Juan 7:12 - Nuevo Testamento Toba Sombrero Negro

¹² Qama'le jogaa'me jiyaĝadipi jalcote da'me qonejoĝotapiye joga'me. Uo'oe gaa'me enapega'ajalo: “Dojo' jiyaĝaua onaĝaic da'me 'lonatac.” Qalaĝaja uo'oe gaa'me jiyaĝa'u laqaya' jo'ne enapega'ajalo: “Dojo' jiyaĝaua ja yataĝalegue, ch'e yoqovitac jena'me jiyaĝadipi.”

Nuevo Testamento Toba Sur

¹² Nachi qalota na shiÿaxauapi na n'aqtaxaatapigui somayi. Huo'o na 'eeta': “Se'eso shiÿaxaua, somayi no'on da lataxac.” Qalaxayi huo'o na laÿipi 'eeta': “Somayi sa ishit da no'on da lataxac; somayi chochi ÿatenachittac na shiÿaxauapi.”

La'aqtaqa Ñim Lo'onatac 'Enauacna 2013

¹² Nache qalota na shiỹaxauapi na na'aqtaxaatapigui Somaye. Huo'o na 'eeta': «Se'eso Jesús, Somaye ỹataqta no'on da lataxac.» Qalaxaye huo'o na laỹepi na 'eeta': «Somaye choche ỹatenachettac na shiỹaxauapi.»

Juan 7:12 Referans Kwoze

Juan 9:16

Qama'le uo'oe gaa'me fariseopi jo'ne enapega't: —Joga'me jo'ne ya'uo da'me dojo' ja chiyaqaje'ma ñe'me Dios, qa'a nach'ega ja yayaten ga'me nolo' jo'ne niyamaqatac. Qalaĝaja uo'oe gaa'me laqaya' jo'ne enapega't: —Ga'me jiyaĝaua jo'ne loeco lo'o, ¿qo'li yaqanatet ta'le ya'uo da'me dojo' 'nanec jo'ne yaloĝon? Qama'le ua'a ca'li da'me male yodapecache naa'me lelnataĝaco.

Juan 7:47

Qama'le jogaa'me fariseopi enapega'ajalo: —Nach'e ena'am da'me ami, ¿toqoch'e auoqochiya da'me noqovinaĝanaĝac?

Juan 7:32

Jogaa'me fariseopi domachita da'me 'naĝatetedapiye jogaa'me jiyaĝadipi ñe'me Jesús, qama'le jogaa'me fariseopi nataq'aen jogaa'me lejaliaĝanaqa gaa'me tamenaĝaiqui lo'olpi yamaĝalo'te gaa'me neteloqo't ga'me tamenaĝaiqui qaedi male yecoñe't joñe'me.

Filipenses 2:14

Chane'eja gamachaqaega ga'me a'vichi, ena'te ami jaĝayaqa uotaĝa ta'le auecochetapiye nale,

Romanos 5:7

Qalaq da'me dojo' ta'le 'uo ga'me najetoue da'me qoyalat jo'ne nep'aĝaneguet ga'me jiyaĝaua laqaya; uotaĝa ta'le najetoue da'me nep'aĝaneguet ga'me jiyaĝaua 'me yataqatelegue; mate mane'e 'uo gamachaqaega yaqanatet ga'me jo'ne jalcote 'noota ga'me 'yetec qama'le nemenoue da'me leleuaĝa.

Hechos 11:24

Qa'a ñe'me Bernabé yataqachiñe onaĝaicaloec ca'li, nejaqachigui ñe'me Dios Lepaqal nataq'aen da'me lepe'e. Qama'le naq'aeta da'me jalcote ga'me jiyaĝadipi quetegue ñe'me Jaliaĝanec.

Juan 7:52

Qama'le jogaa'me male 'yadeteguet: —¿Qo'li nach'e ena'am da'me am Galilea le'ec? Anapaĝaguenalo jonaa'me nedii's qama'le auayaten da'me ja chiyaqa'ña di'me Galilea ga'me Dios 'laqataĝanaĝanec.

Juan 6:14

Joga'me jiyaĝadipi, mane'e da'me yauata da'me dojo' di'yoq q'aen jo'ne 'nanec 'me ya'uo ñe'me Jesús, qama'le enapega't: —Jenjo' jo'ne nach'ena 'me yataqatelegue 'laqataĝanaĝanec ñe'me Dios, nach'eñe jo'ne qo'yaĝat ca'li da'me nec'achi'ña jena'me aleua.

Lucas 23:50

'Uo ca'li ñe'me jiyaĝaua lenaĝat José jo'ne lecochaĝa'u gaa'me jiyaĝa'u p'ajodaye jo'ne dajoya'a't nale. Qalaĝaja José onaĝaicaloec nataq'aen yataqatelegue,

Lucas 23:47

Mane'e ca'li ñe'me coico lajoĝola' yauana da'me dojo', qama'le 'nonaĝachigui ñe'me Dios, enaac: —Yataqachiñe eja, qaya'te lejamaĝataĝac jenjo' jiyaĝaua.

Lucas 18:19

Jesús 'yateguet joñe'me: —¿Toqoch'e jayem auenaqatenec da'me jayem 'noota? Qaya'te gamachaqaega ta'le 'noota; onolec joñe'me 'noota, mach'e Dios.

Lucas 7:16

Mane'e ca'li qoyauana da'me dojo', qama'le ena'uaque jalcote da'me yoqochetem, nataq'aen 'nonaĝachidegue joñe'me Dios, enapega't: —¡'Uo jena'me p'ajaye Dios 'laqataĝanaĝanec jo'ne qo'mi naloĝonouelo! ¡Dios naequena qaedi qo'mi lecochiyalo, mach'e qo'mi lec'oqo'tepi!

Lucas 6:45

Nach'e ena'am ñe'me jiyaĝaua jo'ne 'noota nenaĝatedegue gaa'me 'noote', qa'a ga'me 'noota uetaye ga'me lauel, nataq'aen ñe'me jiyaĝaua jo'ne qaleuaĝaic nenaĝatedegue gaa'me ja 'noe'n qa'a da'me ja no'en uetaye ga'me lauel. Qa'a da'me ja nejataĝaic jo'ne uetaye ga'me lauel na'ya ga'me nedegaĝat nale doje.

Mateo 27:63

qama'le enapega't: —Jaliaĝanec, ñetouenaqatac quelqaya cha'li nec'aletaye di'me dijo' qovinaĝanaĝaic, 'yaĝatetac queda'me qom yenoĝodegue trejolqa gaa'me noloqo'ote qama'le 'niyelaĝajeguem.

Mateo 21:46

Chane'eja jetaque yecoñe't ca'li jogaa'me, qalaĝaja t'oidapega ga'me jiyaĝadipi, qa'a ga'me jiyaĝadipi p'iida'a ñe'me Jesús da'me nach'eñe Dios 'laqataĝanaĝanec.

Mateo 10:25

Chane'eja qaya'te yepaguejaque laqaya ga'me napaĝaguenatac qom joote ena'am ga'me napaĝaguenoqo't, nataq'aen ga'me nelatac qom joote ena'am ga'me ladipa. Qom qoyenapega Beelzebú ñe'me net'a, ¿jach'e jogamaĝa 'naqataqa jo'ne qoyachalo'te qomle gaa'me 'lachaqadiaĝa'u jo'ne mach'e c'oqo'tolqa?