Juan 8:11 - Nuevo Testamento Toba Sombrero Negro

¹¹ Jaga'me yauo male 'yateguet: —Am Jaliaĝanec, qaya'te jayem 'yedetec. Jesús male enaac: —Qama'le nach'e ena'am da'me jayem, qaya'te ta'le jen adaviyaĝajet. Qama'le nayi da'me male oc, ena'te yitaĝa a'viyelaĝa't naa'me adoeco.

Nuevo Testamento Toba Sur

¹¹ Nachi asomayi 'enapeco': –'A'i, qaica, 'am ÿataxala'. Nachi so Jesús 'enapego' asomayi, 'eeta': –Aÿim nataq'en sa ishit da 'am salauat. Nagui 'am qojec. Qalaxayi sa ishit qome da qaltaq 'auauo'o ca 'adasouaxashit.

La'aqtaqa Ñim Lo'onatac 'Enauacna 2013

¹¹ Nache asomaye 'enapeco': –Qaica, 'am Ỹataxala'. Nache So Jesús 'enapego' asomaye, 'eeta': –Aỹem nataqa'en saishet da sauo'o ca 'arasouaxashet. Qaq nagui 'am qojec, qalaxaye saishet da qaltaq 'avi'eguelaxalec da 'auo'ot som qauem maye 'auo'ottac.]

Juan 8:11 Referans Kwoze

Juan 3:17

Qa'a ñe'me Dios namaĝa'ña jena'me aleua ñe'me Lec'oĝot: ja namaĝa'ña jogaa'me aleua laje'pi qaedi ya'uo ga'me ne'uaĝanague'j, dite da'me qaedi nec'alaĝatedegue jogaa'me jiyaĝadipi.

Juan 5:14

Ca'li yem da'me dojo', male Jesús yauana da'me ue'ta ga'me tamenaĝaiqui, qama'le enaac: —Pega, nayi da'me male ademegue; ena'te yitaĝa aua'uo ga'me adoec jo'ne ja no'en, qaedi ja aue qomle ga'me adachoĝodec jo'ne lama'aja.

Juan 8:15

Ami jo'ne analoqochiñe joga'me jo'ne ch'e jiyaĝaua lelnataĝac, jayem qamqa'me ja ñaloqote'n gamachaqaegaua lelnataĝaco jogaa'me jiyaĝa'u.

Lucas 15:7

Ami ja'aĝatema queda'me nach'e ena'am jalcote da'me lamai'j jogaa'me jo'ne neda'ague di'me piyem jouaĝat ga'me onolec loeco lo'o jo'ne 'niyeloqot joñe'me Dios, qamaĝa gaa'me noventa y nueve 'me chimadichidiñe jo'ne ja youetedaque da'me 'ñemaĝadiñe.

Lucas 5:32

Nach'e ena'am da'me yajouaĝat da'me ñanaequena: ja jiyaĝanalo gaa'me chimadichidiñe, dite ga'me loeco lo'olpi, qaedi 'niyelaĝadetot joñe'me Dios.

Romanos 2:4

Am aualajaĝan da'me ja yemeta lichoĝodenataĝanaĝac ñe'me Dios, ¿ja auetadenac joona da'me nach'eda da'me lichoĝodenataĝanaĝac jo'ne am yeuequetague da'me aĝadegue naa'me adoeco?

Lucas 13:3

Qalaĝaja ami ja'aĝatema queda'me ja naq'aeta; nataq'aen da'me ami qom ja a'niyelaqaeyot joñe'me Dios, qama'le nach'e ena'am adelevi qom'te.

Lucas 15:10

Ami ja'aĝatema queda'me nach'e ena'am jalcote da'me lamai'j joñaa'me piyem laje' jouaĝat ga'me onolec loeco lo'o jo'ne 'niyeloqot joñe'me Dios.”

Juan 18:36

Jesús 'yateguet joñe'me Pilato: —Da'me mach'e yejaliaĝa ja ua'ña jenjo' aleua. Ta'le naq'aeta ua'ña jenjo' aleua da'me yejaliaĝa, qama'le gaa'me yalemaĝajetpi deloiqui'tape qaedi ja jayem 'te yadegue jogaa'me judiopi lajoĝola'te. Qalaĝaja queda'me ja naqaena ta'le ua'ña jenjo'.

Lucas 15:32

Qalaĝaja, youen da'me jauoqo da'me qanetonaĝac jo'ne qadiqui'yaĝac nataq'aen qo'mi made'tape, qa'a ñe'me adanoqolec ena'am ta'le yeleu mañaĝa, qama'te yitaĝa nec'alegue; te'me yejomac mañaĝa, qalaĝaja yitaĝa jauanaĝa.»”

Lucas 13:5

Qalaĝaja ami ja'aĝatema queda'me ja naq'aeta; nataq'aen qom mach'e ami da'me ja a'niyelaqaeyot joñe'me Dios, qama'le nach'e ena'am adelevi qom'te.”

2 Pedro 3:15

Anetoviñetac da'me napogaĝadenaĝac ñe'me Qadejaliaĝanec, queda'me qo'mi yeuate'talo qaedi 'uo da'me mach'e qadec'alaĝac. Naqaeda jo'ne joote ami 'yaĝatema ñe'me jo'ne mach'e qadaqaya Pablo, da'me joote ami yamaĝalo gaa'me ledii's, da'me jo'ne chiyaqayi da'me layatenaĝanaĝac 'me Dios yanem ca'li.

1 Corintios 5:12

Qa'a ja naqayem ta'le jemaĝagueta gaa'me jo'ne ja p'etaqadayaqa. Qalaĝaja, ¿qo'li ja 'noota ta'le auamaqayegueta gaa'me ja 'noe'n 'me ami uetauelo?

Lucas 9:56

Yem qama'le dajotegue ga'me noic laqaya.