Juan 7:32 - Nuevo Testamento Toba Sombrero Negro

³² Jogaa'me fariseopi domachita da'me 'naĝatetedapiye jogaa'me jiyaĝadipi ñe'me Jesús, qama'le jogaa'me fariseopi nataq'aen jogaa'me lejaliaĝanaqa gaa'me tamenaĝaiqui lo'olpi yamaĝalo'te gaa'me neteloqo't ga'me tamenaĝaiqui qaedi male yecoñe't joñe'me.

Nuevo Testamento Toba Sur

³² Na fariseopi co'ollaq hua'aqtapoigui na shiÿaxauapi da 'eetega so Jesús, nachi namayipi qataq nam lataxala'pi na ntaxaÿaxanaxanecpi namaq so huataxanaq mayi ilotague' aso n'onaxanaxaqui, da yaqto' ÿaconeu'a somayi da icoñi'.

La'aqtaqa Ñim Lo'onatac 'Enauacna 2013

³² Na fariseopi co'ollaq hua'aqtapogoigui na shiỹaxauapi da 'eetega So Jesús, nache namayepi qataq nam lataxala'pi na ntaxaỹaxanaxanecpi nama'q soua huataxanaq lashe' maye ilotegueto aso no'onaxanaxaqui late'erai, da yaqto' ỹaconeua'alo Somaye da icoñe't.

Juan 7:32 Referans Kwoze

Hechos 5:26

Joñe'me lejaliaĝane'j ga'me vitaĝaiquipi, nach'e ena'am gaa'me vitaĝayaqa, yitaĝa dajoyilo ca'li qaedi nauedeuo; qalaĝaja ja yauaĝalo'te jogaa'me, qa'a t'oidapega ga'me jiyaĝadipi ta'le qoyijaĝaque ga'me qadipi.

Juan 18:3

Chane'eja ñe'me Judas da'me yovidi't jalcote joga'me coicopi jo'ne lequiaĝa'upi nataq'aen uo'oe gaa'me neteloqo't joga'me tamenaĝaiqui nataq'aen gaa'me lamaĝa's joga'me tamenaĝaiqui lo'olpi choqoga'me fariseopi, jo'ne uo'oe jogaa'me 'leuoĝonaqate', nataq'aen da'me yachi'tape jogaa'me lecoyadaĝanaqatel nataq'aen gaa'me lecoyadaĝanaqate laqaya jo'ne dole'.

Juan 12:19

Qalaĝaja joga'me fariseopi male enapega't da'me nenada'ajalo: —¡Piiya! Male anauañechigui da'me qaya'te ta'le jaqanatetaq. Auec'achiñe, ¡ena'uac quetegue joñe'me!

Mateo 23:13

“¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi 'me ja ejoda! Ami jo'ne auapadiñigueta gaa'me jiyaĝa'u laqaya' queda'me jetaque tadoue da'me lejaliaĝa joñe'me Dios, naqa'ami jo'ne ja auaqanachichi ta'le ayoue joda'me, choqoda'me ja auajeñe'tema gaa'me jo'ne jetaque tadoue.

Mateo 12:14

Qalaĝaja ca'li yenoĝodegue ga'me fariseopi, paja'a uenateteda'a ga'me yauote qomle, qaedi yala't ñe'me Jesús.

Mateo 26:58

Pedro ch'e yec'atalegue ca'li qaya'aguet chayovida'a yeda'uo ga'me p'auo jo'ne napegoue ñe'me lejaliaĝane'j joga'me tamenaĝaiqui lo'olpi, qama'le nach'e ua'a da'me ñichiñe uetauelo jogaa'me vitaĝayaqa ga'me tamenaĝaiqui qaedi yema yauatalegue ga'me 'uo ca'li.

Juan 7:30

Qama'le ua'a da'me jetaque qoyaconeuo'o qaedi qoyecoñe', qalaĝaja qaya'te ta'le onolec jo'ne nodegue ga'me louaq qaedi yaconeuo'o, qa'a maliaĝa jona'li yovita da'me mach'e laloqo'.

Juan 11:46

Qalaĝaja uo'oe gaa'me laqaya' jo'ne eque' da'me yec'atalo joga'me fariseopi, qama'le t'aqataĝa'tape da'me ya'uo joñe'me Jesús.