Juan 7:14 - Nuevo Testamento Toba Sombrero Negro

¹⁴ Qalaĝaja ca'li male yovita ga'me laeñi ga'me neualaĝayaĝaiqui, qama'le Jesús taue ga'me tamenaĝaiqui da'me dapaĝaguenataĝan.

Nuevo Testamento Toba Sur

¹⁴ Qalaxayi co'ollaq mashi laiñi so naponaxac, nachi so Jesús taigui aso n'onaxanaxaqui, nachi quetot da dapaxaguenataxaatac.

La'aqtaqa Ñim Lo'onatac 'Enauacna 2013

¹⁴ Qalaxaye co'ollaq mashe laiñi soua naponaxaqui', nache So Jesús taigui aso no'onaxanaxaqui late'erai, nache dapaxaguenataxan.

Juan 7:14 Referans Kwoze

Juan 7:28

Joca'li Jesús domachiyalo, da'me uetaue ga'me tamenaĝaiqui da'me dapaĝaguenataĝatac, qama'le netenec da'me 'laqatac, enaac: —¡Chane'eja auepíchitapega da'me joote jayem auatetoñi, nataq'aen da'me joote auayachiñe ga'me jo'ne jachiyoĝogue! Qalaĝaja ja mach'e jayem ta'le yelnataĝac da'me ñanaequena, dite da'me jayem namaĝaquena ñe'me jo'ne yataqatelegue, joñe'me jo'ne ja auatetoñi.

Lucas 19:47

Yemeda na'me noloqo'ote Jesús dapaĝaguenataĝatac, uetaue ga'me tamenaĝaiqui; qama'le gaa'me lejaliaĝanaqa ga'me tamenaĝaiqui lo'olpi nataq'aen ga'me judiopi napaĝaguenoqo'tpi nataq'aen nach'e ena'ama gaa'me lejaliaĝanaqa ga'me noic yelotedaque chiyaqayi da'me yala't.

Juan 18:20

Jesús 'yateguet joñe'me: —Jayem joote jojapegue'to ena'uac joga'me aleua laje'pi ja joĝochiñe da'me 'yaqatac, qama'le nach'e eta't da'me japaĝaguenataĝanouelo jogaa'me ademaĝaiqui' nataq'aen ga'me tamenaĝaiqui let'adaic, di'me jo'ne ua'ña nale yema'a't ena'uaque joga'me judiopi. Chane'eja qaya'te 'yaqatac ta'le joĝochiñe.

Juan 8:2

Jojo'me ne'teta 'me nolo' laqaya, qama'le yitaĝa 'viyelaĝa ga'me tamenaĝaiqui, qama'le jogaa'me jiyaĝadipi yec'adeta joñe'me, da'me ñichiñe qaedi yapaĝague'n.

Juan 7:37

Jo'me nolo' jo'ne p'ategue 'me neualaĝayaĝaiqui, nach'ejo jo'ne yaguegue da'me ni'yoĝodenataguec, qama'le nach'ejo jo'me nolo' da'me Jesús nechachiñe da'me netenec joda'me lapaĝaguenataĝanaĝac, enaac: —Ena'uaque jogaa'me jo'ne yelinqui'p, 'noota qom jayem nec'adeta, qaedi ñiyomaĝa'n.

Juan 7:2

Qama'le joote nadi'ta ga'me nolo' da'me qonauelo jogaa'me emaqa jo'ne nomachaĝaiqui', qa'a naq'aeta da'me jo'ne mach'e leualaĝayaĝaiqui' jogaa'me judiopi.

Juan 5:14

Ca'li yem da'me dojo', male Jesús yauana da'me ue'ta ga'me tamenaĝaiqui, qama'le enaac: —Pega, nayi da'me male ademegue; ena'te yitaĝa aua'uo ga'me adoec jo'ne ja no'en, qaedi ja aue qomle ga'me adachoĝodec jo'ne lama'aja.

Mateo 26:55

Paja'a Jesús yachimaĝatalo joga'me jiyaĝadipi: —¿Toqoch'e anachiyi' naa'me adedaĝanaqachidi' da'me auanaeyiquena nataq'aen naa'me anepo'ñedi' da'me jayem auecoñediye, ena'am ta'le jayem cachaĝaic? Yemeda naa'me noloqo'ote da'me jouetaue ga'me tamenaĝaiqui da'me japaĝaguenataĝatapegoue, qalaĝaja qaya'te ua'a ta'le jayem auecoñediye.

Mateo 21:12

Jesús taue ga'me tamenaĝaiqui qama'le yema yamaĝadegue ga'me jo'ne demenaĝa'tape nataq'aen neuode'tape. Yamaĝadiñe gaa'me uodenaĝala'te, lachaĝala't nale qoya'uo tayí jaga'me naicaua ga'me jiyaĝadipi, nataq'aen ga'me nedapi'ña nale joga'me jo'ne yemedec ga'me doqoto'pi;

Juan 8:20

Jesús nenaĝategue jenjo' ca'li da'me cha'li dapaĝaguenataĝatapegoue joga'me tamenaĝaiqui, ga'me jo'ne na'ña jaga'me najaqaje lae't. Qalaĝaja qaya'te ta'le yaqanatet ta'le yacona louaq qaedi yecoñe', qa'a maliaĝa ja yovita da'me mach'e laloqo'.