Biblia Todo Logo
Bib sou entènèt

- Piblisite -




Juan 7:16 - Nuevo Testamento Toba Sombrero Negro

16 Jesús male 'yategueta jogaa'me: —Da'me dojo' yapaĝaguenataĝanaĝac ja mach'e yoĝot, dite da'me loĝot ñe'me jo'ne jayem namaĝaquena.

Gade chapit la Kopi

Nuevo Testamento Toba Sur

16 Nachi so Jesús 'enapeco': –Da ÿapaxaguenataxanaxac, damayi sa ishit da ÿalamaxat, damayi chigoqo'ot ñim aÿim namaq.

Gade chapit la Kopi

La'aqtaqa Ñim Lo'onatac 'Enauacna 2013

16 Nache So Jesús 'enapeco': –Da ỹapaxaguenataxanaxac, damaye saishet da ỹalamaxat, damaye chegoqo'ot Ñim Aỹem namaq.

Gade chapit la Kopi




Juan 7:16
14 Referans Kwoze  

Ga'me jo'ne ja jayem 'te noqopita, nach'ega jo'ne ja yoqocha'alo naa'me 'yaqataqa. Nach'ena na'me 'yaqataĝanaĝac jo'ne joote auomachiya; ja mach'e yelnataĝac, dite da'me chiyoqo'ot joñe'me Taĝadena' jo'ne jayem namaĝaquena.


¿Qo'li ja a'uamaqachiñe da'me nach'ayem jo'ne jone'tajop joñe'me Taĝadena', nataq'aen joñe'me mach'e jayem ne'tajop? Naa'me naajo' jo'ne ami ja'aĝatetapema ja naq'aeta ta'le mach'e 'yaqataqa, dite da'me 'uo ñe'me Taĝadena' jo'ne jayem ne'tajop, nach'eñe jo'ne ya'uo na'me mach'e 'lonataĝanaĝac nale.


qa'a joote ja'aĝatema naa'me 'naqataqa jo'ne jayem auanema, qama'le nach'e ena'am yaconegueta jogaa'me. Nataq'aen da'me yataqachiñe am nomeda'a da'me eja am jachiyaqayi, nataq'aen da'me ja yoqolegue't da'me naqa'am jo'ne jayem anamaĝaquena.


“Jayem ja jaqanatet ta'le ja'uo ga'me jo'ne mach'e yelnataĝac, dite ga'me jo'ne jayem yamaĝalegue ñe'me Taĝadena'. Chane'eja nach'e ena'am nalo'taguet da'me mach'e yec'atenaĝanaĝac, qa'a ja ja'aĝatetac da'me ja'uo ga'me jo'ne mach'e yelnataĝac, dite ga'me jo'ne lelnataĝac joñe'me Taĝadena', joñe'me jo'ne jayem namaĝaquena.


Joote janema naa'me at'aqataqa, qalaĝaja jenjo' aleua laje'pi niquiya'alo qa'a naa'me naajo' jo'ne jojapegue'to ja 'lachaqa't jena'me jenjo' aleua, qama'le ena'am da'me jayem ja 'yachaqa' jena'me aleua.


Qo'che' ñe'me Jesús enapegalo: —Qomle jayem auañiyajeguem da'me male jayem auep'eñiyajeguem, queda'me naqayem jo'ne jayem Jiyaĝaua Lec'oĝot, qama'le yemta da'me auayachiñe da'me eja naqayem. Nataq'aen auayachiñe qomle da'me qaya'te ta'le ja'uo ga'me ch'e yelnataĝac; onolec da'me ja'aĝatetac da'me jo'ne jayem yapaĝaguenec ñe'me Taĝadena'.


Eja da'me am ja'aĝatem: queda'me qo'mi ja'aĝataqatac da'me jo'ne mach'e jayatenaq, nataq'aen jechoqotaqatac da'me jo'ne joote jauanaĝa. Qalaĝaja da'me ami ja auacoñiyeguet da'me jo'ne ñenaĝataĝaye.


Qaya'te ta'le yaqanatet jayem nec'ata, qom ja jayem 'te novidaĝa'ta joga'me joñe'me Taĝadena' jo'ne jayem namaĝaquena, qama'le naqayem da'me 'ñiyelaĝachijeguem qom yovita ga'me nolo' jo'ne p'ategue.


Joñe'me jo'ne chiyoĝogue di'me p'ajeguem napacalegue ena'uac; gaa'me jo'ne ueda'ña jena'me aleua nach'egaua jo'ne ch'e aleua laje' nataq'aen da'me 'yaĝate'tape gaa'me uo'oe jo'ne ch'e ueda'ña jena'me aleua. Qalaĝaja joñe'me jo'ne chiyoĝogue di'me piyem nach'eñe jo'ne napacalegue ena'uac,


Jenjo' jo'ne qoyen di'yoq, da'me jo'ne maliaĝa ja qoyayate'n jo'ne Dios yane'm joñe'me Jesucristo, qaedi yayatenaĝanaĝaneque jogaa'me mach'e lalemaĝaje'te ga'me jo'ne paja'a 'uo qomle, chane'eja jayem namaĝa ñe'me lamaĝajec jo'ne piyem le'ec qaedi jayem yayatenaĝanaĝan, da'me jayem Juan jo'ne mach'e jayem lalemaĝajet joñe'me.


Qom 'uo ga'me eetapela't noqotetenegue da'me jo'ne joote Cristo dapaĝaguenataĝanec, nach'ega ja ue'tajop joñe'me Dios. Qalaĝaja ga'me jo'ne 'nañaĝateque daa'me daajo' Cristo lapaĝaguenataĝanaĝaco, nach'ega ue'tajop joñe'me Qadet'a nataq'aen joñe'me Lec'oĝot.


Swiv nou:

Piblisite


Piblisite