Juan 6:70 - Nuevo Testamento Toba Sombrero Negro

⁷⁰ Jesús male 'yateguet: —Da'me ami doce, ¿qo'li ja naqayem jo'ne ami yiquiyaqa? Qalaĝaja, nach'e ena'am da'me ami 'uo ga'me onolec jo'ne yataqachiñe payac.

Nuevo Testamento Toba Sur

⁷⁰ Nachi so Jesús 'enapeco': –¿Sa ishito' da qami' doce da qami' llica'agui'shi? Qalaq da 'oonolec da qoñiita ÿaatañi da lataxac so shiÿaxaua lma'na.

La'aqtaqa Ñim Lo'onatac 'Enauacna 2013

⁷⁰ Nache So Jesús 'enapeco': –¿Saisheto' da qami' doce da qami' ica'agui'she? Ñi 'oonolec da qoñiita netaigui ñi pa'aguenataxanaxaic.

Juan 6:70 Referans Kwoze

Juan 13:27

Copa'ta taĝa joda'me yaconeguet jo'me pan lae ñe'me Judas, qama'le joñe'me Satanás taue na'me lauel. Jesús enapega joñe'me, enaac: —Joga'me jetaque aua'uo, 'noota qom paja'a aua'uo nayi.

Juan 13:2

Ca'li pi'yaq, da'me te'me maliaĝa deque'tape, ñe'me payac male taue na'me lauel ñe'me Judas, c'oĝot ñe'me Simón Iscariote, qama'le en lelnataĝac da'me yanegue joñe'me Jesús.

Juan 17:12

Da'me jayem ca'li cha'li jouetauelo jogaa'me, qama'le je'euoĝonot da'me adañoqotaĝanaĝac jo'ne jayem auanem, qaedi yataqata jetelalo jogaa'me. Qama'le qaya'te ta'le yejomac, dite jo'me jo'ne jalchi'ena taya'a da'me yejomac, qaedi yepaquichigui da'me 'yaĝatetac naa'me nedii's.

Juan 13:18

“Ja ademiya ta'le ami ja'aĝate'tape nayi, qa'a jayate'n jogaa'me jo'ne je'n yecochaĝa'u. Qalaĝaja yataqata yepaquichigui qomle da'me qoyediñe joca'li jo'ne eet'oi: «Joga'me mach'e yiqui'yaĝaua naqaega jo'ne jayem nautena jo' qomle.»

Juan 6:64

Qalaĝaja da'me ami maliaĝa uo'oe gaa'me jo'ne doqoleguetaĝa'n. Jesús naq'aetec da'me dojo' 'laqatac joca'li qa'a jalchi'ena yayate'n gaa'me jo'ne ja p'iida'a joñe'me, nataq'aen joga'me onolec jo'ne jetaque p'alegue joñe'me.

1 Juan 3:8

Qalaĝaja ga'me jo'ne quetalo'te jogaa'me loeco, nach'ega jo'ne chiyaqayi ñe'me payac, qa'a jalchi'ena ya'uo loec joñe'me payac joca'li gaa'me noloqo'ote jo'ne 'uaechidiñe. Qalaĝaja joote naequena joñe'me Dios Lec'oĝot qaedi yapalaĝa't ena'uaque jogaa'me 'lonataĝanaĝaco ñe'me payac.

1 Timoteo 3:11

Nataq'aen jogaa'me yauo' jo'ne jetaque uedaue jena'me jenjo', 'noota ta'le yauo' jo'ne onaĝayaqa loec, ja 'noota ta'le quejaĝail, 'noota ta'le yataqata joĝodail, uotaĝa yataqata ejoda nale 'uo ga'me yauote.

Hechos 1:17

Judas nach'edi jo'ne qo'mi chiyaqauelo, nataq'aen uetaue ca'li da'me dojo' qat'onataĝanaĝac.”

Juan 15:19

Ta'le ami ch'e aleua laje', jena'me jiyaĝadipi jo'ne aleua laje'pi ami noqopitalo, qama'le e'n ami ena'ama q'ae'n jogaa'me mach'e laqaya'. Qalaĝaja joote ami yiquiyaqa queda'me joote ami jachiyoĝotauelo joga'me ch'e aleua laje'pi. Chane'eja nach'eda jo'ne chiyaqayi da'me ami niquiya'alo, qa'a male ja ami 'te ch'e aleua laje'.

Juan 15:16

Ja ena'am ta'le jayem adiquiyaqui, dite da'me ami mach'e ami yiquiyaqa, qama'le ami jamaĝalo'te da'me oquiyi qaedi aueñi jalcote da'me anejalayaĝaqui, nach'aga jaga'me anejalai jo'ne ja yitaĝa pal. Qom naq'aeta qama'le ñe'me Taĝadena' ami yanema yema ga'me jo'ne aviyaĝañiyaque, jouaĝat da'me jayem auoqochi'taguet.

Juan 13:21

Ca'li yomat da'me nenaĝatedegue naa'me naajo' 'laqataqa, Jesús male nomeguet joda'me yataqata ja machiñe, qa'a yajouaĝat joda'me yataqata 'yaĝatetelegue joda'me dojo': —Yataqata eja da'me dojo': da'me 'uo ñe'me ami uetauelo jo'ne jayem yaneuo qomle.

Juan 8:44

Ñe'me adet'ai nach'eñe ñe'me payac, chane'eja da'me mach'e lelnataĝac a'vichetac, ga'me jo'ne mach'e 'yamaqaten. Da'me jo'ne 'uaechiñe joca'li nach'eñe ñe'me payac jo'ne dalataĝanac; Ñe'me nach'e eta't da'me ja ue'tajop ga'me eja, nataq'aen da'me ja yaqanatet ta'le 'yaĝatetac da'me eja. Mane'e qom nenaĝategue ga'me loqovinaĝanaĝac qama'le 'yaĝatetac ga'me mach'e loĝot, qa'a nach'eñe jo'ne qovinaĝanaĝaic, nataq'aen e'n qovinaĝanaĝayaqa gaa'me jiyaĝa'u jo'ne mach'e lec'oqo'te.

Tito 2:3

Nach'e naq'aete' gaa'me 'yaĝainadi' 'noota qom yataqatelegue da'me 'loyaĝa'j, nataq'aen ja quejaĝail, uotaĝa ta'le lataĝa lete'. 'Noota qom yauote da'me onaĝaic qaedi qoyadenaĝa't

Hechos 13:10

qama'le enapega, enaac: —¡Am qovinaĝanaĝaic, am ja no'en jo'ne payac c'oĝot nataq'aen anautenalo ena'uaque gaa'me jo'ne 'noota! ¿Toqoch'e ja aĝañi da'me auajáĝañi' gaa'me chimadetedegue ladico ñe'me Jaliaĝanec?

Juan 2:2

Nataq'aen 'uo ñe'me Jesús choqogaa'me mach'e lapaĝaguenataqa jo'ne nach'e ena'ama qoyepiquinalo qaedi uetedaue ga'me 'nonáĝac.

Juan 6:67

Qama'le ua'a ca'li male yena't jogaa'me doce jo'ne lapaĝaguenataqa joñe'me Jesús: —Da'me ami, ¿qo'li nach'e ena'am jetaque oquiyi?

Juan 6:71

Mane'e ca'li Jesús nenaĝategue da'me dojo', qama'le 'yaĝatetac ñe'me Judas, jo'ne lec'oĝot ñe'me Simón Iscariote, qa'a ñe'me Judas nach'eñe jo'ne dachinataĝalegue qaedi 'uo ga'me qo'yetec, mate mane'e te'me nach'e ena'am napotenaĝa'u jogaa'me jo'ne doce 'me lapaĝaguenataqa.

Juan 20:24

Joñe'me Tomás jo'ne lenaĝat qoyen da'me Uadiaĝaic, ñe'me jo'ne uetauelo ca'li jogaa'me doce jo'ne lapaĝaguenataqa joñe'me Jesús, nach'eñe jo'ne qaya joca'li da'me novi' joñe'me Jesús.