Juan 8:23 - Nuevo Testamento Toba Sombrero Negro

²³ Jesús t'aqataĝanema jogaa'me: —Ami jo'ne mach'e auachiyoqoya'ña jenjo' p'añe, qalaĝaja da'me jayem qamqa'me jachiyoĝogue di'me p'ajeguem. Queda'me ami jo'ne aleua laje'pi; da'me jayem qamqa'me ja jayem 'te aleua le'ec.

Nuevo Testamento Toba Sur

²³ Nachi so Jesús 'enapega somayipi, 'eeta': –Qami' qauachigoqoitelec ne'ena npa'aguiñi; aÿim, qalaxayi sachigoqta'ague da pa'ashiguem. Qami' maichi qadmayi ana 'alhua; aÿim, qalaxayi sa ishit da ima' ana'ana 'alhua.

La'aqtaqa Ñim Lo'onatac 'Enauacna 2013

²³ Nache So Jesús ỹataqta ỹa'axatta da 'eetega, 'eeta': –Qami' 'etaxaloxoicpi, qoñiita'am 'enauac na huetalec ana 'alhua. Qalaxaye Aỹem saishet da ima' ana 'alhua, cha'aye Aỹem sachegoqta'ague da piguem.

Juan 8:23 Referans Kwoze

Juan 3:31

Joñe'me jo'ne chiyoĝogue di'me p'ajeguem napacalegue ena'uac; gaa'me jo'ne ueda'ña jena'me aleua nach'egaua jo'ne ch'e aleua laje' nataq'aen da'me 'yaĝate'tape gaa'me uo'oe jo'ne ch'e ueda'ña jena'me aleua. Qalaĝaja joñe'me jo'ne chiyoĝogue di'me piyem nach'eñe jo'ne napacalegue ena'uac,

Juan 17:16

Qama'le ena'am da'me jayem ja 'yachaqa' jena'me aleua, naa'me naajo' nach'e ena'am ja 'lachaqa't jena'me aleua.

Juan 17:14

Joote janema naa'me at'aqataqa, qalaĝaja jenjo' aleua laje'pi niquiya'alo qa'a naa'me naajo' jo'ne jojapegue'to ja 'lachaqa't jena'me jenjo' aleua, qama'le ena'am da'me jayem ja 'yachaqa' jena'me aleua.

Santiago 4:4

¡Ja ami 'te yataqatelo'te! ¿Qo'li ja auayachiñe joda'me qom anoqopicheguet jena'me ua'ña jena'me aleua qama'le nach'e ami jo'ne laute'u joñe'me Dios? Gamachaqaega jo'ne en lelnataĝac da'me noqopita nataq'aen da'me 'yamaqate'n jena'me jo'ne ua'ña jena'me aleua, nach'ega 'viyelaĝaguet da'me en lauteua joñe'me Dios.

Juan 3:13

“Qaya'te ta'le yec'adije'ma di'me piyem dite ñe'me jo'ne nenochiñe 'me chiyoĝogue di'me piyem, jo'ne nach'eñe Jiyaĝaua Lec'oĝot.

Juan 1:14

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.