Juan 7:35 - Nuevo Testamento Toba Sombrero Negro

³⁵ Jogaa'me judiopi lajoĝola'te male mach'e nenatetapega't onolqa'tape, yenate'tape jogaa'me laqaya': —¿Jach'e jogamaĝa yec'ata da'me jetaque ec, da'me qaedi ja jaqanatetaq ta'le yitaĝa jauanaĝa? ¿Qo'li ec qaedi yec'atalo jogaa'me judiopi jo'ne nelagaĝa, qama'le uetauelo jogaa'me jo'ne ja judiopi qaedi yapaĝague'n jogaa'me?

Nuevo Testamento Toba Sur

³⁵ Nachi nam judiopi maichi nnattega't, 'eeta': –¿Chaq huá'ago' ca dataigue damayi, da yaqto' qomi' sa ishit da sanataxa? ¿Qalqo' nqo'ona nam judiopi mayi nlagaxattac nam netaigui nam saq judiopi, da yaqto' ÿapaxaguen na sa ishit da judiopi?

La'aqtaqa Ñim Lo'onatac 'Enauacna 2013

³⁵ Nache nam judiopi maiche nnattega't, 'eeta': –¿Chaq hua'ago' ca dataigue damaye da yaqto' saishet da sanataxa? ¿Qalqo' nqo'ona nam judiopi maye netaña na ỹaqa'a 'alhuapi, da yaqto' ỹapaxaguen nataqa'en nam saishet da judiopi?

Juan 7:35 Referans Kwoze

Santiago 1:1

Jayem Santiago jo'ne jayem lalemaĝajet ñe'me Dios choqoñe'me Qadejaliaĝanec Jesucristo, yamaic ami jamaĝalo, yema da'me ami jo'ne ami Dios lec'oqo'tepi 'me auachiyoĝoyegueta jogaa'me doce Israel lec'oqo'tepi 'me laedelegue yema jena'me aleua.

1 Pedro 1:1

Jayem Pedro, da'me jayem lamaĝajec joñe'me Jesucristo, male ami jamaĝalo da'me yep'iyenataĝanaĝac, da'me ami jo'ne lagaĝaiquipi 'me oñita'ña ga'me jo'ne p'aye joga'me te'me at'achaqadi', gaa'me ale'u lael jo'ne lenaqa'te da'me Ponto, Galacia, Capadocia, Asia nataq'aen di'me Bitinia.

Juan 12:20

Ga'me jiyaĝadipi jo'ne dajotegue di'me Jerusalén da'me yema'ajalo jaa'me noloqo'ote jo'ne neualaĝayaĝaiqui, uo'oe gaa'me jo'ne griegopi.

2 Timoteo 1:11

Dios en jayem lamaĝajec nataq'aen en jayem paĝaguenataĝanaĝaic qaedi ja'aĝatetac da'me dojo' 'laqataĝanaĝac jo'ne onaĝaic.

1 Timoteo 2:7

Nach'ena jenjo' qoyen ja'aĝatetac uotaĝa jayem aqataĝanaĝaic naa'me naajo' 'naqataqa, qama'le jayem yamaĝalo joga'me ja judiopi qaedi japaĝaguetapeque gaa'me ejoda jo'ne 'laqataĝanaĝaco joñe'me Jesús. Jenjo' jo'ne ja'aĝatetac yataqata eja, ja joqovinaĝatac.

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

Efesios 3:8

Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

Hechos 22:21

Qalaĝaja ñe'me Jaliaĝanec enaac: «Jamo, oc, qa'a am jamaĝayelo gaa'me ale'u jo'ne qaya'aguelo.»”

Hechos 21:21

Nataq'aen qot'aqataĝanema jogaa'me queda'me ena'uaque joga'me judiopi jo'ne neta'ñalo naa'me ja 'lachaqa'te, auapaĝaguetapeque da'me qaedi nematec daa'me daajo' namaĝajoĝonaĝaco, nataq'aen a'uaqataĝanema jogaa'me qaedi ja yajede'tem da'me 'nanec jo'ne nichaĝajoĝonaĝac gaa'me lec'oqo'te' uotaĝa ta'le quetegue da'me qat'oyaĝac 'me janaqa'ac.

Hechos 11:18

Ca'li domachita da'me dojo' jogaa'me laqaya'olqa jo'ne ueteda'a di'me Jerusalén, qama'le 'nemaĝadiñe nataq'aen 'nonaĝachidegue joñe'me Dios, enapega't: —¡Chane'eja nach'e ena'ama ga'me ja judiopi queda'me Dios ya'uo ledaqa't qaedi 'niyelaĝadetot joñe'me nataq'aen yaqanate't ta'le yacoteguet da'me 'loyaĝa'j jo'ne ja 'naidena'a!

Juan 8:22

Jogaa'me judiopi lajoĝola'te male enapega'ajalo: —Da'me dojo' jo'ne nenaĝategue, ena'am ta'le jetaque mach'e nalatela't qomle, qo'che' nenaĝategue da'me eetapega ja jaqanatetaq ta'le jajoĝogue joga'me jo'ne yec'ata.

Lucas 2:32

Nach'eñe ena'am ta'le yoqochiñe jo'ne yecoyadelegue ena'uaque joga'me jiyaĝadipi; nach'eñe chiyaqayi da'me qo'mi qoyi'yoĝode'tape, qo'mi Israel laje'pi jo'ne mach'e qo'mi ac'oqo'tepi.”

Mateo 12:21

Qama'le yema ga'me noyaqapi 'Uo da'me leuataqataĝanaĝa'j Da'me naqaeñe jo'ne chiyaqayi da'me nec'alaĝa.”

Juan 7:1

Ca'li yem da'me dojo', qama'le Jesús quetalegue yema ga'me aleua jo'ne Galilea, qa'a male ja jetaque ue'ta di'me Judea, yajouaĝat da'me uo'oe jogaa'me judiopi lajoĝola'te jo'ne yelotedaque queda'me jetaque yala't joñe'me.

Hechos 11:20

Taqaeue'ta, uo'oe gaa'me p'etaqadayaqa Chipre laje' nataq'aen Cirene yovideta di'me noic jo'ne Antioquía qama'le nach'e ena'ama t'aqataĝatapema ga'me jo'ne ja judiopi, yapaĝaguetapeque daa'me onaĝayaqa 'me 'yaĝatetedac ñe'me Jesús, mach'e Jaliaĝanec.

Hechos 14:1

Da'me male ueteda'a di'me Iconio, Pablo nataq'aen Bernabé tadoue ga'me judiopi lemaĝaiqui' naq'aeta da'me naeda'ac, qama'le gaa'me 'laqataqa qayoĝode' gaa'me en 'ñemaĝadeta da'me p'iida'a, ga'me judiopi choqogaa'me ja judiopi.

Hechos 17:4

Uo'oe ga'me judiopi jo'ne p'iida'a qama'le uaĝayeta' ñe'me Pablo nataq'aen Silas. Nach'e ena'am jalcote ga'me griegopi p'iida'a, jo'ne jalchi'ena 'nonaĝachidegue joñe'me Dios, nataq'aen qayoĝode' gaa'me yauo' jo'ne p'ajodaye.

Hechos 18:4

Qama'le nalochigui naa'me noloqo'ote 'me niyamaqataqa, Pablo yec'ata nale ga'me judiopi lemaĝaiqui', ua'a nale dojetac, jetaque yepaquetapega da'me 'ñemaĝachidiñe ga'me judiopi nataq'aen ga'me ja judiopi.

Romanos 1:16

Ja jepocoĝolegue da'me dojo' onaĝaic 'naqataĝanaĝac, qa'a nach'eda lañoqotaĝanaĝac ñe'me Dios qaedi ena'uaque gaa'me jo'ne p'iida'a yededalegue da'me qonec'alaĝatedegue, nach'egaua joga'me judiopi jo'ne 'uaediñe, qama'le nach'e ena'ama yema joga'me jiyaĝadipi.