi', queda'me jayem Lec'oĝot joñe'me Dios, qama'le eja yataqachiñe ami qoyejodegue.

Juan 6:55

Qa'a jena'me yapat nach'ena jo'ne yataqatelegue niqui'yaĝat nataq'aen jana'me yetauo' nach'e ena'am yataqatelegue naiquip.

Hechos 13:43

Ca'li joote yataqachiñe yem ga'me yema'a't jo'ne qoyachaue ga'me nemaĝaiqui, jalcote ga'me judiopi nataq'aen joga'me jo'ne tadoue ga'me judiopi lepe'e quetegue ñe'me Pablo nataq'aen Bernabé. Qama'le noqotetapegalo jogaa'me qaedi 'nañaĝatela'ajalo da'me quetedalegue da'me joote yacoteguet 'me chiyaqayi da'me lichoĝodenataĝanaĝac ñe'me Dios.

1 Juan 2:19

Nach'egaua jo'ne qo'mi ueteda'ajopa mañaĝa, qalaĝaja ja eja da'me qo'mi chiyoqodayilo, qama'le qo'mi ca'ae jogaa'me. Gamachaqaega jo'ne yataqata qo'mi chiyaqayilo, nach'ega qamqa'me nach'e eta't qo'mi uetauelo. Qalaĝaja, 'uo da'me dojo' qaedi di'yoqo'teque queda'me yema jogaa'me ja qo'mi 'te yotaua'n.

Hebreos 8:9

Chane'eja da'me dalaĝaic jo'ne ja'uo qomle, Male ja jen 'te ena'am da'me je'eteque dia'me jo'ne mach'e auachiyoĝoyegueta, Queda'me ena'am ta'le yajoqot'alo naa'me loua' ca'li qaedi jen queda'e di'me aleua jo'ne Egipto. Jogaa'me ja nach'e eta't da'me queteda'ague da'me jo'ne mach'e 'yamaqatenataĝanaĝac, Qama'le da'me jayem male jeca'ae.

1 Timoteo 2:15

Qalaĝaja jaga'me yauo qonec'alaĝategue nale qo'uaĝai, chayovida'a da'me c'oe, qom yataqata en chimaqategue ga'me lepe'e choqoga'me loqopich'i, qom joĝodai nataq'aen qom yiyamaĝatetac da'me nejiyaĝauayaĝac.

Juan 1:47

Mane'e da'me yauana ñe'me Jesús da'me nec'ata ñe'me Natanael qama'le eetac: —Jenjo' jo'ne naequena yataqachiñe yataqatelegue Israel le'ec, nach'ena jo'ne qaya'te loqovinaĝanaĝac.

Hechos 26:22

Qalaĝaja queda'me jayem lecochiya ñe'me Dios qama'le chayovida'a nayi nach'e jeta't, ena'uaque joga'me jiyaĝadipi ja'aĝatapema joñe'me Dios, jaqayi't choqogaa'me 'yaĝayaqa. Qaya'te ua'a ta'le ñenaĝategue ga'me yaqa'a jo'ne 'yaĝatetedac gaa'me Dios 'laqataĝanaĝanaqa nataq'aen ñe'me Moisés jo'ne 'uo nayi 'me qo'mi di'yoĝoma:

Juan 2:2

Nataq'aen 'uo ñe'me Jesús choqogaa'me mach'e lapaĝaguenataqa jo'ne nach'e ena'ama qoyepiquinalo qaedi uetedaue ga'me 'nonáĝac.